استانادا بيىل 170 اۋلا مەن قوعامدىق كەڭىستىك اباتتاندىرىلادى, دەپ حابارلايدى astana-akshamy.kz
بۇل جۇمىس قالانىڭ بارلىق اۋدانىن, ونىڭ ىشىندە تۇرعىن الاپتاردى دا قامتيدى. قازىر مەجەلەنگەن جۇمىستىڭ ءبىر بولىگى اياقتالدى.
حالىقارالىق بالالاردى قورعاۋ كۇنىندە ەلوردانىڭ بەس اۋدانىندا جاڭادان 20-دان استام اۋلا مەن قوعامدىق كەڭىستىك اشىلدى. بۇل تۋرالى مەرەكەمەن قۇتتىقتاعان استانا قالاسىنىڭ اكىمى جەڭىس قاسىمبەك Instagram پاراقشاسىندا ءمالىم ەتتى.
«حالىقارالىق بالالاردى قورعاۋ كۇنىمەن قۇتتىقتايمىن! ءاربىر بالا دارىندى جانە تالانتتى. ءار وتباسىعا, ءار بالاعا زور دەنساۋلىق, اماندىق جانە باستامالارىنا ساتتىلىك تىلەيمىن!
بالالارىمىز بەن ولاردىڭ اتا-انالارىنا مەرەكەلىك كوڭىل كۇي سىيلاۋعا تىرىستىق. ءاربىر اۋداندا ءتۇرلى ءىس-شارالار ءوتىپ جاتىر, ونىڭ بارىسىندا بۇگىن تاعى 20-دان استام اۋلا مەن قوعامدىق كەڭىستىك اشىپ جاتىرمىز.
«ەلوردا دارىندارى» رەسپۋبليكالىق, حالىقارالىق وليمپيادالار مەن عىلىمي جوبالار كونكۋرستارىنىڭ جەڭىمپازدارىمەن جانە جۇلدەگەرلەرىمەن كەزدەستىم. وقۋشىلاردىڭ جەڭىستەرى – ولاردىڭ توقتاۋسىز ىزدەنىسىنىڭ, سول سياقتى ۇستازدارى مەن اتا-انالارىنىڭ قولداۋىنىڭ ناتيجەسى. ءار بالانىڭ ومىردەن ءوز جولىن تابۋى, تالانتى مەن قابىلەتىن, الەۋەتىن بارىنشا اشا ءبىلۋى وتە ماڭىزدى.
مەملەكەت باسشىسى ايتقانداي, «جاس ازاماتتاردىڭ قۇقىعىن قورعاپ, دەنساۋلىعىن ساقتاۋ مەملەكەتتىڭ باستى باسىمدىعى سانالادى».
ءبىز نە ىستەسەك تە, بالالارىمىزدىڭ يگىلىگى ءۇشىن جاسايمىز. ويتكەنى, قازاقستاننىڭ بولاشاعى – وسكەلەڭ ۇرپاقتىڭ قولىندا. مەرەكە قۇتتى بولسىن! جاس ۇرپاقتىڭ شىعار شىڭدارى, باعىندىرار بەلەستەرى كوپ بولسىن!» – دەپ جازدى جەڭىس قاسىمبەك.
اۋلالاردىڭ اشىلۋى مەرەكەگە وراي سالتاناتتى تۇردە اتالىپ ءوتتى. بارلىق اۋلا اۋماقتارىندا كىشكەنتاي تۇرعىندار ءۇشىن فۋتبولدان تۋرنير وتكىزىلدى.ۇزدىك ويىنشىلار مەن كوماندالارعا ارنايى سىيلىقتار جانە ديپلومدار تابىستالدى.
سونداي-اق, ءتۇرلى انيماتورلاردىڭ قاتىسۋىمەن ويىن-ساۋىق ۇيىمداستىرىلدى. شاراعا تانىمال ەلوردالىق سپورتشىلار دا قاتىسىپ, بالالار مەن تۇرعىنداردى مەرەكەمەن قۇتتىقتادى.
