قازاقستاندا Birgemiz جالپىۇلتتىق جوباسى اياسىندا ۆولونتەرلىك باستامالاردى جۇزەگە اسىرۋ ءۇشىن بولىنەتىن شاعىن گرانتتار بايقاۋىنىڭ جەڭىمپازدارى انىقتالدى. مەملەكەت تاراپىنان بايقاۋ اياسىندا جالپى 72 ميلليون تەڭگە سوماسىندا 240 شاعىن گرانت ءبولىندى, ولاردىڭ ارقايسىسى 300 مىڭ تەڭگەنى قۇرايدى, دەپ حابارلايدى astana-akshamy.kz.
جەڭىمپازداردىڭ ءبىرى, اقتوبە وبلىسىنىڭ تۇرعىنى ناتاليا دەمەنتيەۆسكايا «ينسۋلتكە بىرگە قارسىمىز» جوباسىن جۇزەگە اسىرۋدا. گرانتتىڭ كومەگىمەن ول اۋرۋحانادان شىققان ناۋقاستاردى وڭالتۋ شارالارىن جۇرگىزە الادى. سونداي-اق قان اينالىمىنىڭ جەدەل بۇزىلۋىنان زارداپ شەككەن ناۋقاستاردىڭ تۋىستارىنا كۇتىم جاساۋدى ۇيرەتە الادى.
باسقا دا ماڭىزدى باستامالار قولداۋ تاپتى. پاۆلودار وبلىسىنان كەلگەن سەرىكبولسىن قيناياتوۆ باياناۋىل وڭىرىندەگى تابيعات ەسكەرتكىشتەرىن ساقتاۋمەن اينالىسادى.
سونداي-اق شىعىس قازاقستان وبلىسىندا «عاجايىپتار الەمى» وڭالتۋ جانە دامىتۋ ورتالىعى» قوعامدىق ۇيىمى «كومەك قولىن سوز, دوستىق قولىن سوز!» جوباسىن جۇزەگە اسىرۋدا, ونىڭ اياسىندا ۆولونتەرلەر ومىرلىك قيىن جاعدايداعى بالالار مەن جاستاردى الەۋمەتتىك تۇرعىدا بەيىمدەۋ ءۇشىن تالىمگەرلىككە باۋليدى.
جالپى, ۆولونتەرلەر ەل وڭىرلەرىندە Birgemiz جوباسىنىڭ ءارتۇرلى باعىتتارى بويىنشا 200-دەن استام ءىس-شارا وتكىزەدى.
قازاقستان رەسپۋبليكاسى مادەنيەت جانە اقپارات مينيسترلىگىنىڭ باستاماسىمەن «ازاماتتىق باستامالاردى قولداۋ ورتالىعىنىڭ» قولداۋىمەن جۇزەگە اساتىن «Birgemiz» جوباسى – ەلىمىزدەگى ەرىكتىلەر قوزعالىسىن قولداۋعا باعىتتالعان بىرەگەي باستاما. جوبا ءۇش جىل ىشىندە جەرگىلىكتى وڭىرلەردە كوپتەگەن ماڭىزدى ءىس-شارالاردى جۇزەگە اسىرۋعا ۇلەس قوسىپ, تيىمدىلىگىن دالەلدەپ كەلەدى.
بيىل Birgemiz جوبالارىن جۇزەگە اسىراتىن 8 ۇكىمەتتىك ەمەس ۇيىم بايقاۋعا قاتىسۋشىلاردان مىڭنان استام ءوتىنىم قابىلدادى. Birgemiz جوباسى ۆولونتەرلەر قوزعالىسىن دامىتۋعا جانە قازاقستانداعى ازاماتتىق قوعامدى نىعايتۋعا ىقپال ەتە وتىرىپ, ازاماتتاردى جەرگىلىكتى ماسەلەلەردى شەشۋگە تارتادى.
