قازىرگى كەزدەگى ءبىلىم بەرۋدەگى باستى ماقسات – جان-جاقتى ءبىلىمدى, ءومىر سۇرۋگە بەيىم, وزىندىك وي-تالعامى بار, ادامگەرشىلىگى جوعارى, باسەكەگە قابىلەتتى جەكە تۇلعانى تاربيەلەۋ. «ادامعا قۇلاق پەن ءتىل قالاي كەرەك بولسا, ءبىلىم دە ءدال سولاي قاجەت» دەپ ا.بايتۇرسىنۇلى اتامىز ايتقانداي, قازىرگى تاڭدا ادام نەعۇرلىم يدەيالىق جاعىنان ءبىلىمدى بولسا, سوعۇرلىم ءوز ىسىندە تاباندى, تابىستى, مىعىم بولماق.
ساپالى ءبىلىم بەرۋ دەگەنىمىز – عىلىمعا نەگىزدەلگەن جۇيەلى باعدارلاما بويىنشا تەوريالىق, پراكتيكالىق ىسكە قابىلەتتى, ەڭبەككە باۋلۋ, دۇنيەتانىمىن كەڭەيتۋ جانە بالانىڭ بويىنداعى بار قابىلەتىن كەمەلىنە كەلتىرىپ جان-جاقتى تۇلعا تاربيەلەۋ بولىپ تابىلادى. وقىتۋ مەن تاربيەلەۋدىڭ ۇزدىكسىز پروتسەسى – ساپالى ءبىلىم بەرۋ.
قازىرگى تاڭداعى وقىتۋدىڭ ءادىس-تاسىلدەرى وزگەردى. ءبىلىم بەرۋدىڭ مازمۇنى جاڭارتىلىپ, جاڭاشا وي-پىكىر پايدا بولدى. وسىعان بايلانىستى مۇعالىمدەر الدىندا وقىتۋدىڭ ءادىس-تاسىلدەرىن ۇنەمى جاڭارتىپ وتىرۋ جانە تەحنولوگيالاردى مەڭگەرۋ, ونى ءتيىمدى قولدانا ءبىلۋ مىندەتى تۇر. ءبىلىم بەرۋ باعدارلاماسىنىڭ نەگىزگى ماقساتى – ءبىلىم مازمۇنىنىڭ جاڭارۋىمەن قاتار, كريتەريالدى باعالاۋ جۇيەسىن ەنگىزۋ جانە وقىتۋدىڭ ءادىس-تاسىلدەرى مەن ءارتۇرلى قۇرالدارىن قولدانۋدىڭ تيىمدىلىگىن ارتتىرۋدى تالاپ ەتەدى. قازىرگى قوعامنىڭ وزەكتى ماسەلەلەرىنىڭ ءبىرى – الەۋمەتتىك, ەكونوميكالىق وزگەرمەلى جاعدايلاردا ءومىر سۇرۋگە دايىن بولىپ قانا قويماي, سونىمەن قاتار ونى جۇزەگە اسىرۋعا, جاقسارتۋعا يگى ىقپال ەتەتىن جەكە تۇلعانى قالىپتاستىرۋ. ۇلى پەداگوگ ى.التىنسارين «وقىتۋشى باعالاعاندا ولاردىڭ ىسكە قاتىسى جوق سوزدەرىنە قاراپ ەمەس, ولاردىڭ ەگىستەرىنىڭ بەتىنە شىققان جەمىستەرىنە, ياعني وقۋشىلارىنا قاراي باعالاۋ كەرەك» دەپ ايتقانداي, وقۋشى جەتىستىگىن ناقتى باعالاۋ ماسەلەسى – ءبىلىم بەرۋ جۇيەسىندەگى وزەكتى ماسەلەلەردىڭ ءبىرى. وسى قاجەتتىلىكتى شەشۋ جولدارىنىڭ بىردەن-ءبىر جولى وقۋشى ءبىلىمىن كريتەريالدى باعالاۋ جۇيەسى بويىنشا سارالاۋ.
