قر ۇلتتىق كىتاپحاناسىندا قازاق ادەبيەتىنىڭ كلاسسيگى, جازۋشى بەردىبەك سوقپاقباەۆتىڭ 100 جىلدىق مەرەيتويىنا وراي تۇرىك تىلىنە اۋدارىلعان «ولگەندەر قايتىپ كەلمەيدى» كىتابىنىڭ تۇساۋكەسەرى ءوتتى, دەپ حابارلايدى astana-akshamy.kz.
ءىس-شاراعا تۇركسوي حالىقارالىق ۇيىمىنىڭ باس حاتشىسى سۇلتان راەۆ, قر مام ارحيۆ, قۇجاتتاما جانە كىتاپ ءىسى كوميتەتىنىڭ توراعاسى رۋستام ءالي, تۇركيا رەسپۋبليكاسىنىڭ الماتى قالاسىنداعى باس كونسۋلى ەۆرەن مۋدەرريسوعلى, الماتى وبلىسى مادەنيەت, ارحيۆتەر جانە قۇجاتتاما باسقارماسىنىڭ باسشىسى اليەۆ دانيار قاتىستى.
«قازاقستان رەسپۋبليكاسىنىڭ مادەنيەت جانە اقپارات مينيسترلىگى قوعامدىق ماڭىزى بار ادەبيەتتەردى باسىپ شىعارۋ باعدارلاماسى اياسىندا بەردىبەك سوقپاقباەۆتىڭ كوپتومدىق كىتابىن ەكى رەت باسىپ شىعارىپ, ەلىمىزدىڭ بارلىق كىتاپحانالارىنا تاراتقان بولاتىن. كورنەكتى جازۋشىنىڭ وقىرماندار سانى ارتاتىنى قۋانتادى. ەندى ولاردىڭ قاتارىن تۇرىك باۋىرلارىمىز دا تولىقتىرادى», – دەدى رۋستام ءالي.
ءىس-شارا اياسىندا بەردىبەك سوقپاقباەۆتىڭ شىعارماشىلىعىنا ارنالعان كىتاپ كورمەسى ۇيىمداستىرىلدى.
