1972 جىلى بىرىككەن ۇلتار ۇيىمى ەكولوگيا ماسەلەسىنە ادامزات نازارىن اۋدارۋ ءۇشىن 5 ماۋسىمدى دۇنيەجۇزىلىك قورشاعان ورتانى قورعاۋ كۇنى دەپ بەلگىلەگەن بولاتىن, دەپ حابارلايدى astana-akshamy.kz
اتاۋلى داتاعا وراي ەلىمىزدە پرجەۆالسكي-كەرقۇلان, كەرتاعى جىلقىلارىن اكەلۋ بويىنشا سالتاناتتى ءراسىمى ءوتتى.
ولار قوستاناي وبلىسىندا ورنالاسقان «التىن دالا» قورىعىنا جىبەرىلدى.
ءىس-شاراعا قازاقستان رەسپۋبليكاسى ەكولوگيا جانە تابيعي رەسۋرستار ءمينيسترى ەرلان نىسانباەۆ, قوستاناي وبلىسىنىڭ اكىمى قۇمار اقساقالوۆ, چەحيا رەسپۋبليكاسىنىڭ قر-داعى ەلشىسى پاۆول شەپەلياك باستاعان چەحيا رەسپۋبليكاسىنان كەلگەن دەلەگاتسيا مۇشەلەرى قاتىستى.
«جابايى جىلقىلاردى قايتارۋ» حالىقارالىق جوباسىن ىسكە اسىرۋ شەڭبەرىندە قازاقستاننىڭ بيوالۋانتۇرلىلىگىن ساقتاۋ ماقساتىندا چەحيا قارۋلى كۇشتەرىنىڭ ارنايى اسكەري-كولىكتىك ۇشاعىمەن چەحيادان «التىن دالا» مەملەكەتتىك تابيعي رەزەرۆاتىنىڭ اۋماعىندا رەينترودۋكتسيالاۋ ءۇشىن پرجەۆالسكي – (كەرقۇلان, كەرتاگى) 8 باس جىلقى جەتكىزىلدى. بارلىعى 40 باس جىلقىنىڭ تاريحي وتانىنا ورالۋدى جوسپارلاپ وتىر.
قازاقستان مەن چەحيا ماماندارىنىڭ جەمىستى ىنتىماقتاستىعىنىڭ ارقاسىندا ەكى رەسپۋبليكا اراسىنداعى حالىقارالىق كەلىسىم شەڭبەرىندە قوستاناي وبلىسىنا (امانگەلدى جانە جانگەلدى اۋداندارىنا) وسى سيرەك كەزدەسەتىن جانۋارلاردىڭ 40 داناسى قايتا جەرسىندىرىلەتىن بولادى.
ءىس-شاراعا قازاقستاندىق بيوالۋانتۇرلىلىكتى ساقتاۋ قاۋىمداستىعىنىڭ (اسبك) وكىلدەرى جانە چەحيا مەن گەرمانيادان 40-قا جۋىق وكىل, ونىڭ ىشىندە جۋرناليستەر بەلسەندى قاتىستى.
