استانادا بۇگىننەن باستاپ جازعى اۋا رايى باستالدى, دەپ حابارلايدى astana-akshamy.kz
الداعى كۇندەردە ەڭ جوعارعى اۋا تەمپەراتۋراسى كۇندىز +28°C, تۇندە +17°C گرادۋسقا دەيىن كوتەرىلەدى. دەسە دە جازدىڭ العاشقى ايى كوبىنەسە بۇلتتى جانە جەلكەم بولادى. جاۋىن-شاشىن ىقتيمالدىعى – 25%.
وسى رەتتە نازارلارىڭىزعا وسى اپتانىڭ اۋا رايى مالىمەتتەرىن ۇسىنامىز.
3 ماۋسىم. كۇن جارتىلاي بۇلتتى بولادى. جوعارعى تەمپەراتۋرا +22°C. جەل جىلدامدىعى 15 جانە 30 كم/ساع. دەيىن. جاۋىن ىقتيمالدىعى 1-3%. تۇندە تەمپەراتۋرا +11°C بولادى. اۋا ىلعالدىلىعى 44-66% اراسىندا.
4 ماۋسىم. كوبىنەسە بۇلتتى. جوعارعى تەمپەراتۋرا +24°C. جەل جىلدامدىعى 12 جانە 23 كم/ساع. دەيىن. جاۋىن ىقتيمالدىعى 8-14%. تۇندە تەمپەراتۋرا +12°C بولادى. اۋا ىلعالدىلىعى 51-84% اراسىندا.
5 ماۋسىم. كوبىنەسە اشىق. جوعارعى تەمپەراتۋرا +28°C. جەل جىلدامدىعى 18 جانە 21 كم/ساع. دەيىن. جاۋىن ىقتيمالدىعى 4-8%. تۇندە تەمپەراتۋرا +16°C بولادى. اۋا ىلعالدىلىعى 46-63% اراسىندا.
6 ماۋسىم. كۇن جارتىلاي بۇلتتى. جوعارعى تەمپەراتۋرا +26°C. جەل جىلدامدىعى 20-28 كم/ساع. دەيىن. جاۋىن ىقتيمالدىعى 22-24%. تۇندە تەمپەراتۋرا +16°C بولادى. اۋا ىلعالدىلىعى 56-85% اراسىندا.
7 ماۋسىم. اراگىدىك نايزاعاي وينايدى. جوعارعى تەمپەراتۋرا +25°C. جەل جىلدامدىعى 19 جانە 26 كم/ساع. دەيىن. جاۋىن ىقتيمالدىعى 36-49%. تۇندە تەمپەراتۋرا +16°C بولادى. اۋا ىلعالدىلىعى 65-88% اراسىندا.
8 ماۋسىم. كۇن جارتىلاي بۇلتتى بولادى. جوعارعى تەمپەراتۋرا +28°C. جەل جىلدامدىعى 18 جانە 22 كم/ساع. دەيىن. جاۋىن ىقتيمالدىعى 19-24%. تۇندە تەمپەراتۋرا +17°C بولادى. اۋا ىلعالدىلىعى 60-78% اراسىندا.
9 ماۋسىم. كۇن جارتىلاي بۇلتتى. جوعارعى تەمپەراتۋرا +27°C. جەل جىلدامدىعى 19 جانە 23 كم/ساع. دەيىن. جاۋىن ىقتيمالدىعى 18-24%. تۇندە تەمپەراتۋرا +15°C بولادى. اۋا ىلعالدىلىعى 57-83% اراسىندا.
ەستەرىڭىزگە سالا كەتسەك, ماۋسىم ايىنىڭ 1-ىنەن باستاپ استانادا سۋعا ءتۇسۋ ماۋسىمى باستالعان بولاتىن. دەسە دە كۇننىڭ جەلكەم بولۋىنا بايلانىستى, سۋ تەمپەراتۋراسى دا قولايلى دەڭگەيگە دەيىن جىلي قويماۋى مۇمكىن.
كوممۋنيكاتسيالار قىزمەتىندە وتكەن بريفينگتە استانا قالاسى تجد ازاماتتىق قورعانىس باسقارماسىنىڭ باستىعى ازامات قۇسايىنوۆ بايانداعانداي, استانا سۋ ايدىندارىندا ەلوردا تۇرعىندارى مەن قوناقتارىنىڭ جاپپاي دەمالۋى ءۇشىن جۇزۋگە رۇقسات ەتىلگەن 5 جاعاجاي بەلگىلەندى. ولار – 4 جەكە اقىلى جاعاجاي: «ورتالىق قالالىق جاعاجاي», «تري پەسكاريا», «ستوليچنىي دۆور», «ارمينا» دەمالىس ايماقتارى جانە 1 تەگىن كوممۋنالدىق جاعاجاي.
سونداي-اق, سۋ ايدىندارىنىڭ 21 ۋچاسكەسىنە بەلگى ورناتىلدى, وندا جۇزۋگە تىيىم سالىنادى. رۇقسات ەتىلگەن جانە تىيىم سالىنعان ۋچاسكەلەردىڭ تىزبەسى «2 GIS» پلاتفورماسىندا ورنالاستىرىلعان.
«تىيىم سالىنعان ۋچاسكەلەرگە «شومىلۋعا تىيىم سالىنادى» دەگەن بەلگىلەر, سونداي-اق قالقىمالى بەلگىلەر, اقپاراتتىق ستەندتەر, بەينەباقىلاۋ كامەرالارى ورناتىلدى, بۇل رۇقسات ەتىلمەگەن جەرلەردە شومىلۋ فاكتىلەرىنە مونيتورينگ جۇرگىزۋگە جانە ۋاقىتىلى دەن قويۋعا مۇمكىندىك بەردى. تەك ارنايى جابدىقتالعان رۇقسات ەتىلگەن ورىنداردا, جاعاجايلاردا, باسسەيندەردە شومىلۋ كەرەك», – دەپ ەسكەرتتى باسقارما باسشىسى.
ونىڭ ايتۋىنشا, قاۋىپسىز شومىلۋعا جارامدى سۋدىڭ تومەنگى تەمپەراتۋرا شەگى +18°س, اۋا تەمپەراتۋراسى +22°س – دەنساۋلىعى جاقسى ادامدار ءۇشىن. بالالار مەن دەنساۋلىعى ناشار ادامدار ءۇشىن مۇنداي تەمپەراتۋرادا شومىلۋ دەنساۋلىق پەن ومىرگە قاۋىپ توندىرەدى.
