دەپۋتات كيىز ۇيدەگى بەينەبايان بويىنشا جاعدايعا قۇقىقتىق باعا بەرىلۋىن سۇرادى
ءماجىلىس دەپۋتاتى سامات مۇساباەۆ قوعام بەلسەندىلەرىن «لگبت» ناسيحاتىنا قارسى پەتيتسيا قورىتىندىسىن تالقىلايتىن جيىنعا بەلسەندى قاتىسۋعا ۇندەدى, دەپ حابارلايدى astana-akshamy.kz.
«بابادان قالعان ەڭ قاستەرلى مۇرامىزدىڭ ءبىرى – كيىز ءۇي ەدى. سان عاسىر بويى حاندارىمىزعا ەڭسەسى بيىك اق وردا, حالقىمىزعا قۇت ۇيالاعان باسپانا بولعان سول كيىز ۇيگە جانە باسقا دا قۇنىدىلقتارىمىزعا اقپاراتتىق شابۋىل دا باستالدى. كۇنى كەشە ويۋلاعان كيىز ۇيدە ۇلتتىق كيىم كيىپ, جارتىلاي جالاڭاشتانىپ ويقاستاعان ۇشەۋدىڭ الەۋمەتتىك جەلىنى شارلاعان بەينەروليگى ءيسى قازاقتىڭ اشۋ-ىزاسىن تۋدىرىپ وتىر. حالىقتىڭ بۇعان نارازىلىعى ابدەن ورىندى», – دەپ باستادى دەپۋتات.
سامات مۇساباەۆتىڭ ايتۋىنشا, اتالعان بەينەباياننىڭ قيىندىسى بۇل بۇكىل ۇلتتى, ەلدى قورلاۋمەن پارا-پار.
«ەڭ سوراقىسى – الگى جىن-ويناقتاعان ءۇش ۇزىننىڭ ورتاداعى «سيراقتى پريماسى» ەز ەكەن. بۇل – حالقىمىزعا قارسى مىسىق تىلەۋلى, تەرىس نيەتتىلەردىڭ الدىن الا جەتە ويلاستىرىپ, قازاقى دۇنيەنى, ۇلتتىق قۇندىلىقتاردى قۇنسىزداندىرۋعا, مازاق ەتۋگە باعىتتالعان قاساقانا جاۋلىق ارەكەتى دەپ بىلەمىز. تال تۇستە تورىمىزدە تايراڭداعانى – ناعىز باسىنعاندىق. ولار بۇگىن تورىمىزدە تايراڭداسا, ەرتەڭ توبەمىزدە ويناماسىنا كىم كەپىل؟! سوندىقتان بۇعان كوز جۇمىپ قاراپ, جاي قالدىرا سالۋعا بولمايدى», – دەدى دەپۋتات.
ول سونداي-اق ادەتتە مۇنداي ارەكەتتەر قوعامنىڭ تامىرىن باسىپ كورۋ ءۇشىن جاسالاتىنىن اتاپ ءوتتى.
«ەكىنشىدەن, لگبت ناسيحاتىنا توسقاۋىل قويماق تالاپقا دەگەن اشىق قارسىلىق, ۇشىنشىدەن, وسكەلەڭ بۋىندى ءوز ۇلتتىق قۇندىلىقتارىنان جەرىندىرۋ ارەكەتى. تاياۋدا قوعام بەلسەندىلەرى لگبت ناسيحاتىنا قارسى پەتيتسيا جاريالاعان ەدى. نەبارى 2 اپتادا وسى تالاپتى قولداپ, 50 مىڭ قول جينالدى. بۇل – لگبت-ءنىڭ ەلىمىزگە قاجەتسىز ءارى جات قۇبىلىس ەكەندىگىنىڭ, وعان حالىقتىڭ اشىق قارسىلىعىنىڭ انىق كورىنىسى. الدا وتەتىن پەتيتسيا قورىتىندىسىن قاراۋ وتىرىسىنا قوعام بەلسەندىلەرىن, ۇلت جاناشىرلارىن بەلسەنە قاتىسۋعا شاقىرامىن», – دەدى ءماجىلىس وكىلى.
سونداي-اق سامات مۇساباەۆ باس پروكۋراتۋرا مەن ۇلتتىق قاۋىپسىزدىك كوميتەتىنەن اتالعان بەينەروليككە قۇقىقتىق باعا بەرىپ, ناقتى شارا قولدانۋدى سۇرادى.
«بۇدان بىلاي ۇلتتىق قۇندىلىقتارىمىز – دومبىرا, قوبىز, كيىز ءۇي, ۇلتتىق كيىم, ۇلتتىق تاعام سەكىلدى اسىل جادىگەرلەرىمىزدى تەرىس ماقساتتا پايدالانۋ, مازاق ەتۋ – ۇلت نامىسىنا قول سۇعۋ, ۇلتتىڭ بەدەلىن تۇسىرۋگە باعىتتالعان قىلمىستىق ارەكەت دەپ باعالانىپ, قىلمىستىق جاۋاپتىلىقپەن جازالانۋى ءتيىس», –
