وسى جىلى ماۋسىمنىڭ 20-21-ءى ارالىعىندا ەلوردالىق تەرروريزمگە قارسى كۇرەس جونىندەگى جەدەل شتابى استانا قالاسى اۋماعىندا تەرروريزمگە قارسى جوسپارلى وقۋ-جاتتىعۋ وتكىزەدى, دەپ حابارلايدى astana-akshamy.kz.
شارانىڭ ماقساتى قۇقىق قورعاۋ جانە ارنايى قىزمەت ورگاندارى كۇش-قۇرالدارىنىڭ تەرروريزم قاۋىپتەرىنە قارسى جەدەل ارەكەت ەتۋ دايىندىعىن تەكسەرۋ بولىپ تابىلادى.
وقۋ-جاتتىعۋ اياسىندا بەلگىلى دەڭگەيدە تىيىمدار, سونىڭ ىشىندە قالانىڭ كەيبىر اۋداندارىندا جاياۋ ءجۇرۋ جانە كولىك قوزعالىستارىنا ۋاقىتشا شەكتەۋلەر قويىلۋى مۇمكىن.
وسىعان وراي, سالا ماماندارى ازاماتتاردى ءوتىپ جاتقان شاراعا تۇسىنىكپەن قاراۋعا, قاۋىپسىزدىك شارالارىن ساقتاۋعا, مەملەكەتتىك ورگاندار قىزمەتكەرلەرىنىڭ زاڭدى تالاپتارىن ورىنداۋعا, تەك رەسمي اقپارات كوزدەرىنە سەنۋگە جانە جالعان اقپاراتتاردىڭ تارالۋىنا جول بەرمەۋگە شاقىرادى.