كريتەريالدى باعالاۋ جۇيەسىندەگى ەڭ ماڭىزدى نارسە – وقۋ پروتسەسىنىڭ ءوزى, سول ارقىلى وقۋشى ءوزىن-ءوزى باعالاۋدى ۇيرەنىپ, ءوز ءبىلىمىنىڭ ارتىقشىلىقتارى مەن كەمشىلىكتەرىن كورىپ, ءارى قاراي قالاي دامۋ كەرەكتىگىن تۇسىنەدى, ياعني بۇل جۇيەدە وقۋشىنىڭ قالاي جۇمىس جاساعانى, قالاي ويلانعانى باعالانادى. ءوز كەزەگىندە, ءبىلىم بەرۋ ساپاسىن جوعارىلاتۋ وقۋشىلار جەتىستىكتەرىن باعالاۋدىڭ ناقتى كريتەريلەرىن جاساۋدى تالاپ ەتەدى. باعالاۋداعى ەرەكشە امال – كريتەري ارقىلى باعالاۋ. كريتەريالدى باعالاۋ – بۇل ءبىلىم بەرۋدىڭ ماقساتى مەن مازمۇنىنا نەگىزدەلگەن وقۋشىنىڭ وقۋ-تانىمدىق قۇزىرلىعىن قالىپتاستىرۋدا الدىن الا بەلگىلەنگەن جەتىستىكتەرمەن سالىستىرۋ ءۇردىسى, بەلگىلى ءبىر كريتەريلەر ارقىلى باعالاۋ. جاڭارتىلعان ءبىلىم بەرۋدىڭ ماڭىزى – وقۋشى تۇلعاسىنىڭ ۇيلەسىمدى قولايلى ءبىلىم بەرۋ ورتاسىن قۇرا وتىرىپ سىن تۇرعىسىنان ويلاۋ, زەرتتەۋ جۇمىسىن جۇرگىزۋ, تاجىريبە جاساۋ, اكت-نى قولدانۋ, كوممۋنيكاتيۆتى قارىم-قاتىناسقا ءتۇسۋ, جەكە, جۇپپەن, توپتا جۇمىس جاساي ءبىلۋ, فۋنكتسيونالدى ساۋاتتىلىقتى, شىعارماشىلىقتى قولدانا ءبىلۋدى جانە ونى ءتيىمدى جۇزەگە اسىرۋ ءۇشىن قاجەتتى ءتيىمدى وقىتۋ ءادىس-تاسىلدەردى
(بىرلەسكەن وقۋ, مودەلدەۋ, باعالاۋ جۇيەسى, باعالاۋدىڭ ءتيىمدى ستراتەگيالارى) قولدانۋ. جاڭارتىلعان ءبىلىم بەرۋ باعدارلاماسىنىڭ ەرەكشەلىگى – ءسپيرالدى قاعيداتپەن بەرىلۋى. باعالاۋ جۇيەسى دە تۇبەگەيلى وزگەرىسكە ۇشىراپ, كريتەريالدى باعالاۋ جۇيەسىنە وتەدى. كريتەريالدى باعالاۋ كەزىندە وقۋشىلاردىڭ ۇلگەرىمى الدىن الا بەلگىلەنگەن كريتەريلەردىڭ ناقتى جيىنتىعىمەن ولشەنەدى. وقۋشىلاردىڭ ءپان بويىنشا ۇلگەرىمى ەكى تاسىلمەن باعالانادى: ءبولىم بويىنشا جيىنتىق باعالاۋ (بجب) جانە توقسان بويىنشا جيىنتىق باعالاۋ (تجب). بالانىڭ جان-جاقتى ىزدەنۋىنە ىنتالاندىرادى. كريتەريالدى باعالاۋ جۇيەسى فيليپپين, سينگاپۋر, جاپونيا, فرانتسيا, فينليانديا سىندى دامىعان ەلدەردە پايدالانىلادى. بۇل باعالاۋ جۇيەسىنىڭ ارتىقشىلىعى – بالانىڭ ويلاۋ قابىلەتىن دامىتىپ, عىلىممەن اينالىسۋىنا ىقىلاسىن تۋعىزادى. قالىپتاستىرۋشى باعالاۋ كۇندەلىكتى وقىتۋ مەن وقۋ ۇدەرىسىنىڭ اجىراماس بولىگى بولىپ تابىلادى جانە توقسان بويى جۇيەلى تۇردە وتكىزىلەدى. قالىپتاستىرۋشى باعالاۋ ۇنەمى جۇرگىزىلە وتىرىپ, وقۋشىلار مەن مۇعالىم اراسىنداعى كەرى بايلانىستى قامتاماسىز ەتەدى جانە بالل نە باعا قويماستان وقۋ ۇدەرىسىن تۇزەتىپ وتىرۋعا مۇمكىندىك بەرەدى. جيىنتىق باعالاۋ وقۋ باعدارلاماسىنىڭ بولىمدەرىن (ورتاق تاقىرىپتارىن جانە بەلگىلى ءبىر وقۋ كەزەڭىن (توقسان, وقۋ جىلى, ورتا ءبىلىم دەڭگەيى) اياقتاعان وقۋشىنىڭ ۇلگەرىمى تۋرالى اقپارات الۋ ماقساتىندا بالل جانە باعا قويۋ ارقىلى وتكىزىلەدى.
