CTS جاڭالىقتارى: Bus Lane, جاڭا ايالداما, تەڭگەرىم تەكسەرۋ ءتاسىلى جانە تاعى باسقالار
City Transport Sistem كومپانياسى تاراتقان مالىمەتكە سايكەس, ماڭگىلىك ەل داڭعىلىنا Bus Lane ەنگىزىلەدى, دەپ حابارلايدى astana-akshamy.kz
ال ابىلايحان داڭعىلىنىڭ بويىندا جاڭا ايالداما پايدا بولدى. ودان بولەك, ەندى اۆتوبۋستارداعى پلانشەتتەردەن تەڭگەرىمدە قانشا اقشا قالعانىن بىلۋگە بولادى. سونداي-اق كومپانيانىڭ پاراقشاسىندا قوزعالىس باعدارىنداعى وزگەرىستەر حابارلانعان.
* * *
ماڭگىلىك ەل داڭعىلىنىڭ بويىندا ۇلى دالا داڭعىلىنان كەرەي جانىبەك حاندار كوشەسىنە دەيىنگى بولىكتەگى ەكى باعىتتا Bus Lane ىسكە قوسۋ جوسپارلانىپ وتىر. بۇل شامامەن 10 شىلدەگە قاراي ىسكە اسىرىلادى.
قوعامدىق كولىك ءۇشىن بولىنگەن جولاقتى ەنگىزۋدى ازىرلەۋ كەزىندە جولدىڭ جۇكتەمەسى جانە كوشە-جول جەلىسىنىڭ تەحنيكالىق مۇمكىندىگى ەسكەرىلدى.
قازىرگى ۋاقىتتا ماڭگىلىك ەل داڭعىلى – قالا تۇرعىندارى تىعىز ورنالاسقان اۋدان. بۇل داڭعىلمەن 20 باعدار جۇرەدى. قالانىڭ باستى داڭعىلىنىڭ جولاۋشىلار اعىنى تاۋلىگىنە 88 مىڭ ادامدى قۇرايدى.
بۇل قالاداعى 28-ءى Bus Lane بولماق. قازىرگى ۋاقىتتا كورسەتىلگەن ۋچاسكەدە جولاقتاردى سىزۋ جانە جول بەلگىلەرىن ورناتۋ جۇمىسى جۇرگىزىلىپ جاتىر.
* * *
قالالىق №№ 22, 22ا, 28, 29, 29ا, 48, 71, 80, 202 باعدارلارىنىڭ قوزعالىس سىزباسىنا ابىلاي حان داڭعىلى بويىندا ەكى باعىتتا جاڭا «ورحون كوشەسى» ايالداماسى قوسىلدى.
قالا ماڭى باعدارلارى بۇل ايالداماعا توقتامايدى.
* * *
كولىك كارتاسىنىڭ تەڭگەرىمىن اۆتوبۋس سالونىنداعى پلانشەتتە تەكسەرۋگە بولادى.
اۆتوبۋستاعى پلانشەتكە كولىك كارتاسىن تيگىزىپ جولاقىسىن تولەگەننەن كەيىن, پلانشەت ەكرانىندا كارتا بويىنشا دەرەكتەر كورسەتىلەدى:
– كارتانىڭ تەڭگەرىمىنىڭ قالدىعى;
– ساپارلار سانى;
– ايلىق جول ءجۇرۋدىڭ ارەكەت ەتۋ مەرزىمى.
كازىرگى ۋاقىتتا كولىك كارتاسىنىڭ تەڭگەرىمىن باسقا تاسىلدەر ارقىلى تەكسەرۋ مۇمكىندىگىن قوسۋ بويىنشا جۇمىستار جۇرگىزىلىپ جاتىر.
* * *
جول جوندەۋ جۇمىستارى اياقتالعانعا دەيىن, №№ 304, 322 باعدارلارىنىڭ قوزعالىس سىزباسى ۋاقىتشا وزگەردى.
وزگەرگەن قوزعالىس سىزباسىمەن سۋرەتتەن قاراپ تانىس بولا الاسىزدار.
ساپارلارىڭىزدى الدىن الا جوسپارلاۋدى سۇرايمىز.
* * *
جول جوندەۋ جۇمىستارى اياقتالعانعا دەيىن, №№ 202, 203 باعدارلارىنىڭ قوزعالىس سىزباسى ۋاقىتشا وزگەردى.
وزگەرگەن قوزعالىس سىزباسىمەن سۋرەتتەن قاراپ تانىس بولا الاسىزدار.
ساپارلارىڭىزدى الدىن الا جوسپارلاۋدى سۇرايمىز.
* * *
وسى جانە باسقا دا جاڭالىقتارمەن كومپانيانىڭ ينتەرنەتتەگى اقپاراتتىق رەسۋرستارىنان وقىپ تانىسا الاسىزدار.
