ەلوردانىڭ بايقوڭىر اۋدانىندا ءبىرىنشى رەت «كاسىپكەرلەر كۇنى» باستاۋ الدى, دەپ حابارلايدى astana-akshamy.kz.
اتالعان ءىس-شارانىڭ ماقساتى – كاسىپكەرلەردى قولداۋ جانە ولاردىڭ تۇيتكىلدى ماسەلەلەرىن ورتاعا سالىپ, جۇيەلى شەشىمىن تابۋ. جيىنعا استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى, قالالىق ساۋلەت, قالا قۇرىلىسى جانە جەر قاتىناستارى باسقارماسى, قالالىق جەر رەسۋرستارىن باسقارۋ دەپارتامەنتى, قالالىق ەنەرگەتيكا باسقارماسى جانە قالالىق كوممۋنالدىق شارۋاشىلىق باسقارماسىنىڭ وكىلدەرى قاتىستى.
ولاردىڭ اراسىندا بىرقاتار ءىرى ونەركاسىپتىك كاسىپورىندار دا بولدى. ماسەلەن, «Rainbow Logistic» جشس – ازىق-تۇلىك ەمەس تاۋارلاردى (استىق پەن مۇنايدان باسقا) ساقتاۋ سالاسىنداعى ەڭ ءىرى كاسىپورىنداردىڭ ءبىرى. ولاردىڭ تاراپىنان ەلەكترمەن, گازبەن جابدىقتاۋعا جانە نوسەر اعىندارىنا تەحنيكالىق شارتتاردى الۋ ماسەلەسى كوتەرىلدى. كەلەسى «ا-ستال ازيا» جشس – جالعا بەرۋ جانە جالعا بەرىلەتىن جىلجىمايتىن مۇلىكتى پايدالانۋ سالاسىنداعى قىزمەت. ولار جەر ۋچاسكەسىن الۋ جانە باعدارشام ورناتۋ ماسەلەسىن كوتەردى. ال «ابك بەتون» جشس – تاۋارلىق بەتون ءوندىرىسى, قۇرىلىس الاڭدارىنا بەتون-ەرىتىندى ونىمدەرىن وندىرۋمەن جانە جەتكىزۋمەن اينالىسادى. بەتون زاۋىتىنا جەر ۋچاسكەسىن الۋ ماسەلەسىن ورتاعا سالدى. «Amitech Astana» جشس – پلاستماسسا پليتالار, قۇبىرلار مەن پروفيلدەر ءوندىرىسى. جولدى كەڭەيتۋ ماسەلەسى, جىلۋ تراسساسىنىڭ قۇبىرلارىن تاسىمالداۋ مۇمكىندىگى ماسەلەلەرىن ايتتى. «ەكوتون+» اق – اۆتوكلاۆتى قاتايتىلعان ۇيالى بەتوننان (گازوبلوكتاردان) جاسالعان بۇيىمدار شىعاراتىن كومپانيالار توبى. شيكىزاتتى ءتۇسىرۋ جانە جونەلتۋ ءۇشىن نوسەر كارىزدەرىنىڭ اعىندارى بويىنشا بىرقاتار سۇراقتار كوتەردى. «BERTYS MACHINERY» جشس – پوليەتيلەن نەمەسە بولات گيدروقورعاۋ قابىعى بار پوليۋرەتاندى كوبىك جىلۋ وقشاۋلاۋىندا بولات قۇبىرلار مەن فاسوندى بولشەكتەردى وندىرۋگە ماماندانعان جوعارى عىلىمي-تەحنيكالىق جانە تەحنولوگيالىق الەۋەتى بار كاسىپورىن. ولار كىرمە جول ماسەلەسى بويىنشا, ەلەكتر جەلىلەرى بويىنشا جۇگىندى. «بوتەستامىر» جشس-كىرپىش, چەرەپيتسا جانە كۇيدىرىلگەن سازدان جاسالعان وزگە دە قۇرىلىس بۇيىمدارىن ءوندىرۋ سالاسىنداعى قىزمەت. جول جانە جىلىتۋ جانە زاۋىتقا باراتىن اۆتوبۋس ماسەلەسىن ايتتى.
اتالعان «كاسىپكەرلەر كۇنى» ەندى ءار اپتانىڭ سارسەنبىسىندە تۇراقتى تۇردە وتكىزىلىپ تۇراتىن بولدى.
قابىلداۋعا جازىلۋ ءۇشىن جانە قوسىمشا سۇراقتار بويىنشا تومەندەگى بايلانىس نومىرىنە حابارلاسۋعا بولادى: +7 (771) 164-05-15