زەرتتەۋ داعدىسىن بارلىق پاندەردىڭ اياسىندا قاراستىرۋىمىز كەرەك. وسى باعىتتاعى ەرەكشەلىك – ساباقتى جوسپارلاۋ بارىسىندا تاپسىرمالاردى سارالاۋ. ول دا پەداگوگيكالىق ءادىس-ءتاسىلدىڭ ءبىرى, ياعني تاپسىرمانى وقۋشىنىڭ دەڭگەيىنە قاراي بەرۋ. سول ءتاسىل سارالاۋ دەپ ەسەپتەلەدى. ءبىلىم بەرۋ مازمۇنىنداعى جاڭالىق – وسى سارالاۋ ءتاسىلى. ورتا ءبىلىم مازمۇنىن جاڭارتۋ اياسىندا ءپان بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ كۋرسىنىڭ ءبىلىم بەرۋ باعدارلاماسىندا وقۋ ماقساتتارىنا ساي ساباق ماقساتتارىن سارالاۋ جۇمىسى تۇر. ول وقۋشىلاردىڭ قاجەتتىلىگىن قاناعاتتاندىرۋ جانە كەرى بايلانىس جاڭا وقۋ باعدارلاماسىنىڭ وقۋ جوسپارىن راسىمدەۋگە ماڭىزدى ءرول اتقارادى. ءبىرىنشى كەزەڭنىڭ ماڭىزى وقۋشىلاردىڭ مىقتى تۇستارى مەن ولاردىڭ كەزدەستىرەتىن قيىندىقتارىن انىقتاۋدان تۇرادى. بۇل كوپ جاعدايدا وقۋشىلاردىڭ اۋىزشا جاۋاپتارىنان باقىلاۋ ارقىلى جانە جازباشا جۇمىستارىن وقىپ تەكسەرۋ ارقىلى جۇزەگە اسادى. سونىمەن قوسا, بۇل اقپارات ءار وقۋشىنىڭ ۇلگەرىمىنە مىقتى تۇستارى مەن ولاردىڭ كەزدەستىرەتىن قيىندىقتارىن انىقتاۋدان تۇرادى. بۇل كوپ جاعدايدا وقۋشىلاردىڭ اۋىزشا جاۋاپتارىن باقىلاۋ ارقىلى جانە جازباشا جۇمىستارىن وقىپ تەكسەرۋ ارقىلى جۇزەگە اسادى. سونىمەن قوسا, بۇل اقپارات ءار وقۋشىنىڭ ۇلگەرىمىنە كومەكتەسەتىن پەداگوگيكالىق قىزمەتتەردى جوسپارلاۋ ءۇشىن پايدالانىلادى.
