«جاستار» سارايىندا 1 ماۋسىم بالالاردى قورعاۋ كۇنى قارساڭىندا استانا قالاسى اكىمدىگىنىڭ «مەملەكەتتىك شىعارماشىلىق تاپسىرىستى ىسكە اسىرۋ ديرەكتسياسى» كمم ۇيىمداستىرۋىمەن قورىتىندى كونتسەرت ءوتتى, دەپ حابارلادى astana-akshamy.kz
«مەملەكەتتىك شىعارماشىلىق تاپسىرىستى ىسكە اسىرۋ ديرەكتسياسى» كمم ديرەكتورى ەرلان جالعاستىڭ ايتۋىنشا, ەلوردادا جان باسىنا قارجىلاندىرۋ باعدارلاماسى بويىنشا 26 مىڭ تاربيەلەنۋشى بار.
«بۇگىن كەرەمەت جاس تالانتتاردىڭ ونەرلەرىنىڭ كۋاسى بولىپ وتىرمىز. ولار ۇلكەن جەتىستىكتەرگە قول جەتكىزگەنىن بايقاۋعا بولادى. بالالار ءبىزدىڭ كەلەشەگىمىز, تالانتتى جاس بۋىن ءوسىپ كەلە جاتىر. جالپى بۇل باعدارلاما نەگىزىندە ەلوردادا 26 مىڭ بالا تاربيە الۋدا. مادەنيەت باعىتىندا 50 ۇيىرمە ءتۇرى بويىنشا 352 كاسىپكەر تىركەلدى. ونىڭ ىشىندە 750 ۇيىرمە قىزمەت جاساۋدا. اتاپ ايتار بولساق, دومبىرا, ۇلتتىق بي, زاماناۋي بي, ءان ايتۋ, بالەت جانە تاعى باسقا ۇيىرمەلەردە بالالار ءوز ونەرلەرىن شىڭداپ جاتىر», – دەيدى ەرلان جالعاس.
«جاستار» سارايىنىڭ فويەسىندە جاس سۋرەتشىلەردىڭ كورمەسى جانە قولونەرشىلەر جاساعان بۇيىمدارىنىڭ جارمەڭكەسى ۇيىمداستىرىلدى. قورىتىندى كونتسەرتتە 450 ءبۇلدىرشىن ونەر كورسەتتى.
