2024 جىلى ەلوردادا كوپپاتەرلى تۇرعىن ءۇي كەشەندەرىندە 30 جەدەل ساتىنى اۋىستىرۋ جوسپارلانعان, دەپ حابارلايدى astana-akshamy.kz.
بۇل تۋرالى استانا قالالىق ءماسليحاتىنىڭ توراعاسى ەرلان كاناليموۆ ءوزىنىڭ الەۋمەتتىك جەلىدەگى پاراقشاسىندا جاريالادى.
– بۇل كورسەتكىش سوڭعى ناتيجە ەمەس. بيۋدجەتتىك باعدارلامانىڭ اكىمشىسى جىل سايىن تكش ينفراقۇرىلىمىن جوندەۋ بويىنشا جول كارتاسىن ازىرلەيدى, ءتيىستى قارجىلاندىرۋمەن 40-قا جۋىق جەدەل ساتىنى اۋىستىرۋ كىرەدى. بۇعان دەيىن ءماسليحات دەپۋتاتتارى تكش جاڭعىرتۋ باعدارلاماسى شەڭبەرىندە 16 بىرلىك جەدەل ساتىلاردىڭ جابدىعىن اۋىستىرۋعا بيۋدجەتتىك ءوتىنىمدى ماقۇلدادى. قازىرگى ۋاقىتتا كورسەتىلگەن مەكەنجايلار بويىنشا اۋىستىرىلدى:
1. قۋانىشباەۆ №14-3 جەدەل ساتى.
2. ب.مومىشۇلى 17-3 جەدەل ساتى.
3. ب. مومىشۇلى 19-2 جەدەل ساتى.
4. يمانوۆا 6-1 جەدەل ساتى.
5. كەرەي جانىبەك حاندار 9-2 جەدەل ساتى.
6. سارىارقا 15-1 جەدەل ساتى.
7. قارتالى 18/1-2 جەدەل ساتى.
8. كۋبرين 22/1-2 جەدەل ساتى.
تاعى 14 جەدەل ساتىنى جوندەۋگە جانە اۋىستىرۋعا بيۋدجەتتىك وتىنىمدەر بەرىلدى, ولار جاقىن ارادا قارالاتىن بولادى, – دەپ جازدى ول.
ەلوردا تۇرعىندارىنا تۇرعىن ءۇي-كوممۋنالدىق شارۋاشىلىقتى جاڭعىرتۋ باعدارلاماسىنا قاتىسۋ ءۇشىن ۇيدەن ءوتىنىش بەرۋ قاجەت. قاراجات بيۋدجەتتەن 7 جىلدان 15 جىلعا دەيىنگى مەرزىمدە قايتارىمدى نەگىزدە پايىزسىز بولىنەدى.