جالپى وقۋشىلاردىڭ قاجەتتىلىگىن قامتاماسىز ەتۋ دەگەندى قالاي تۇسىنەمىز؟ بارلىق مۇعالىم بالالارعا ءبىلىم بەرۋدە بارىنشا جوعارى جەتىستىكتەرگە قول جەتكىزۋ ءۇشىن قولايلى ورتا جاساۋعا تىرىسۋ كەرەك. كەيبىر مۇعالىمدەر تۇسىنبەي جاتادى. ءار مۇعالىم كۇندەلىكتى ساباق جوسپارىن قۇرۋدا وقۋ ماقساتىن باسشىلىققا الىپ, ساباق ماقساتىن دا ناقتى سارالاي الۋى كەرەك. مىسالى, بارلىق وقۋشىلار; وقۋشىلاردىڭ كوپشىلىگى; كەيبىر وقۋشىلار. وقۋشى وسىلاي سارالانادى. بىراق بالا كىم قانداي دەڭگەيدە ەكەنىن بىلمەۋى كەرەك. ەندى كەزەك تاپسىرمالار دايىنداۋ. قالاي؟ بارلىق بالالارعا ارنالعان تاپسىرمالار وڭاي تاپسىرمالار بولۋى كەرەك. تاپسىرمالاردى سىنىپتاعى بارلىق وقۋشىلار ورىنداي السا دەيمىز. ودان سوڭ وقۋشىلاردىڭ كوبىسى نە باسىم بولىگىنە بەرىلەتىن تاپسىرمالار ەندى ءسال كۇردەلىرەك بولىپ, ال كەيبىر وقۋشىلاردىڭ تاپسىرماسى ودان دا كۇردەلىرەك بولسا. سىنىپتاعى كەيبىر بالالار تالانتتى, دارىندى. ول وقۋشىلارعا شىعارماشىلىق تاپسىرمالار, جوبا جاساۋ تاپسىرمالارى بەرىلسە, نۇر ۇستىنە نۇر بولار ەدى. بۇل جەردە تاپسىرمالاردى سارالاۋدا وقۋشىلاردىڭ جاس ەرەكشەلىگى مىقتى ەسكەرىلۋى ءتيىس, ياعني مۇعالىم وقۋشىلاردىڭ جەكەلەگەن تانىمدىق دامۋىن زەرتتەپ الۋى كەرەك. تانىمدىق دامۋ دەگەنىمىز – بالانىڭ وقۋعا دەگەن قابىلەتتىلىگى, سونداي-اق زەيىنى, ءسوز سويلەۋ داعدىلارى, ويلاۋى, جادىسى (ماتەريالداردى قاي بالا قالاي ەسكە ساقتاي الادى), پايىمداۋى, شىعارماشىلىعى. مىنە, وسى جايتتاردى ەسكەرە وتىرىپ, سىني ويلاي الاتىن تاپسىرمالار دايىنداۋ كەرەك. تاپسىرمالار دايىن بولدى. ەندى ونى وقۋشىلارعا قالاي بەرەمىز؟ وسى كەزدە مۇعالىمگە ءتيىمدى ادىستەر اۋاداي قاجەت. سوندىقتان ول ادىستەردى تاڭداۋ مۇعالىم شەبەرلىگىنە بايلانىستى. سارالاۋدىڭ ءمانى مىنادا: ءبىر سىنىپتا, ءبىر باعدارلامامەن جانە ءبىر وقۋلىقپەن وقي وتىرىپ, وقۋشىلار وقۋ ماتەريالىن ءار ءتۇرلى يگەرەدى. بۇل جەردە انىقتاۋشى رەتىندە مىندەتتى دايىندىق دەڭگەيىن اتاۋعا بولادى. ونىڭ جەتىستىكتەرى ماتەريالدى يگەرۋ بويىنشا قاجەتتى شاعىن تالاپتاردى وقۋشىنىڭ ورىنداعانىنىڭ ايعاعى بولىپ تابىلادى. وسىنىڭ نەگىزىندە ماتەريالدى يگەرۋدىڭ جوعارى دەڭگەيى قالىپتاسادى. وسكەلەڭ جانە ءجاسوسپىرىم شاقتارىندا