ماسەلەن, نۇرا اۋدانىندا قىز جىبەك كوشەسى, 32 مەكەنجايىندا تۇرعىندارعا ارنالعان زاماناۋي ستاندارتتار بويىنشا جابدىقتالعان بالالار الاڭى بار اۋلا اشىلدى, مۇندا شىرشا اعاشى وتىرعىزىلدى, سول سياقتى work out اۋماعى مەن ءۇيدىڭ اۋماعى اباتتاندىرىلدى.
بيىل اۋداندا بارلىعى 17 اۋلا جاڭارتىلادى, سونداي-اق 65 اۋلادا جوندەۋ-قالپىنا كەلتىرۋ جۇمىستارى جۇرگىزىلەدى. سونىمەن قاتار, بيىل نۇرا اۋدانىندا 3 گۇلزار ورناتىلادى.
ال بايقوڭىر اۋدانىندا مەرەكە كۇنى العاشقى اباتتاندىرىلعان اۋلالار تۇرعىندار يگىلىگىنە تاپسىرىلدى. ولار بوگەنباي باتىر داڭعىلى, 54; اباي داڭعىلى, 71 جانە رەسپۋبليكا داڭعىلى 10, 10/1 مەكەن-جايلارىنداعى اۋلا اۋماقتارى.
ايتا كەتەيىك, اباي داڭعىلى, 71 مەكەن-جايىندا 13 جىلدان بەرى اباتتاندىرۋ جۇمىستارى جۇرگىزىلمەگەن. اعىمداعى جىلى وسى ءۇيدىڭ تۇرعىندارى «حالىق قاتىساتىن بيۋدجەت» جوباسى ارقاسىندا ءوز اۋلالارىن اباتتاندىرۋعا قاتىسۋعا مۇمكىندىك الدى. سوندىقتان بۇل مەرەكە – تەك بالالار ءۇشىن عانا ەمەس تۇرعىندار ءۇشىن دە اسا ماڭىزدى.
اعىمداعى جىلى «بايقوڭىر» اۋدانىندا بارلىعى 44 اۋلا اۋماعى, 6 قوعامدىق كەڭىستىك جاڭادان اباتتاندىرىلاتىن بولادى. بۇدان بولەك, 70 اۋلا اۋماعىندا جوندەۋ-قالپىنا كەلتىرۋ جۇمىستارى جۇرگىزىلەدى.
ايتا كەتەيىك, بايقوڭىر اۋدانىندا وتكەن جىلى اۋقىمدى اباتتاندىرۋ جۇمىستارى جۇرگىزىلگەن بولاتىن. ونىڭ اياسىندا بارلىعى 11 قوعامدىق كەڭىستىك جايلاستىرىلدى.
اتاپ ايتار بولساق:
1. «جۋرناليستەر» اللەياسى;
2. كەنەسارى-ەگەمەن قازاقستان كوشەلەرىنىڭ قيىلىسىنداعى گۇلزار;
3. كەنەسارى-بەيسەكباەۆ كوشەلەرىنىڭ قيىلىسىنداعى گۇلزار;
4. كەنەسارى كوشەسى, 73 ءۇيىنىڭ اۋماعىنداعى گۇلزار;
5. كەنەسارى كوشەسى, 77 ءۇيىنىڭ اۋماعىنداعى گۇلزار;
6. «اقبۇلاق» وزەنىنىڭ جاعالاۋى (اممان كوشەسىنەن تاۋەلسىزدىك داڭعىلىنا دەيىن) جانە ج.جاباەۆ ساياباعى;
7. «اقبۇلاق» وزەنىنىڭ جاعالاۋى (ابىلايحان داڭعىلىنان ش.قۇدايبەردىۇلى داڭعىلىنا دەيىن;
8. «ءوندىرىس» تۇرعىن الابىنداعى ۇشقوڭىر كوشەسىندەگى ورتالىق كەڭىستىك.
