سۇر تىرنا – قازاقستانداعى قورعالاتىن قۇستاردىڭ ءبىرى, دەپ حابارلايدى astana-akshamy.kz
ەلىمىزدىڭ قىزىل كىتابىنا ەنگەن سيرەك كەزدەسەتىن سۇر تىرنا (Grus grus) «بۋراباي» مەملەكەتتىك ۇلتتىق تابيعي پاركىنىڭ اۋماعىندا ورناتىلعان فوتوتۇزاق كامەراسىنا ءتۇستى.
تابيعي مەكەندەۋ ورىندارىنىڭ جوعالۋى مەن ادام قىزمەتىنىڭ ناتيجەسىندە ونىڭ سانى ايتارلىقتاي ازايدى. سوندىقتان بۇل سيرەك كەزدەسەتىن قۇستى بايقاۋدىڭ ءاربىر جاعدايى تىركەلىپ, ورنيتولوگتار مەن تابيعاتتى قورعاۋمەن اينالىساتىندار ءۇشىن ماڭىزدى وقيعاعا اينالدى.
ء«بىزدىڭ اۋداندا سۇر تىرنانى كورۋ – ءبىزدىڭ ۇلتتىق پاركتىڭ جانۋارلار الەمىن قورعاۋ ءۇشىن قابىلداعان شارالارىنىڭ تيىمدىلىگىن راستايتىن تاماشا جاڭالىق. ءبىز قۇستاردىڭ مۇنداي سيرەك كەزدەسەتىن تۇرلەرىنىڭ ءوزىن قاۋىپسىز سەزىنەتىنىن كورگەنىمىزگە وتە قۋانىشتىمىز», – دەپ ءتۇسىندىردى «بۋراباي» مۇتپ عىلىم, اقپارات جانە ەكولوگيالىق مونيتورينگ ءبولىمىنىڭ اعا عىلىمي قىزمەتكەرى ەۆگەني ارحيپوۆ.
ول بۇل قۇستاردىڭ مەكەندەيتىن جەرلەرى تۋريستەر ءۇشىن جابىق ۇلتتىق پاركتىڭ بىرنەشە ايماعىندا عانا تىركەلگەندىگىن اتاپ ءوتتى