بالالاردا تانىمدىق قابىلەتىنىڭ بەلسەندى ءۇردىسى جۇرەدى. جاسوسپىرىمدەر قيسىندى ويلاي الادى, وزىندىك تالداۋدى بىلەدى, تەوريالىق جاعىنان وي ساپتاي الادى. ولار ادامگەرشىلىك, ساياسي جانە باسقا دا تاقىرىپتاردا ءوز ويلارىن ەركىن جەتكىزە بىلەدى. سوندىقتان شىعارماشىلىق دەڭگەيدە جۇمىس ىستەيتىن وقۋشىلار ءۇشىن تالداۋعا, سالىستىرۋعا قاتىستى, دالەلدەۋدى, ءماندىسىن ءبولىپ الۋدى جانە باعالاۋدى قاجەت ەتەتىن تاپسىرمالار بەرۋگە بولادى. سونىمەن قاتار, ەگەر بالا تەك ماڭىزدى پروبلەمالارعا نازار اۋدارسا, وندا كەيبىر ماڭىزى بار ماسەلەلەر نازاردان تىس قالۋى مۇمكىن. ماتەريالدى يگەرۋ دەڭگەيىن, ونى وقۋ جىلدامدىعىن, باقىلاۋ تاسىلدەرىن تاڭداۋعا وقۋشىلارعا ەرىك بەرە وتىرىپ, تەك قارقىندى, ماقساتتى ەڭبەك ارقىلى عانا ەركىن بولا الامىز, ءوز ءبىلىم, بىلىك داعدىلارىن تەكسەرۋگە مۇمكىندىك بەرەدى. سارالانعان تاپسىرمالارمەن جۇمىس
ىستەگەندە كوكەيتەستى, جاقىن دامۋ ايماقتارىن ەسەپكە الۋ ماڭىزدى. ول ءۇشىن جۇمىس ناتيجەلەرىنە ۇنەمى باقىلاۋ جاساپ وتىرۋ قاجەت.
جالپى ءوز تاجىريبەمدە ساباق بارىسىندا دەڭگەيلەپ-سارالاپ وقىتۋ تەحنولوگياسىن قولدانۋ وقۋشىلاردىڭ ورىنداعان تاپسىرمالارى ولاردىڭ وقۋداعى جەتىستىكتەرى مەن كەمشىلىكتەرىن انىقتاۋعا مۇمكىندىك بەرەتىنىن ءتۇسىندىم. مۇعالىم قاجەتتى ءبىلىمنىڭ وقۋشى ءۇشىن قاي جەرى قيىن بولعانىن انىقتاپ, قوسىمشا تاپسىرمالار ارقىلى وقۋشىلاردىڭ ءبىلىم دەڭگەيىن ارتتىرۋعا جاعداي جاساۋ ءۇشىن سىنىپتى توپقا ءبولىپ وقىتقان دۇرىس دەپ سانايمىن.
كەز كەلگەن مەكتەپتەردە ورىس ءتىلى مەن اعىلشىن ءتىلى پاندەرىندە وقۋشىلاردى توپقا ءبولۋ قاراستىرىلعان, ال ءبىلىم بەرۋدى, سونىڭ ىشىندە, ءوز ءتىلىمىز بەن تاريحىمىزدى تانىتقىمىز كەلسە, نەگىزگى پاندەردى مىسالى قازاق ءتىلى مەن ادەبيەتى, تاريح, ماتەماتيكا پاندەرىنەن توپقا ءبولىپ وقىتۋدى الداعى ۋاقىتتا قاراستىرعان ءجون دەپ ويلايمىن. ويتكەنى وقۋشىلاردى توپقا ءبولۋ سىنىپتاعى ءار وقۋشىمەن جەكە جۇمىس جاساۋعا مۇمكىندىك بەرەدى. سەبەبى بۇل پاندەر ۇلتتىق بىرىڭعاي تەستىلەۋدە (ۇبت) جانە ءبىلىم الۋشىلاردىڭ ءبىلىم جەتىستىكتەرىنە مونيتورينگ (ببجم) جاساۋدا ۇلكەن ءرول اتقارادى.قازىرگى تاڭدا مەكتەپتەردىڭ ءبىلىم ساپاسى وسى مونيتورينگ ارقىلى انىقتالىپ وتىر.
