قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ جانە استانا قالاسى اكىمدىگىنىڭ ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسياسىنىڭ باستاماسىمەن 2024 جىلعى 24-28 ماۋسىم ارالىعىندا ەلوردادا بۇكىل رەسپۋبليكا بويىنشا رەپرودۋكتيۆتى دەنساۋلىق اپتالىعى وتەدى.
ءىس-شارانىڭ ماقساتى – رەپرودۋكتيۆتى دەنساۋلىقتىڭ ماڭىزدىلىعىن ارتتىرۋ جانە سالاۋاتتى ءومىر سالتىن ناسيحاتتاۋ.
وسى اكتسيا اياسىندا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى, پارلامەنتى ءماجىلىسىنىڭ
دەپۋتاتى, زاڭناما جانە سوت-قۇقىقتىق رەفورما كوميتەتىنىڭ توراعاسى سنەجاننا يماشەۆا, استانا مەديتسينا ۋنيۆەرسيتەتىنىڭ «اكۋشەرلىك جانە گينەكولوگيا» كافەدراسىنىڭ مەڭگەرۋشىسى, قوعامدىق دەنساۋلىق ساقتاۋ باسقارماسىنىڭ شتاتتان تىس اكۋشەر-گينەكولوگى زايتۋن حاميدۋللينا, ەلوردالىق ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ باس ينسپەكتورى-حاتشىسى قارلىعاش ساركەنوۆا باستاعان حانىمدار №2 قالالىق كوپبەيىندى اۋرۋحاناعا باردى.
ايتا كەتۋ كەرەك, بيىل 1 ساۋىردەن باستاپ اتالمىش اۋرۋحانا بازاسىنداعى «ۇرىقتى قورعاۋ ورتالىعىندا» ۇرىقتىڭ پاتولوگياسىن ۋاقىتىلى انىقتاۋ ءۇشىن ەلوردادا العاش رەت «ءبىر كۇندىك كلينيكا» جوباسى ەسىگىن ايقارا اشتى. «كلينيكا» جۇكتى ايەلدەرگە ءبىر كۇن ىشىندە ءبىرىنشى تريمەستردە پەريناتالدىق سكرينينگ جۇرگىزۋدىڭ جاڭا بىرەگەي ءتاسىلىن ۇسىنادى. وسى كۇننەن باستاپ جۇكتى ايەلدەر بارلىق قاجەتتى قىزمەتتەردى ءبىر كۇندە ءبىر جەردەن الا الادى. بۇل جۇكتى ايەلگە ۋلترادىبىستىق جازبالاردىڭ, زەرتحانالىق تەكسەرۋگە قان تاپسىرۋدىڭ, سالالىق ماماندارعا جانە سول كۇنى كلينيكاعا بارعان كەزدە نارەستەنىڭ دەنساۋلىعى تۋرالى تولىق بىلۋگە ءارى ۋاقىتتى ۇنەمدەۋگە مۇمكىندىك بەرەدى. جوبا اياسىندا جۇكتى ايەلدەر بيوحيميالىق جانە ءبىرىنشى تريمەستردىڭ ۋلترادىبىستىق سكرينينگىنەن وتە الادى, قاجەت بولعان جاعدايدا گەنەتيكتەن كەڭەس الا الادى جانە مۇنىڭ ءبارى ءبىر كۇندە جانە ءبىر جەردە جۇرگىزىلەدى.
جالپى ەرلەر مەن ايەلدەردىڭ رەپرودۋكتيۆتى دەنساۋلىعىن ساقتاۋ ءۇشىن جاعداي جاساۋ جونىندەگى مىندەتتەر ەلىمىزدىڭ 2030 جىلعا دەيىن وتباسىلىق جانە گەندەرلىك ساياساتتى دامىتۋ تۇجىرىمداماسىندا كورسەتىلگەن.
«رەپرودۋكتيۆتى دەنساۋلىق اپتالىعى جاسوسپىرىمدەردىڭ رەپرودۋكتيۆتى دەنساۋلىعىنىڭ ماڭىزدىلىعىن, قاجەتسىز جۇكتىلىك پەن جىنىستىق جولمەن بەرىلەتىن ينفەكتسيالاردىڭ الدىن الۋ ادىستەرىن, ايتۆ-ينفەكتسياسى مەن جىنىستىق جولمەن بەرىلەتىن ينفەكتسيالاردىڭ كوبەيۋى جانە جاتىر موينى وبىرىن تۋدىراتىن ادام پاپيللوماۆيرۋسىنىڭ الدىن الۋ قاجەتتىلىگى سياقتى ماسەلەلەردى شەشۋگە باعىتتالعان. اپتا اياسىندا اقپاراتتىق-اعارتۋ ءىس-شارالارى, دەنساۋلىق ورتالىقتارىندا اشىق ەسىك كۇندەرى, جاسوسپىرىمدەرگە ارنالعان تەگىن مەديتسينالىق تەكسەرۋلەر مەن كونسۋلتاتسيالار ۇيىمداستىرىلادى» دەدى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى, باس ينسپەكتور قارلىعاش ساركەنوۆا.
دەلەگاتسيا مۇشەلەرى جاسىنا جانە داعدىلارىنا سايكەس اقپاراتقا كەڭ قولجەتىمدىلىكتى قامتاماسىز ەتۋ, ءبىلىم بەرۋ ۇيىمدارىندا قاۋىپسىز جىنىستىق مىنەز-قۇلىق, سونىڭ ىشىندە جىنىستىق ءومىردىڭ باستالۋىن كەيىنگە قالدىرۋ ماسەلەلەرى بويىنشا تەگىن كەڭەس بەرۋ قاجەتتىگىنە نازار اۋداردى. سونداي-اق جاتىر موينى وبىرىنىڭ دەڭگەيىن تومەندەتۋگە مۇمكىندىك بەرەتىن اتا-اناسىنىڭ كەلىسىمىمەن 11 جاستاعى قىزدارعا ادام پاپيللوماۆيرۋسىنا قارسى ۆاكتسيناتسيا جۇمىستارىن جالعاستىرۋ نازاردا. بولاشاقتا ايەلدەر جىنىس مۇشەلەرىنىڭ دامۋىنداعى بۇزىلۋلار مەن تۋا بىتكەن اۋىتقۋلاردى ەرتە دياگنوستيكالاۋعا, قىزدار مەن جاسوسپىرىمدەردە رەپرودۋكتيۆتى فۋنكتسيانى ۋاقتىلى حيرۋرگيالىق تۇزەتۋگە جانە قالپىنا كەلتىرۋگە باعىتتالعان ارنايى باعدارلاما ازىرلەۋ جوسپارلانۋدا.
رەپرودۋكتيۆتى دەنساۋلىق اپتالىعى – بۇل رەپرودۋكتيۆتى دەنساۋلىق تۋرالى سەنىمدى اقپارات الۋدىڭ, بىلىكتى ماماندارعا سۇراقتار قويۋدىڭ, سكرينينگتەن ءوتۋدىڭ جانە سالاۋاتتى بولاشاققا قادام باسۋدىڭ بىرەگەي مۇمكىندىگى.
