«تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسى اياسىندا بەلگىلى قازاقستاندىق اكتەر داۋرەن سەرعازين «جۇلدىزدى پاترۋل» اكتسياسىن ۇيىمداستىردى, دەپ حابارلايدى astana-akshamy.kz.
اكتسيا اياسىندا داۋرەن سەرعازين تۇرعىندارمەن قالاعا ۇقىپتى قاراۋدىڭ جانە قوعامدىق ءتارتىپ پەن تازالىقتى ساقتاۋدىڭ ماڭىزدىلىعى تۋرالى اڭگىمەلەستى.
«جۇلدىزدى پاترۋل» كەزىندە اكتەر قوقىستى وتىرعان ورنىندا قالدىرىپ كەتكەن جاسوسپىرىمدەردى بايقادى. ول سونداي-اق ولاردان پلاستيكالىق بوتەلكەلەردى ۋرناعا تاستاۋدى ءوتىندى.
كتسيا اياسىندا اكتەر كوممۋنالدىق قىزمەتكەرلەرگە ەڭبەكتەرى ءۇشىن العىسىن ءبىلدىردى: ولارعا شاي بەرىپ, ءوز كومەگىن ۇسىندى.
«بارلىعىنا سالەم. الەۋمەتتىك اكتسيا اياسىندا مەن تۇرعىنداردىڭ نازارىن ەكولوگيالىق جاۋاپكەرشىلىككە اۋدارعىم كەلدى, سونداي-اق اتقارعان جۇمىستارىڭىز ءۇشىن سىزدەرگە العىس ايتقىم كەلدى. قالامىزدى تازا ءارى ۇقىپتى ۇستايتىندىقتارىڭىز ءۇشىن سىزدەرگە زور العىس بىلدىرەمىن», – دەدى اكتەر.
ول سونداي-اق قازاقستاندىقتاردى ەكواكتسياعا بەلسەندى قاتىسۋعا جانە قالادا تازالىقتى ساقتاۋعا شاقىردى.