9. ءۋاليحانوۆ كوشەسى بويىندا جايا جۇرگىنشىلەر كەنڭىستىگىن قايتا جاڭارتۋ (ا.باراۆە كوشەسىنەن س.سەيفۋللين كوشەسىنە دەيىن);
10. «اقبۇلاق» وزەنىنىڭ جاعالاۋى (پۋشكين كوشەسى6 2,4,6 ۇيلەرى مەن تاۋەلسىزدىك داڭعىلىنىڭ ارالىعى), (م.گاندي ەسكەرتكىشىنىڭ اۋماعى);
11. «اقبۇلاق» وزەنىنىڭ جاعالاۋى («سيناگوگا» سىيىنۋ ءۇيى مەن بەلاسار كوپىرىنىڭ ارالىعىنداعى گۇلزار);
اتالعان 11 كەڭىستىك ەلوردا تۇرعىندارىنىڭ دەمالىسى ءۇشىن تاپتىرماس ورىندارعا اينالماق.
بالالاردى قورعاۋ كۇنى سارىارقا اۋدانى ءوزىنىڭ كىشكەنتاي تۇرعىندارىن ويىن-ساۋىق پەن دەمالۋ ءۇشىن سۇيىكتى ورىندارىنا اينالعان اۋلالارىن جاڭارتۋىمەن قۋانتتى. «حالىق قاتىساتىن بيۋدجەت-2024» جوباسى اياسىندا د.باباتايۇلى كوشەسى, 6, 8, 14, 16, 18 جانە كەندالا كوشەسى, 2, بوتالى كوشەسى, 26 مەكەنجايلارىنداعى اۋلالار كۇردەلى جوندەۋدەن ءوتتى.
كۇردەلى جوندەۋ جۇرگىزىلگەن اۋلالاردا جاڭا رەزەڭكە جابىن جايلاستىرىلىپ, ويىن ەلەمەنتتەرى جاڭارتىلدى, سپورت الاڭدارى مەن فۋتبول الاڭدارى جابدىقتالدى. جوبالار ءوز باستامالارىن ىسكە اسىرۋعا ەلەۋلى ۇلەس قوسقان تۇرعىنداردىڭ وتىنىشتەرى نەگىزىندە ىسكە اسىرىلدى. سونىمەن قاتار, اعىمداعى جىلى «حالىق قاتىساتىن بيۋدجەت-2024» جوباسى بويىنشا 30 اۋلانى اباتتاندىرۋ جوسپارلانعان.
جوندەلگەن اۋلالاردىڭ رەسمي اشىلۋىنان كەيىن بالالار وزدەرىنىڭ سۇيىكتى مۋلتفيلم كەيىپكەرلەرىمەن كەزدەسىپ, ويىندار مەن بايقاۋلارعا قاتىسىپ, سىيلىقتار الدى.
اۋداندى اباتتاندىرۋ جۇمىستارى تەك اۋلالارمەن شەكتەلمەيدى. اعىمداعى جىلى ءبىرجان سال, گەتە, قۇتپانوۆ كوشەلەرى مەن رەسپۋبليكا داڭعىلىن قايتا جوندەۋ جوسپارلانعان. جاڭا كوشە جيھازدارى ورناتىلىپ, ەسكى جارىق تىرەكتەرىن جاڭاسىمەن الماستىرا وتىرىپ, قوسىمشا جارىقتاندىرۋ جۇرگىزىلەدى.
سونداي-اق, بيىل سارىارقا اۋدانى اۋماعىندا يۋبيلەينايا كوشەسى, 22 جانە جەڭىس داڭعىلى, 34 مەكەنجايلارى بويىنشا ەكى جاڭا قوعامدىق كەڭىستىك پايدا بولماق. قازىرگى زامانعى جايلىلىق پەن قاۋىپسىزدىك ستاندارتتارىن ەسكەرە وتىرىپ اباتتاندىرىلاتىن بولادى
سونىمەن قاتار, جاڭارتىلعان «اقجايىق» ساياباعىنىڭ رەسمي اشىلۋى ءوتتى. بۇل تىنىمباققا وسى جىلى كۇردەلى جوندەۋ جۇرگىزىلدى. ەندى بۇل ورىن بارلىق تۇرعىندار ءۇشىن جايلى دەمالۋ ايماعى جانە ويىن الاڭىنا اينالماق. بالالاردى قورعاۋ كۇنىنە وراي كونتسەرت, كوڭىلدى انيماتورلار مەن بالالارعا سىيلىقتار ۇيىمداستىرىلدى.
