جاقىندا استانا قالاسى ءماسليحاتى مەن «جاڭارۋ» رەسپۋبليكالىق قوعامدىق بىرلەستىگىنىڭ قالالىق فيليالى اراسىندا ءوزارا ىنتىماقتاستىق تۋرالى مەموراندۋمعا قول قويىلادى. وسى قۇجات شەڭبەرىندە ەلوردالىق دەپۋتاتتىق كورپۋس قوس تاراپتىڭ بىرلەسكەن جوبالارىنا بەلسەنە قاتىسادى. سونداي-اق بىرقاتار باعدارلامانىڭ ورىندالۋ بارىسىن باقىلاۋدا ۇستايدى. بۇل تۋرالى ءماسليحات توراعاسى ەرلان كاناليموۆ ءمالىم ەتتى.
«جاڭارۋ» سىبايلاس جەمقورلىققا قارسى جالپىۇلتتىق قوزعالىسىنىڭ تاريحى ونىڭ قۇرمەتتى توراعاسى ورالباي ابدىكارىموۆتىڭ باستاماسىمەن تىكەلەي بايلانىستى. عىلىم جانە جوعارى ءبىلىم مينيسترلىگى سىبايلاس جەمقورلىققا قارسى ءىس-قيمىل جونىندەگى ۇيلەستىرۋ كەڭەسىنىڭ مۇشەسى ورالباي ابدىكارىمۇلىمەن جانە «جاڭارۋ» قوعامدىق بىرلەستىگىنىڭ ەلوردالىق فيليالى باسشىسىنىڭ ورىنباسارى داۋلەتكەرەي راحمەتۋللينمەن بىرقاتار ۇيىمداستىرۋ ماسەلەسىن تالقىلادىق. ەلوردالىق ءماسليحاتتىڭ «حالىق ۇنىنە قۇلاق اساتىن مەملەكەت» قاعيداتتارىن قالاي قۇرىپ جاتقانىمىز جانە سىبايلاس جەمقورلىققا توزبەۋشىلىك قالاي قالىپتاساتىنى تۋرالى ايتىپ بەردىم. بۇگىنگى تاڭدا ءماسليحات دەپۋتاتتارى ءۇشىن ءبىزدىڭ سايلاۋشىلارمەن ءوزارا ءىس-قيمىل بارىسىندا اشىقتىقتىڭ جوعارى دەڭگەيىن ساقتاۋ وتە ماڭىزدى. بۇل – ەلوردا تۇرعىندارىمەن كەرى بايلانىس, ازاماتتاردى جۇمىس ورىندارىندا, پارتيالاردىڭ قوعامدىق قابىلداۋلارىندا, سونداي-اق ەلوردالىق ءماسليحاتتىڭ قابىلداۋ بولمەسىندە ازاماتتاردى قابىلداۋعا قاتىستى ماسەلە» دەپ جازدى ە.كاناليموۆ الەۋمەتتىك جەلىدەگى پاراقشاسىندا.
