استانا اكىمدىگى قالا تۇرعىندارى مەن قوناقتارىنا ۇندەۋ جاسادى, دەپ حابارلايدى astana-akshamy.kz
قالا شەتىندە ورنالاسقان, جەرگىلىكتى تۇرعىندار «دوڭگەلەك سارقىراما» اتاپ كەتكەن سۋ رەتتەگىش نىساندى قىزىق كورگەن حالىق وسى كوكتەمدە قىدىرىپ باراتىن كورىكتى جەردىڭ بىرىنە اينالدىرعان بولاتىن.
بىراق, قۇرىلى اياقتالماعاندىقتان قاۋىپتى سانالاتىن نىساندى اكىمدىك كىرۋگە تىيىم سالىپ, جاۋىپ تاستاعان بولاتىن.
سوعان قاراماستان, بۇگىندە بوگەت اۋماعىندا سەرۋەندەپ, ادەمى كادر ءۇشىن باسىن قاتەرگە تىگىپ
سەلفي تۇسىرۋشىلەر كوبەيگەن. كەيبىر تۇرعىندار ءتىپتى ول جەرگە بالالارىن دا ەرتىپ اپارادى.
ءتىپتى اكىمدىك قۇرىلىسى اياقتالماعان نىساندى تەمىرمەن قورشاپ قويسا دا, الدەكىمدەر ونى بۇزىپ, ەمىن-ەركىن كىرىپ-شىعىپ ءجۇر.
«الداعى ەكى جىلدىڭ ىشىندە بۇل جەر تۋريستىك ورىنعا اينالۋى مۇمكىن. دەگەنمەن قازىر ادامداردىڭ, ونىڭ ىشىندە بالالاردىڭ قاۋىپسىزدىگىن قامتاماسىز ەتۋ ماقساتىندا بارلىق قالا تۇرعىندارىنا بۇل نىساندى بارىپ ارالاۋعا رۇقسات ەتىلمەيدى جانە ول جاققا بارماۋعا شاقىرامىز», – دەدى نۇرا اۋدانى اكىمدىگىنىڭ ءبولىم باسشىسى ەرلان مىرزاحان.
