«حالىق پەن حالىقتى تەڭەستىرەتىن – ءبىلىم» – دەپ قازاقتىڭ ابىزى مۇحتار اۋەزوۆ ايتقانداي, ءبىلىم باسەكەسىنە بەيىم شاكىرت تاربيەلەۋ – ءبىزدىڭ ومىرلىك ماقساتىمىز. وسى ورايدا قازاقستان رەسپۋبليكاسىنىڭ «ءبىلىم تۋرالى» زاڭىندا «ءبىلىم بەرۋ جۇيەسىنىڭ باستى مىندەتى – ۇلتتىق جانە ازاماتتىق قۇندىلىقتار, عىلىم مەن پراكتيكا جەتىستىكتەرى نەگىزىندە جەكە ادامدى قالىپتاستىرۋعا جانە كاسىبي شىڭدارعا باعىتتالعان ءبىلىم الۋ ءۇشىن قاجەتتى جاعدايلار جاساۋ, وقىتۋدىڭ جاڭا تەحنولوگيالارىن ەنگىزۋ, ءبىلىم بەرۋدەگى اقپاراتتاندىرۋ, حالىقارالىق عالامدىق كوممۋنيكاتسيالىق جەلىلەرگە شىعۋ» دەپ ءبىلىم بەرۋ جۇيەسىن ودان ءارى دامىتۋ مىندەتتەرى كوزدەلگەن. بۇل مىندەتتەردى شەشۋ ءۇشىن ءاربىر مۇعالىمنىڭ ىزدەنىسى, جاڭا تاجىريبە, جاڭا قارىم – قاتىناسقا ءوتۋ قاجەتتىگى تۋىندايدى.
قازىرگى جاس ۇرپاقتىڭ سانالى دا ساپالى ءبىلىم الۋىنىڭ بىردەن-ءبىر شارتى – وقۋ ورىندارىنداعى ءبىلىم بەرۋ پروتسەسىنە جاڭا يننوۆاتسيالىق تەحنولوگيالاردى ەنگىزۋ ەكەندىگى ءسوزسىز تۇسىنىكتى. سوندىقتان عىلىمي-تەحنيكالىق پروگرەستەن قالىسپاي, جاڭا پەداگوگيكالىق يننوۆاتسيالاردى دەر كەزىندە قابىلداپ, وڭدەپ, ناتيجەلى پايدالانا ءبىلۋ – ءاربىر ۇستازدىڭ نەگىزگى مىندەتى بولىپ تابىلادى.
«يننوۆاتسيالىق تەحنولوگيالاردى قولدانا وتىرىپ وقىتۋ – بۇل تانىم ارەكەتىن ۇيىمداستىرۋدىڭ ارناۋلى فورماسى. ماقساتى – وقۋ ءۇردىسىنىڭ ونىمدىلىگىن ارتتىرۋ».
قاي كەزەڭدە, قاي زاماندا بولماسىن مەكتەپتەگى باستى تۇلعا مۇعالىم دەسەك, دۇنيەجۇزىلىك دامۋ دەڭگەيىنەن كەم تۇسپەيتىن, يىق تىرەستىرە الاتىن, العان ءبىلىم مەن تاربيەلىك قازىناسىن تۋعان ەلىنە, ادامزات يگىلىگىنە جۇمساي الاتىن قازاقتىڭ وي تانىمىنىڭ يەسى, ونى ۇيىمداستىرۋشى مۇعالىمگە جاۋاپتى مىندەت جۇكتەلەدى. سوناۋ حح عاسىردىڭ باسىندا جۇسىپبەك ايماۋىتوۆ «ساباق بەرۋ – ۇيرەنشىكتى ءجاي عانا شەبەرلىك ەمەس, ول – جاڭادان جاڭانى تاباتىن ونەر» دەگەن ەكەن.ماقساتقا جەتۋ وقۋشىنىڭ ءوزى ارقىلى جۇزەگە اسادى.
بۇگىنگى كۇننىڭ باستى تالابى ەڭبەك نارىعى مەن قوعامنىڭ قاجەتتىلىكتەرىن قاناعاتتاندىرۋدا كاسىپتىك ءبىلىم بەرۋدىڭ بەدەلى ارتىپ وتىر. ونىڭ ماقساتى – تەحنيكالىق جانە كاسىپتىك ءبىلىم بەرۋ جۇيەسىن قايتا ۇيىمداستىرۋ, باسەكەگە قابىلەتتى داعدىلارى بار جانە ءبىلىم الۋدى جالعاستىرۋ ءۇشىن جەتكىلىكتى الەۋەتى بار ەكونوميكا سالالارى مەن جۇمىس بەرۋشىلەردى تەحنيكالىق جانە قىزمەت كورسەتۋ ەڭبەگىنىڭ بىلىكتى ماماندارىمەن قامتاماسىز ەتۋ.