الماتى اۋدانىندا بالالاردى قورعاۋ كۇنىنە وراي جاڭادان 7 اۋلا اشىلدى
«حالىق قاتىساتىن بيۋدجەت» باعدارلاماسى اياسىندا اباتتاندىرىلعان اۋلالار مىنا مەكەنجايلار بويىنشا ورنالاسقان: مايلين, 8, كۇيشى دينا, 44/1, ابىلاي حان, 25, جۇماباەۆ, 12ا جانە مۇسىرەپوۆ, 6/1, 6/2 6/3.
اۋلالاردىڭ اشىلۋى مەن بالالاردى قورعاۋ كۇنىنە وراي وسكەلەڭ ۇرپاققا ارنالعان كونتسەرتتىك باعدارلاما ۇيىمداستىرىلىپ, انيماتورلار شاقىرىلدى.
بۇل اۋماقتاردا شاعىن ساۋلەت نىساندارىن, بالالار ويىن كەشەندەرىن ورناتۋ, الدىڭعى باقتاردى, ويىن الاڭدارىنداعى جابىنداردى اۋىستىرۋ, فۋتبول جانە باسكەتبول الاڭدارىن جوندەۋ, سونداي-اق جاڭا سپورت الاڭدارى مەن تۇراق ايماقتارىن اشۋ سەكىلدى اۋقىمدى جۇمىستار جۇرگىزىلدى. سونىمەن قاتار, قالا تۇرعىندارىنىڭ جايلىلىعى ءۇشىن ورىندىقتار مەن قوقىس جاشىكتەرى ورناتىلدى.
بۇل جوبانىڭ ەرەكشەلىگى قوس اتكەنشەك, تەڭگەرگىش اتكەنشەك, كارۋسەل جانە ت.ب. سياقتى ۇلتتىق ستيل ەلەمەنتتەرى بار شاعىن ساۋلەت نىساندارىن ورناتۋ بولدى. ءوز كەزەگىندە بۇل قالا ينفراقۇرىلىمىن دامىتۋداعى بىرەگەي قادام بولدى جانە الماتى اۋدانىنىڭ تۇرعىندارىنا ارنالعان دەمالىس ءۇشىن جاڭا مۇمكىندىكتەر تۋعىزدى.
اۋلا اۋماقتارىن اباتتاندىرۋمەن قاتار, 3 قوعامدىق كەڭىستىكتى اباتتاندىرۋ جۇمىسى دا جۇرگىزىلىپ جاتىر:
1. تاۋەلسىزدىك داڭعىلىنىڭ جاياۋ جۇرگىنشىلەر بولىگىن دامىتۋ (اقبۇلاق وزەنىنىڭ جاعالاۋىنان ب.مومىشۇلى داڭعىلىنا دەيىن) – جاياۋ جۇرگىنشىلەر بولىگىن جايلاستىرۋ, داڭعىلدى كوگالداندىرۋ جانە جارىقتاندىرۋ جۇمىستارى جۇرگىزىلىپى جاتىر. تاۋەلسىزدىك داڭعىلى بويىندا مۇگەدەكتەر ارباسىنا تاڭىلعاندار ءۇشىن كەدەرگىسىز ورتا قۇرىلادى. جاياۋ جۇرگىنشىلەرگە قولايلى جاعداي جاساۋ ءۇشىن كولەڭكەلى شاتىرلار جاساۋ دا نازارعا الىنعان.
2. ت.جۇرگەنوۆ كوشەسىن اباتتاندىرۋ (ايناكول كوشەسىنەن ج.ناجىمەدەنوۆ كوشەسىنە دەيىن) – جاياۋ جۇرگىنشىلەرگە ارنالعان دەمالىس ايماقتارىن جايلاستىرا وتىرىپ, جاياۋ جۇرگىنشىلەر بولىگىن جوندەپ, اباتتاندىرۋ جانە كوشەلەردى جارىقتاندىرۋ جۇمىستارى جۇرگىزىلۋدە. 6 مىڭنان استام اعاش جانە 44 مىڭ بۇتا وتىرعىزۋ جوسپارلانىپ وتىر.
