استانادا ۆانداليزممەن كۇرەسۋ جانە ونىڭ الدىن الۋ بويىنشا جۇمىس بەلسەندى ءجۇرىپ جاتىر, دەپ حابارلايدى astana-akshamy.kz
قۇقىق قورعاۋ ورگاندارى كەزەكتى ۆانداليزم ارەكەتتەرىن انىقتاپ, ولارعان ءتيىستى شارا قولداندى.
سونىمەن, 25 ءساۋىر كۇنى 49 جاستاعى ەر ادام تايبۋرىل كوشەسىندە ورنالاسقان پاتەرىنىڭ تەرەزەسىنەن سىنعان ىدىستاردى لاقتىرعان. وسىلايشا ول اۋلادا تۇرعان كولىكتىڭ الدىڭعى تەرەزەسىن سىندىرىپ, بوتەننىڭ مۇلكىن قاساقانا ءبۇلدىردى. ۆانداليزم ارەكەتىن جاساعان ادام انىقتالىپ, ءتيىستى جازاعا تارتىلدى.
تاعى ءبىر جاعدايدا, وسى جىلدىڭ 1 مامىرى كۇنى 58 جاستاعى ەر ادام ماس كۇيدە ماڭگىلىك ەل داڭعىلى, 36/3 مەكەنجايىندا «Asylym prime» تۇرعىن ءۇي كەشەنىندەگى دوموفوندى سىندىرعان. ونىڭ جەكە باسى انىقتالىپ, جاۋاپكەرشىلىككە تارتىلدى.
ايتا كەتەيىك, استانادا جىل باسىنان بەرى ەرىكتىلەر, بەلسەندىلەر, تانىمال سپورتشىلار, قالا تۇرعىندارى قولداۋ بىلدىرگەن «توقتا, ۆاندال» اكتسياسى بويىنشا ءبىرشاما جۇمىستار اتقارىلۋدا. اكتسيا اياسىندا قالادا كۇندىزگى جانە تۇنگى رەيدتەر وتكىزىلەدى, تۇرعىندار اراسىندا قوعامدىق ءتارتىپتى ساقتاۋ جانە قالا مۇلكىنە ۇقىپتى قاراۋ قاجەتتىلىگى تۋرالى ءتۇسىندىرۋ جۇرگىزىلىپ كەلەدى.
جىل باسىنان بەرى سوت بوتەننىڭ مۇلكىن قاساقانا سىندىرعانى, جالپى پايدالانۋ ورىندارىن لاستاعانى, عيماراتتار مەن تۇرعىن ءۇي-جايلاردى بۇلدىرگەنى ءۇشىن 100-دەن استام ادام جازالاندى. ولاردىڭ ءبارى جاۋاپقا تارتىلدى. ءۆانداليزمنىڭ الدىن الۋ جۇمىستارى قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن جۇرگىزىلەدى.