وقۋشى ءوزىنىڭ مەكتەپ قابىرعاسىندا العان ءبىلىمىن شىنايى ومىردەگى قاجەتتىلىكتەرىنە جاراتا بىلسە,وسىنىڭ ءوزى ءبىز ءۇشىن ۇلكەن جەتىستىك.سول ءۇشىن دە بۇل باعدارلامانىڭ نەگىزى «ومىرمەن بايلانىس» ۇعىمىنا قۇرىلعان. ۇستازدار الدىندا جاۋاپتى دا ۋلكەن مىندەت تۇر. ول-وقۋشىلاردى ءححى عاسىردا ءومىردىڭ بارلىق سالالارىندا بىلىمدىلىگى مەن جانە بويىنداعى قاجەتتى داعدىلارىمەن تابىستى بولۋعا جەتەلەۋ.
ءبىلىم بەرۋدىڭ قازىرگى كەزەڭى مۇعالىمنەن كاسىبي دەڭگەيىن, اسىرەسە وقۋشىلاردىڭ ساباقتاعى تانىمدىق ءىس-ارەكەتىن ۇيىمداستىرۋدىڭ تۇرلەرى مەن ادىستەرىن, جاڭارتىلعان ءبىلىم تەحنولوگيالارىن تۇتاستاي جەتىلدىرۋدى تالاپ ەتەدى. وسى مىندەتتەردى شەشۋ ءۇشىن وقۋ پروتسەسىن ۇيىمداستىرۋدا ۇتىمدى تەحنولوگيالار مەن نەعۇرلىم يكەمدى تاسىلدەردى تابۋعا تۋرا كەلەدى. ءداستۇرلى پەداگوگيكالىق تەحنولوگيالاردىڭ ۇتىمدى جاقتارى بار: مىسالى, وقۋ ءۇردىسىن ناقتى ۇيىمداستىرۋ, وقىتۋدىڭ جۇيەلىك سيپاتى, مۇعالىمنىڭ جەكە تۇلعاسىنىڭ ساباقتاعى قارىم-قاتىناسىنىڭ وقۋشىلارعا اسەرى. يننوۆاتسيالىق تەحنولوگيالار وقۋشىنى ءبىلىم بەرۋ پروتسەسىنىڭ باستى كەيىپكەرى رەتىندە انىقتايدى, بىراق مۇعالىمنىڭ ءرولى ءبىلىم الۋدىڭ وزگەرۋىنە بايلانىستى ارتا تۇسەدى, ويتكەنى قازىر ساباقتىڭ مۇمكىندىكتەرى كەڭەيە تۇسۋدە.
زاماناۋي ساباق – وقىتۋدا دەموكراتيالىق جانە جەكە تۇلعاعا باعىتتالعان تاسىلدەر قولدانىلعان, ءتيىمدى اقپاراتتىق-دامىتۋشى تەحنولوگيالار تۇرتكى بولاتىن شىعارماشىلىقپەن جۇمىس ىستەيتىن مۇعالىم مەن ويلاناتىن وقۋشىنىڭ بەلسەندى ىنتىماقتاستىعى.
«ءتيىمدى ساباق – ءبىلىم ساپاسىن كوتەرۋ» جوباسىنىڭ ماقساتى – وقۋشىلاردىڭ وقۋ-تانىمدىق ءىس-ارەكەتىن ۇيىمداستىرۋدىڭ ستاندارتتى ەمەس, ءتيىمدى فورمالارى مەن ادىستەرىن تابۋ جانە دامىتۋ. بۇل – وقۋ پروتسەسىنىڭ
ساپاسىن ارتتىرۋدىڭ نەگىزگى فاكتورى, وقۋشىنىڭ ساباقتاعى بىلىمدىك ماقساتتى جۇزەگە اسىرۋدا جەتىستىككە جەتۋگە مۇمكىندىك بەرەدى.