دامىعان ەلدەردەگى ءبىلىم بەرۋ جۇيەسىندە ەرەكشە ماڭىزدى ماسەلەلەردىڭ ءبىرى – وقىتۋدى اقپاراتتاندىرۋ, ياعني وقۋ ۇردىسىندە تەحنولوگيالاردى پايدالانۋ. قازىرگى تاڭدا ەلىمىزدە ءبىلىم بەرۋ جۇيەسىندە جاڭاشىلدىق قاتارىنا اقپاراتتىق كەڭىستىكتى قۇرۋ ەنگىزىلدى. اقپاراتتاندىرۋ جاعدايىندا وقۋشىلار مەڭگەرۋگە ءتيىستى ءبىلىم, بىلىك, داعدىنىڭ كولەمى كۇننەن كۇنگە ارتىپ, مازمۇنى وزگەرىپ وتىر. كاسىپتىك ءبىلىم بەرۋدە اقپاراتتىق تەحنولوگيالاردى پايدالانۋ مەن وقۋشىلاردىڭ اقپاراتتىق قۇزىرەتتىلىگىن قالىپتاستىرۋ قازىرگى زامان تالابىنا ساي اقپاراتتىق تەحنولوگيالاردى, ەلەكتروندىق وقۋلىقتاردى جانە ينتەرنەت رەسۋرستاردى پايدالانۋ وقۋشىنىڭ ءبىلىم بەرۋ ۇردىسىندە شىعارماشىلىق قابىلەتىن دامىتۋعا مۇمكىندىك بەرەدى.
اقپاراتتىق تەحنولوگيا تاقىرىپ كولەمىندە نەمەسە بەلگىلى ءبىر ۋاقىت ارالىعىندا ايتىلۋعا ءتيىس مالىمەتتەر كولەمىن ۇلعايتادى. ءبىلىم دەگەن ءبىر — بىرىنەن ۇلكەن اراقاشىقتىقتا ورنالاسقان ءارتۇرلى وقۋ ورىندارىندا وتىرىپ قول جەتكىزۋگە بولادى. وقىتۋ جۇيەسىنىڭ كوپ دەڭگەيلى جەتىلدىرىلۋى ولاردىڭ تارامدالۋىمەن وقۋ ماتەريالىنىڭ ساپاسىن ارتتىرادى.
ۇرپاق ءۇشىن كىتاپتىڭ ماڭىزى قانداي بولسا, كومپيۋتەردە ستۋدەنت ءۇشىن قورشاعان الەمدى تانۋدىڭ تابيعي قۇرالى بولىپ تابىلادى. ولاي بولسا, بارلىق ساباقتاردى كومپيۋتەرلەردىڭ قۋاتتانۋىمەن جۇرگىزۋدى ۇيرەنۋ — بۇگىنگى كۇننىڭ كەزەك كۇتتىرمەيتىن وزەكتى ماسەلەلەرىنىڭ ءبىرى. سوندىقتان, ۇستاز – قاۋىمىنىڭ الدىنا وتە ۇلكەن مىندەت جۇكتەلدى. بۇگىنگى تاڭدا جاس ۇرپاققا ءپاندى ءتيىمدى ۇعىندىرۋدىڭ ءبىرى – جاڭا تەحنولوگيا نەگىزدەرى بولىپ تابىلادى. اقپاراتتاندىرۋ جاعدايىندا وقۋشىلار مەڭگەرۋگە ءتيىستى ءبىلىم, بىلىك, داعدىنىڭ كولەمى كۇننەن كۇنگە ارتىپ, مازمۇنى وزگەرىپ وتىر. ءبىلىم بەرۋ سالاسىندا اقپاراتتىق تەحنولوگيالاردى پايدالانۋ ارقىلى ءبىلىمنىڭ ساپاسى ارتادى, ساباق وتكىزگەن كەزدە ساپالى ءبىلىم بەرۋ ءۇشىن جاڭا تەحنولوگيالاردى پايدالانا وتىرىپ, سونىمەن قاتار كومپيۋتەردى, ينتەراكتيۆتى تاقتانى قولدانۋ ارقىلى ءبىلىم بەرسە, وقۋشىنىڭ قىزىعۋشىلىعى ارتا تۇسەرى انىق.
