استانا قالاسى اكىمدىگىنىڭ ادىستەمەلىك ورتالىعى جانە №59 مەكتەپ-ليتسەيدىڭ
ۇيىمداستىرۋىمەن «باستاۋىش سىنىپ وقۋشىلارىنىڭ فۋنكتسيونالدىق ساۋاتتىلىعىن قالىپتاستىرۋ» تاقىرىبىندا رەسپۋبليكالىق سەمينار ءوتتى. تاجىريبەسىمەن بولىسۋگە 5 وڭىردەن باستاۋىش مۇعالىمدەرى قاتىستى.
باستاۋىش مەكتەپ مۇعالىمدەرىنىڭ نەگىزگى فۋنكتسياسى – باستاۋ مەن قالىپتاستىرۋ. كەز كەلگەن نارسەنى جالعاستىرۋدان باستاۋ قيىن. دامىتۋدان گورى قالىپتاستىرۋ قيىن ەكەنى – تابيعي زاڭدىلىق. سەميناردىڭ ماقساتى – باستاۋىش سىنىپ وقۋشىلارىنىڭ ساۋاتتىلىعىن قالىپتاستىرۋدىڭ تەوريالىق جانە پراكتيكالىق اكتىلەرىن ۇسىنۋ.
ءىس-شاراعا ادىستەمەلىك ورتالىقتىڭ باستاۋىش سىنىپتار بويىنشا ادىسكەرى ن.ءازىمباي, ادىسكەر ج.ەرگەشباەۆ, قالالىق باستاۋىش سىنىپتاردىڭ مۇعالىمدەرى قاتىستى.
سەميناردى مەكتەپ ديرەكتورى ا.جۇمابەكوۆا العىسوزىمەن اشىپ, مۇعالىمدەرمەن تانىستىرىپ, جاڭا بوي كوتەرگەن باستاۋىش سىنىپتارى عيماراتىنىڭ اشىلعانى جونىندە توقتالىپ ءوتتى. سونداي-اق وقۋ-اعارتۋ مينيسترلىگى ءبىلىم بەرۋ ساپاسىن قامتاماسىز ەتۋ كوميتەتى توراعاسىنىڭ ورىنباسارى م.مەلدەبەكوۆا كىرىسپە ءسوز سويلەپ, بۇگىنگى ءبىلىم بەرۋ جۇيەسىندەگى باستاۋىش مەكتەپتىڭ باستاۋ الار تابالدىرىعى مەن وقۋشىلاردى فۋنكتسيونالدىق قىزمەتكە داعدىلاندىرۋ تۋرالى توقتالدى. ءىس-شارا بارىسىندا قاراعاندى قالاسى س.سەيفۋللين اتىنداعى گيمنازيانىڭ باستاۋىش سىنىپ مۇعالىمى, كوپبەيىندى ترەنەر ا.اقماعامبەتوۆا «پاندىك ساۋاتتىلىقتان – فۋنكتسيونالدىق ساۋاتتىلىققا» تاقىرىبىندا ماڭىزدى ماسەلە كوتەرسە, تۇركىستان قالاسى №28 مەكتەپ-ليتسەيىنىڭ باستاۋىش سىنىپتار بويىنشا وقۋ ءىسى جونىندەگى ورىنباسارى م.باقىت ونلاين ەفيرگە شىعىپ, ءوز تاجىريبەسىمەن ءبولىستى. سونىمەن قاتار ونلاين فورماتتا الماتى قالاسىنان ر.قادىرقۇلوۆ IT تاقىرىبىندا ءسوز قوزعاپ, ءوزىنىڭ ەلەكتروندىق وقۋلىقتار قوسىمشاسىمەن جانە جەكە جوباسىمەن تانىستىردى. ال №59 مەكتەپ-ليتسەيدىڭ باستاۋىش سىنىپ مۇعالىمدەرى ب.نۇرعاليەۆا «فورميروۆانيە فۋنكتسيونالنوي گراموتنوستي ۋچاششيحسيا ناچالنىح كلاسسوۆ», س.ۋرالبەكوۆا «مودەل ۆىپۋسنيكا ناچالنىح كلاسسوۆ ۆ كونتەكستە IT كومپەتەنتسي» اتتى تاقىرىپتار اياسىندا بايانداما جاسادى.
سەمينار بارىسىندا قاتىسۋشىلار 2 سەكتسياعا ءبولىنىپ, تاجىريبە الماسۋ اشىق ساباعىن وتكىزدى. ءىس-شاراعا ەلىمىزدىڭ ءار وڭىرىنەن مەكتەپتىڭ باستاۋىش سىنىپ مۇعالىمدەرى قاتىستى, شەبەرلىك سىنىپتارىن جۇرگىزدى, پىكىر الماستى. «ادام بولام دەسەڭىز», «مەنىڭ ەلىم – تىرەگىم» تاقىرىپتارىندا سىنىپتان تىس جانە «اسىق اتۋ», «روبوتوتەحنيكا», «بيسەروپلەتەنيە», «ارت-تەراپيا» ۇيىرمەلەرىن ترانسلياتسيالادى. سەميناردىڭ تارتىمدى ءارى ماڭىزدى وتۋىنە اتسالىسىپ, ۇلەس قوسقان №59 مەكتەپ-ليتسەيدىڭ وقۋ جۇمىستارى جونىندەگى ورىنباسارلارى ا.اپاكوۆا, ۆ.ساتپاەۆانىڭ ەڭبەگى ەرەكشە. سەمينار سوڭىندا استانا قالاسى اكىمدىگى ادىستەمەلىك ورتالىعىنىڭ اتىنان بىرنەشە مۇعالىم سەرتيفيكاتپەن ماراپاتتالدى.
جۇماعالي يزماحانۇلى, استانا قالاسى اكىمدىگى
ادىستەمەلىك ورتالىعىنىڭ ادىسكەرى
