استانا قالاسىنىڭ مۇگەدەك جاستار قوعامى ۇيىمى بوۋلينگتى كوزدى جاۋىپ ويناۋدان «جاز-2024» ءتۋرنيرىن ۇيىمداستىردى, دەپ حابارلادى astana-akshamy.kz
ەلىمىزدە 700 مىڭعا جۋىق مۇمكىندىگى شەكتەۋلى جان بار. ونىڭ 109,5 مىڭى كامەلەتتىك جاسقا تولماعان بالالار. ستاتيستيكاعا جۇگىنسەك, ءار جىل سايىن 15 مىڭعا جۋىق بالا مۇگەدەك ستاتۋسىن الادى ەكەن. بۇل ويلاندىرارلىق كورسەتكىش.
وسى ورايدا استانا قالاسىنىڭ مۇگەدەك جاستار قوعامى ۇيىمى «دۋمان» قوناق ۇيىندە بوۋلينگتى كوزدى جاۋىپ ويناۋدان قر سەنات جانە ءماجىلىس پالاتاسىنىڭ دەپۋتاتتارى, ۇلتتىق ەكونوميكا, ەڭبەك جانە الەۋمەتتىك قورعاۋ جانە ت.ب مينيسترلىك وكىلدەرى اراسىندا 5 كوماندانىڭ جاساقتالۋىمەن سايىس ءوتتى.
بوۋلينگتى كوزدى جاۋىپ ويناعاندا, قاراپايىم ادام ءۇشىن قيىن بولۋى مۇمكىن. بىراق ۋاقىت وتە كەلە, ءسىز وعان بەيىمدەلىپ, كورسەتكىشىڭىز جاقسارادى. مىنە كەز-كەلگەن جان وزىنە ىڭعايسىز دۇنيەگە بەيىمدەلسە, مۇگەدەك جاندار ءومىر بويى وسىلاي جۇرەدى. ءبىزدىڭ ماقساتىمىز — ەل تاعدىرىن شەشۋگە اتسالىساتىن قر سەنات جانە ءماجىلىس پالاتاسىنىڭ دەپۋتاتتارى, مينيسترلىك وكىلدەرىن باسىن قوسىپ, جاقىن تانىسۋ. بەيرەسمي شارا تىعىز ارالاسۋعا, قارىم-قاتىناس قۇرۋعا جاقسى مۇمكىندىك.
ۇكىمەت دەڭگەيىندە ەلىمىزدە مۇمكىندىگى شەكتەۋلى ازاماتتارعا تەگىن ءبىلىم الۋ, سپورتپەن اينالىسۋ ت.ب جاعدايلار جاسالعان. بىراق ۋاقىت وزگەرىستى تالاپ ەتەدى. مۇگەدەكتەردىڭ ماسەلەسىن تەك مۇگەدەكتەر عانا جاقسى تۇسىنەدى. ولاردىڭ جاعدايىن جاساۋ ءۇشىن ءبىز سەكىلدى ۇيىمدار وزدەرىن تانىتىپ, وڭ شەشىم شىعارۋعا اتسالىسۋى ءتيىس,— دەدى استانا قالاسىنىڭ مۇگەدەك جاستار قوعامى ۇيىمىنىڭ وكىلى نازگۇل شوحاەۆا.
بۇل ءىس-شارا ءۇشىنشى رەت وتكىزىلدى. بۇعان دەيىن 2023 جىلى قازان ايىندا مەملەكەتتىك ورگان قىزمەتكەرلەرى جينالسا, 2024 جىلدىڭ ناۋرىز ايىندا قالانىڭ كاسىپكەرلەرى وسى تۋرنيردە سىنعا ءتۇستى.
باسەكەنىڭ باسىندا قاتىسۋشىلاردىڭ جىلدامدىعى مەن قارقىنى قاتتى بولعانىمەن, نىسانادان ءمۇلت كەتىپ جاتتى. تەك 10-15 مينۋتتان سوڭ عانا, ولار ويىنعا بەيىمدەلدى.
كوزدى جۇمۋ ارقىلى جاڭا قابىلەتتەر مەن مۇمكىندىكتەر اشىلادى دەگەندى بۇرىننان ەستىگەنمىن. راسىندا دا كەز كەلگەن جاعدايعا بەيىمدەلۋ ۋاقىتتى قاجەت ەتكەنىمەن, بۇل دا ادامعا كەرەك داعدىنىڭ ءبىرى ەكەن, — دەپ, ارمان اتتى قاتىسۋشى ءوز اسەرىمەن ءبولىستى.
«مۇگەدەك جاستار قوعامى» ۇيىمى الداعى ۋاقىتتا تەك بوۋلينگپەن عانا شەكتەلمەي, 19 قىركۇيەك كۇنى استانادا ءبىرىنشى رەت جەلكەندى سپورتتان دا شارا وتكىزۋ يدەياسى بار ەكەنىن ايتتى.
سۋرەت: وڭالحان ونەرحان