قازىرگى تاڭدا قوعامدا بولىپ جاتقان الەۋمەتتىك- ەكونوميكالىق وزگەرىستەر مەن ەلىمىزدىڭ ءبىلىم بەرۋ سالاسىنىڭ الەمدىك ءبىلىم كەڭىستىگىنە ءوتۋى ءبىلىم بەرۋ سالاسىندا, سونىڭ ىشىندە تاربيەلەۋ مەن وقىتۋعا ۋاقىت تالابىنا ساي وزگەرىستەر ەنگىزۋدى تالاپ ەتىپ وتىر. ساپا كاتەگورياسى – بىلىمدەندىرۋ قىزمەتتەرىن باعالاۋ, ادىستەمەسىن ۇيرەنۋ.
اتتەستاتسيا – پەداگوگتىڭ كۆاليفيكاتسيالىق ساناتىنا سايكەستىلىگىن انىقتاۋ ءۇشىن جۇرگىزىلەتىن زەرتتەۋدىڭ ساپالىق بەلگىسىن انىقتاي وتىرىپ, ءبىلىم بەرۋ ۇيىمدارىندا وقۋ-تاربيە ۇدەرىسى ساپاسىنىڭ بەلگىلەرى مەن كورسەتكىشتەرىن ءتيىمدى جانە ناقتى قولدانۋدى دامىتۋ.
باعالاۋ ءبىرىنشى كەزەكتە ءبىلىمنىڭ ساپاسىن ايقىنداۋ ءۇشىن قاجەت. ەگەر دە ءبىز ءوز جۇمىسىمىزدا ەلەۋلى تابىستارعا قول جەتكىزگىمىز كەلسە, وندا وتكەن ۋاقىتتاعى جانە قازىرگى ناتيجەلەرىمىزدى انىقتاۋىمىز كەرەك, ياعني جۇمىسىمىزدىڭ وڭ جانە تولىمسىز جاقتارىن ايقىنداپ, ونى باعالاۋىمىز قاجەت.
ءبىلىم بەرۋ ساپاسىن باعالاۋعا: مالىمەتتەردى جيناۋ جۇيەسى جانە العاشقى وڭدەۋ, ءبىلىم بەرۋ ساپاسىن تالداۋ جانە باعالاۋ, بارلىق سۋبەكتىلەرىن ستاتيستيكالىق جانە تالداۋلىق اقپاراتپەن قامتۋ جۇيەسى جاتادى. قىزمەت ءار كومپونەنت بويىنشا ءبىلىم بەرۋ ساپاسىن باعالاۋدى ىسكە اسىرۋ ۋاقىت تارتىبىمەن انىقتالادى.
مونيتورينگ نەگىزىندەگى وقۋ-تاربيەلىك كەشەندى باعاسى ءبىلىم بەرۋ ۇيىمدارىنىڭ وقۋ-تاربيەلىك ۇدەرىسىنىڭ ساپا باعا بەرۋ جۇيەسىن قايتا ويلاستىرۋدى, بالالاردىڭ وقۋ جەتىستەكتەردىڭ سىرتقى باعالاۋدى, قىزمەت ساپاسىنىڭ جۇيەلىلىك تالداۋ جۇرگىزۋدى, وبەكتيۆتى اقپاراتتىڭ اشىقتىعى مەن قولجەتىمدىگىن قامتاماسىز ەتۋدى قاجەت ەتەدى.
الدىن الا باعالاۋ – تەستىلەۋ, كەيىن اتتەستاتسيالاۋ مەن وبەكتيۆتى باعالاۋلاردى جۇرگىزبەي سالانىڭ تۇراقتى جۇمىسىن قامتاماسىز ەتىپ, ءىس- ارەكەتتە ۇيىمنىڭ دا, جەكە ادامنىڭ دا وڭ ناتيجەگە جەتۋى قيىن ەكەنى تۇسىنىكتى بولىپ وتىر. سوندىقتان وبەكتيۆتى باعالاۋ وتكىزۋگە باسشىلار دا, قىزمەتكەرلەر دە مۇددەلى بولۋى ءتيىس.
جۇماگۇل تلەۋلەسوۆا,
ءا.مارعۇلان اتىنداعى №40 مەكتەپ-ليتسەيى
ديرەكتورىنىڭ وقۋ ءىسى جونىندەگى ورىنباسارى