3. اقبۇلاق وزەنىنىڭ جاعالاۋىن اباتتاندىرۋ (ابىلاي حان داڭعىلىنان اممان كوشەسىنە دەيىن) – قوعامدىق كەڭىستىكتى اباتتاندىرۋ جۇمىستارى جۇرگىزىلۋدە, جۇمىستار اۋماقتى جارىقتاندىرۋ مەن كوگالداندىرۋدى قامتيدى.
استانادا الماتى اۋدانىنىڭ اۋماعىندا بيىل 50 اۋلانى اباتتاندىرۋ جوسپارلانىپ وتىر. سونداي-اق, تاعى 100 اۋلادا جوندەۋ-قالپىنا كەلتىرۋ جۇمىسىن جۇرگىزۋ جوسپاردا بار.
ەسىل اۋدانىنىڭ «پريگورودنىي» تۇرعىن الابىنداعى قابانباي باتىر داڭعىلى 105 جانە قابانباي باتىر داڭعىلى 105 «ا» مەكەنجايلارىندا اباتتاندىرىلعان ەكى اۋلا اۋماعىنىڭ سالتاناتتى اشىلۋى ءوتتى.
بالالاردى قورعاۋ كۇنىنە وراي, كىشكەنتاي قوناقتار ءۇشىن كونتسەرتتىك باعدارلاما ۇيىمداستىرىلىپ, انيماتورلار شاقىرىلدى. ءىس-شاراعا «پريگورودنىي» تۇرعىندارى قاتىستى.
اۋلالاردا كەشەندى اباتتاندىرۋ جۇمىستارى جۇرگىزىلدى, شاعىن ارحيتەكتۋرالىق فورمالار قويىلدى. جەرگە تارتان جانە اسفالت جابىنى توسەلدى, اتكەنشەكتەر, كارۋسەلدەر, ەڭ كىشكەنتاي بۇلدىرشىندەرگە – قۇمسالعىشتار, ال ەرەسەكتەرگە – سپورتتىق ترەناجەرلەر ورناتىلدى. اۋلالاردا ورىندىقتار مەن قوقىس جاشىكتەرى دە قويىلدى.
اعىمداعى جىلى تاعى 7 اۋلادا جوندەۋ-قالپىنا كەلتىرۋ جۇمىستارى جۇرگىزىلەدى.
سونداي-اق, بيىل ەسىل اۋدانىندا «حالىق قاتىساتىن بيۋدجەت» جوباسى بويىنشا ەڭ كوپ داۋىس جيناعان 4 جوبا ىسكە اسىرىلاتىن بولادى. ولار:
1. الماتى كوشەسى, 13 «وتانداستار» تك, «وتانداستار تك اۋلاسىن اباتتاندىرۋ» جوباسى;
2. سارايشىق كوشەسى, 5/1, «بالالار الاڭى مەن اۋلا اۋماعىن قايتا قۇرۋ» جوباسى;
3. قابانباي باتىر داڭعىلى, 42, «ينفينيتي 2» تك, «باقىتتى بالالىق شاق» جوباسى;
4. قابانباي باتىر داڭعىلى, 40, «ينفينيتي 1» تك.
اۋلا اۋماقتارىن ۇيىمداستىرۋمەن قاتار, قوعامدىق كەڭىستىكتەردە دە جۇمىستار جۇرگىزىلۋدە. ماسەلەن, بوتانيكالىق باقتا ۆەلو جانە جۇگىرۋ جولدارىن اۋىستىرۋ, ەسكىرگەن توسەنىشتەردى قايتا توسەۋ, كوپىردى بوياۋ جۇمىستارى جۇرگىزىلۋدە. سونىمەن قاتار, بۇكىل بوتانيكالىق باقتا جارىقشامدار قالپىنا كەلتىرىلەدى. سپورت الاڭدارى جانە ت.ب. جاڭارتىلادى.
اعىمداعى جىلى استانادا بارلىعى 170 اۋلا مەن قوعامدىق كەڭىستىك اباتتاندىرىلادى. جۇمىستار قالانىڭ بارلىق اۋداندارىندا, ونىڭ ىشىندە تۇرعىن الاپتارىندا دا جۇرگىزىلۋدە. قازىرگى ۋاقىتتا جۇمىستاردىڭ جارتى بولىگى اياقتالدى.