وقىتۋدىڭ كومپيۋتەرلىك تەحنولوگياسىن پايدالانۋ وقۋ پروتسەسىن جاڭا وقۋ — ادىستەمەلىك ماتەريالدارمەن قامتاماسىز ەتۋگە جانە وقۋشىنىڭ شىعارماشىلىق قابىلەتىن اشۋعا مۇمكىندىك بەرەدى.
شىعارماشىلىق ءىس — ارەكەت
زەيىن
ەستە ساقتاۋى
ينتەللەكتىسى
ويلاۋى
وقىتۋدىڭ كومپتەرلىك تەحنولوگياسى – وقىتۋدىڭ باعدارلامالىق يدەيالارىن دامىتادى, مۇلدەم جاڭا تەحنولوگيالىق جولدار اشادى.:
— ءداستۇرلى (وقۋلىق, كورنەكىلىك قۇرالدار, ەلەكتروندى وقۋلىقتار).
— كومپيۋتەرلىك ( پرەزەنتاتسيا, ديسكتەر, مۋلتيمەديا قۇرالدار).
— ينتەرنەت — تەحنولوگيا (ينتەرنەت دەربەس اقپارات كوزى رەتىندە, e — mail — اقپارات الماسۋ قۇرالى رەتىندە, ت. ب.).
كومپيۋتەرلىك وقىتۋ تەحنولوگياسى – پەداگوگتىڭ مۇمكىندىگىن كۇشەيتەتىن قۇرال, بىراق ول وقىتۋشىنى الماستىرا المايدى. كومپيۋتەر مۇمكىندىكتەرى پسيحولوگيا مەن ديداكتيكا تۇرعىسىنان تالدانىپ, كەرەك كەزىندە پەداگوگيكالىق تالاپتارعا ساي قولدانىلۋى كەرەك.
ءبىلىم ساپاسىن ارتتىرۋداعى جاڭا تەحنولوگيالار بۇگىنگى كۇنى پەداگوگيكادا, وقۋ – تاربيە ۇردىسىندە ەڭ ءجيى قولدانىلاتىن ۇعىم بولىپ وتىر. بەلگىلى عالىم م.م. پوتاشنيك «يننوۆاتسيا – وقۋ باعدارلاماسىن مەڭگەرتۋدە مۇعالىمنىڭ وقىتۋدىڭ جاڭا ادىستەمەلەرى مەن تەحنولوگيالارىن ءتيىمدى يگەرۋى» – دەپ انىقتاما بەرسە, ن.ف. تالىزينا «يننوۆاتسيالىق تەحنولوگيالاردى قولدانۋداعى نەگىزگى مىندەت: ساباق ۇردىسىندە بەلگىلەنگەن ماقساتقا جەتۋدە مەڭگەرىلۋى قيىن ساباقتاردى كومپيۋتەردىڭ كومەگىمەن وقۋشىلارعا ۇعىندىرسا, جاڭا تاقىرىپقا دەگەن بالانىڭ قۇشتارلىعى ويانادى.
ەلىمىزدىڭ بولاشاق جاستارىنا زامان تالابىنا ساي ءبىلىم بەرۋ – بۇگىنگى كۇننىڭ باستى تالابى. وسى تالاپتى ورىنداۋ ماقساتىندا ۇستازدارعا جۇكتەلەر مىندەت وراسان زور.
قازىرگى زامان تالابى – وقىتۋدىڭ جاڭا تەحنولوگيالارىن مەڭگەرۋ. وقىتۋدىڭ
جاڭا تەحنولوگيالارىنىڭ ءبىرى – اقپاراتتىق تەحنولوگيا. اقپاراتتاندىرۋ تەحنولوگياسىنىڭ دامۋى كەزەڭىندە وسى زامانعا ساي ءبىلىمدى, ءارى بىلىكتى ماماندارىن دايارلاۋ وقىتۋشىنىڭ باستى مىندەتى بولىپ تابىلادى. قوعامداعى اقپاراتتاندىرۋ پروتسەستەرىنىڭ قارقىندى دامۋى جان-جاقتى, جاڭا تەحنولوگيانى مەڭگەرگەن جەكە تۇلعا قالىپتاستىرۋدى تالاپ ەتەدى.
نايمانباەۆا جۇلدىز بالعابايقىزى,
استانا قالاسى الكەي مارعۇلان اتىنداعى №40 مەكتەپ-ليتسەي
