قازاقستاندىق «بارىس» كومانداسى بۇگىن قۇرلىقتىق حوككەي ليگاسىنداعى كەزەكتى ويىنىن رەسەيدە «امۋر» (حاباروۆسك) كومانداسىنا قارسى وتكىزەدى, دەپ حابارلايدى astana-akshamy.kz.
كەزدەسۋ بۇگىن, 16 اقپاندا ەلوردا ۋاقىتىمەن ساعات 15:00-دe باستالىپ, «Qazsport» تەلەارناسىنان تىكەلەي ەفيردە كورسەتىلەدى.
ەكى كوماندا بۇعان دەيىن 51 مارتە كەزدەسكەن. ونىڭ 29-ى ەلوردالىق كلۋبتىڭ باسىمدىعىمەن اياقتالسا, قالعان ويىنداردا رەسەيلىك كوماندا جەڭىسكە جەتكەن.
تۋرنير كەستەسىندە «بارىس» 63 ويىننان كەيىن 48 ۇپايمەن 22-ورىندا تۇر. ال «امۋر» 63 ويىننان كەيىن 66 ۇپايمەن 15-ورىندا كەلەدى.
ايتا كەتەيىك, استانالىق كلۋب سوڭعى 10 ويىننىڭ توعىزىندا قارسىلاستارىنا ەسە جىبەردى.
بۇل كەزدەسۋدەن كەيىن قازاقستاندىق ۇجىم تاعى ءبىر ويىنىن 18 اقپاندا رەسەيدە «امۋر» كومانداسىمەن وتكىزەدى.
ەسكە سالساق, بۇدان بۇرىن «بارىس» ون ءبىر ويىنعا سوزىلعان ساتسىزدىكتەن كەيىن جەڭىسكە جەتكەن بولاتىن.
