بريكس ويىندارى جۇلدەگەرلەرىن قارسى الدى
![](https://astana-akshamy.kz/wp-content/uploads/2024/06/e2aac42cd0a8f9efc03c3aac550dbb29_1280x720-780x470.jpeg)
كەشە استانا حالىقارالىق اۋەجايىنا كوركەم گيمناستيكادان بريكس ويىندارىنىڭ قولا جۇلدەگەرلەرى ۇشىپ كەلدى, دەپ حابارلايدى astana-akshamy.kz
جەڭىمپاز اتانعان ەلوردالىق سپورتشىلاردى قۇتتىقتاۋ ءۇشىن استانا قالاسى دەنە شىنىقتىرۋ جانە سپورت باسقارماسىنىڭ باسشىسى ۆاسيلي لەۆيت جانە ولاردىڭ اتا-انالارى اۋەجايدا جينالىپ, چەمپيونداردى قوشەمەتپەن قارسى الدى.
«ءدۇبىرلى دودادا بار كۇشتەرىڭىزدى سالىپ, جىگەرلەرىڭىزدى كورسەتتىڭىزدەر. ءبىز سىزدەردى قاشان دا قولداۋعا دايىنبىز. جارقىن جەڭىستەرىڭىزدىڭ ءالى دە الدا ەكەندىگىنە سەنىمىمىز مول», – دەدى باسقارما باسشىسى ۆاسيلي لەۆيت.
ەستەرىڭىزگە سالساق, «فۋرور» كومانداسى بريكس ويىندارىندا كوركەم گيمناستيكادان 4 قولا جۇلدە جەڭىپ العان بولاتىن.
كوماندا ساپىندا جاسمين جۇنىسباەۆا, كريستينا چەپۋلسكايا, ايدا حاكيمجانوۆا, ايزەرە كەنەس, ايزەرە نۇرماعامبەتوۆا جانە ءمادينا مىرزاباي ونەر كورسەتتى.
ايتا كەتسەك, كوماندا قۇرامىنداعى 6 قىزدىڭ بارلىعى – قالالىق №1 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبىنىڭ تاربيەلەنۋشىلەرى.
قازان قالاسىنداعى بريكس ويىندارىندا قازاقستان قۇراماسى مەدالدىق ەسەپتە 10-ورىنعا يە بولدى. كوماندا قورجىنىندا ەكى التىن, 10 كۇمىس جانە ون جەتى قولا مەدال بار.
بريكس ويىندارى 12 ماۋسىمنان 23 ماۋسىمعا دەيىن سوزىلدى. جارىسقا 90-نان استام ەلدەن 5 مىڭعا جۋىق سپورتشى قاتىستى, ولار 387 مەدال جيىنتىعىن ساراپقا سالدى.
بريكس ويىندارىندا قازاقستاننىڭ نامىسىن سپورتتىڭ 13 تۇرىنەن 115 اتلەت قورعادى.