استانادا بالالاردى قورعاۋ كۇنىنە وراي «بالالاردى قورعاۋ – ەل بولاشاعىن قورعاۋ» اتتى دوڭگەلەك ۇستەل ءوتتى, دەپ حابارلايدى astana-akshamy.kz
ءىس – شارا استانا قالاسى ءدىن ىستەرى باسقارماسىنىڭ باستاماسىمەن ۇيىمداستىرىلدى.
دوڭگەلەك ۇستەلدى وتكىزۋدەگى باستى ماقساتى – قازاقستاندىق قوعام اراسىندا بالالاردى تاربيەلەۋگە قاتىستى ءجيى كەزدەسەتىن جاعدايلار مەن پروبلەمالاردى تالداۋ جانە تالقىلاۋ. سونىڭ ىشىندە بالالار اراسىنداعى قورقىتۋ قۇبىلىسى, لۋدومانيا, جىنىستىق تاربيە, وتباسىلىق ينستيتۋت جانە ت.ب. سونداي-اق ءدىني بىرلەستىكتەردىڭ بالالاردىڭ قۇقىقتارىن قورعاۋداعى جانە قولداۋداعى ىقپالى مەن ماڭىزدىلىعىن قاراستىرۋ.
«ينتەرنەت تەك ءبىلىم كوزى عانا ەمەس, ونىڭ جەكەلەگەن بولىگى وسكەلەڭ ۇرپاققا قاۋىپ توندىرەدى. لۋدومانيانىڭ, ناشاقورلىقتىڭ, دەسترۋكتيۆتى ءدىني اعىمداردىڭ تارالۋى كۇن تارتىبىندە تۇر. تالداۋ كورسەتكەندەي, بەلسەندى پايدالانۋشىلاردىڭ 80 پايىزدان استامى ينتەرنەت ارقىلى وتەدى. مينيسترلىك اقپاراتتى رەتتەۋشى رەتىندە مۇنداي مازمۇن سيپاتىن جويۋدى جانە بۇعاتتاۋدى جۇزەگە اسىرادى. جاستار كەلىپ تۇسەتىن ناقتى قاۋىپ-قاتەرلەردى ءتۇسىنىپ, باعالاۋى كەرەك. قوعام مينيسترلىكتەر, باسقارمالار, ءدىني بىرلەستىكتەر اتىنان وسكەلەڭ ۇرپاقتىڭ وسىنداي سىن-قاتەرلەرگە «يممۋنيتەتى» بولۋى ءۇشىن بارلىق شارالاردى قابىلداۋى ءتيىس», – دەپ اتاپ ءوتتى قر مادەنيەت جانە اقپارات مينيسترلىگى ءدىن ىستەرى كوميتەتى توراعاسىنىڭ ورىنباسارى ءانۋار حاتيەۆ.
سونداي-اق ءدىن ىستەرى, بالالاردى قورعاۋ كوميتەتتەرىنىڭ وكىلدەرى مەن ءدىني ينستيتۋتتاردىڭ وكىلدەرى وسكەلەڭ ۇرپاقتى تاربيەلەۋ تۋرالى ءوز پىكىرلەرىمەن ءبولىستى, وتكىر ماسەلەلەر مەن ولاردى شەشۋدىڭ جولدارىن تالقىلادى.
ءىس-شارا سوڭىندا دوڭگەلەك ۇستەلگە قاتىسۋشىلار بالالار ءۇيىنىڭ تاربيەلەنۋشىلەرىنە سىيلىقتار بەرىپ, شاعىن مەرەكە ۇيىمداستىردى.
