2024 جىلدىڭ 25-28 شىلدە ارالىعىندا قازاقستان استاناسىندا Comic Con Astana III حالىقارالىق فەستيۆالى وتەدى, دەپ حابارلايدى astana-akshamy.kz
Comic Con Astana-كوميكستەر, كينەماتوگرافيا, بەينە ويىندار, انيمە جانە قازىرگى زامانعى تانىمال مادەنيەتتىڭ وزگە دە باعىتتارىنا ارنالعان فەستيۆال.
اۋقىمدى ءىس-شاراعا حالىقارالىق ستۋديالار, پروديۋسەرلەر, تانىمال بلوگەرلەر جانە كاسىبي كوسپلەي-ارتىستەرى قاتىسپاقشى.
فەستيۆال باعدارلاماسىندا قولتاڭبا سەسسيالاردى, پرەمەرالاردى ارنايى كورسەتىلىمدەر مەن پرەزەنتاتسيالار, كوسپلەي-شوۋلار, كوميكستەر, مۋزىكالىق ورىنداۋشىلار مەن بي توپتارىنىڭ قويىلىمدارى بار.
الەمدىك ستۋديالار فەستيۆال الاڭىندا وزدەرىنىڭ ينتەراكتيۆتى-ويىن-ساۋىق ستەندتەرىن ۇسىناتىن بولادى.
فەستيۆال شوۋ باعدارلاماسىنىڭ ءداستۇرلى ەلەمەنتى 12 000 000 تەڭگەلiك جۇلدە قورى قۇرايتىن حالىقارالىق كوسپلەي بايقاۋى بولماق. قازىلار القاسىنىڭ قۇرامىندا دانيادان كەلگەن تالانتتى كوسپلەەر جانە Trine كوستيۋمدەرىنىڭ ماستەرى بولادى.
«بيىلعى فەستيۆال نەسىمەن ەرەكشەلەنەدى؟ ارينە, شوۋ-باعدارلامانىڭ وزىندىك ەرەكشەلىكتەرى جانە شوۋ-بيزنەس پەن كوسپلەي يندۋسترياسىنىڭ ءارتۇرلى سالالارىنداعى جارقىن, تالانتتى قوناقتاردىڭ قۇرامىنا دەيىن جانكۇيەرلەرىمىزگە ۇنايتىن بارلىق زاتتاردى ەسكەرۋگە تىرىستىق. سونىمەن قاتار, ءبىز فەستيۆالدىڭ بارلىق «فيشكالارىن» ۇزارتۋعا تىرىستىق, سوندىقتان بيىل Comic Con Astana 3 كۇن ەمەس, تولىق 4 كۇن وتەتىن بولادى. جانە دە ءىس-شارانىڭ وتەتىن ورنى كونگرەسس-ورتالىقتان «EXPO» حالىقارالىق كورمە ورتالىعىنا اۋىستىرىلدى. وسى ورىندا فەستيۆالدىڭ وتەتىن كۇندەر ارالىعىندا 100 000 قوناقتارىمىزدى كۇتەتىن بولامىز. «ءبىزدىڭ فانتاستيكالىق شابۋىلىمىز ودان دا اۋقىمدى بولماق!», – دەپ جاۋاپ بەردى فەستيۆالدىڭ باس پروديۋسەرى ناتاليا ابراشكينا.
Comic Con Astana-2024 تاعى دا اتاقتى گولليۆۋد جۇلدىزدارى قاتىسپاقشى. سونىمەن, 2019 جىلى فەستيۆالدىڭ باستى حەدلاينەرى «يگرا پرەستولوۆ» سەرياسىنداعى ەۋرون گرەيدجوي ءرولىن سومداعان پيلۋ اسبەك بولعان. 2023 جىلى ءىس-شارانىڭ باستى كەيىپكەرلەرى «ستراجەي گالاكتيكي» مەن «مستيتەلي: فينال» شون گانن مەن مايكل رۋكەر بولدى جانە سونىمەن قاتار «فانتاستيچەسكيە تۆاري: تاينى دامبلدورا» ءفيلمىنىڭ اكتەرى الەكساندر كۋزنەتسوۆ بولدى.
ارنايى قوناقتاردىڭ اراسىندا ۆيدەوبلوگەرلەر Chuck Review, Anastasiz جانە يان توپلەس, دۋبلياج اكتەرلەرى ۆسەۆولود كۋزنەتسوۆ, پەتر گلانتس, يسلام گاندجاەۆ, ەگور ۆاسيلەۆ, سۋرەتشى-يلليۋستراتور دجۋني (Djuney9) شاقىرىلدى.
«ۆەدماك» جانكۇيەرلەرى ءۇشىن گەرمانيادان كەلگەن كوسپلەەر, Maul Cosplay رەتىندە تانىمال بولعان گەرالت بەن شامما كۇتپەگەن توسىنسىي بولادى. تاعى دا ارنايى قوناق بولىپ سۋرەتشى, ۆيزۋال نوۆەللا مەن survival horror جانرىندا ورىندالعان «زايچيك» كومپيۋتەرلىك ويىندارىنىڭ اۆتورى جانە پروديۋسەرى – Saikono Joker شاقىرىلدى.
سونىمەن قاتار كونۆەنتكە پرينتس ليمون مەن اكونيا – دورامالاردى, سونداي-اق كورەي فيلمدەرىن اۋدارۋعا جانە دىبىستاۋعا ماماندانعان تانىمال SoftBox ستۋدياسىنىڭ نەگىزىن قالاۋشىلار قاتىسادى. پرينتس ليمون مەن اكونيا – قازاقستاننىڭ ەرلى-زايىپتىلارى, دۋبلياجدىڭ تالانتتى اكتەرلەرى يۋري جانە ارۋنا كيم.
جوعارىدا ايتىلعانداردان باسقا فەستيۆال باعدارلاماسىنا كىرەدى:
– گيك-جارمەڭكە تاقىرىپتىق تاۋارلارمەن, ەكسكليۋزيۆتى ساۋدا جانە قولدان جاسالعان بۇيىمدارمەن ۇيىمداستىرىلادى.
– بەلگىلى وتاندىق جانە شەتەلدىك كىتاپتار مەن كوميكستەر اۆتورلارىنىڭ, بلوگەرلەردىڭ, اكتەرلەردىڭ, سۋرەتشىلەردىڭ جانە تانىمال مادەنيەتتىڭ باسقا دا قايراتكەرلەرىنىڭ قويىلىمدارى مەن شەبەرلىك سىنىپتارى جوسپارلانعان دارىستەر وتكىزىلەدى.
– ۇستەل ويىندارى, VR, كيبەرسپورت تۋرنيرلەرى جانە رەترو كونسولدەرى بار ويىن الاڭى.
– انيمە مەن مانگادان باستالىپ J-Pop جانە K-Pop دەيىنگى ازيالىق پوپ- مادەنيەتكە ارنالعان Pop Asia كورمە ايماعى.
– فەستيۆالدىڭ بارلىق قوناقتارىنا فۋد-كورتتاردى اشادى, ال كىشكەنتاي قوناقتارىمىز ءۇشىن بالالارعا ارنالعان الاڭ جۇمىس جاسايدى
بيلەتتەردى Comic Con Astana-نىڭ رەسمي سايتىندا, سونىمەن قاتار ticketon.kz جانە sxodim.com سەرۆيستەرىندە ساتىپ الۋعا بولادى.
