ءدۇبىرلى دوداعا 100 كۇن قالۋىنا وراي ءىس-شارا وتەدى
![](https://astana-akshamy.kz/wp-content/uploads/2024/05/b5c8b77b-7282-45fd-9f44-a38c98ef6e85-640x470.jpg)
1 ماۋسىمدا استانا قالاسىندا 5-ءشى دۇنيەجۇزىلىك كوشپەندىلەر ويىندارىنىڭ باستالۋىنا 100 كۇن قالۋىنا وراي سالتاناتتى ءىس-شارا وتەدى, دەپ حابارلايدى astana-akshamy.kz.
ءىس-شاراعا ۇلتتىق سپورت تۇرلەرىنىڭ وكىلدەرى, جاتتىقتىرۋشىلار, ەرىكتىلەر مەن قالا تۇرعىندارى قاتىسادى. ءىس-شارانىڭ ماقساتى – ۇلتتىق سپورت تۇرلەرىن ناسيحاتتاۋ جانە قالا تۇرعىندارىن الداعى كوشپەندىلەر ويىندارىمەن تانىستىرۋ.
مەيماندار ءۇشىن ۇلتتىق سپورت تۇرلەرىنەن جارىس ۇيىمداستىرىلىپ, شەبەرلىك ساباقتارى وتەدى:
• توعىزقۇمالاق جانە ءداستۇرلى ساداق اتۋدان شەبەرلىك ساباعى;
• قازاق كۇرەسى بويىنشا اشىق جاتتىعۋ;
• ارقان تارتۋ, اسىق اتۋ, لاڭگى ويىندارى;
• كوشپەلىلەر تاقىرىبى بويىنشا سۇراق-جاۋاپ ويىنى.
ءىس-شارا ۇيىمداستىرۋشىلارى: قر تۋريزم جانە سپورت مينيسترلىگى, استانا قالاسىنىڭ اكىمدىگى, ۇلتتىق سپورت تۇرلەرى قاۋىمداستىعى, قر ۇلتتىق جانە ات سپورت تۇرلەرى ورتالىعى, 5-ءشى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ ديرەكتسياسى. باستالۋى: 11:00 مەكەن-جايى: بايتەرەك مونۋمەنتىنىڭ جانىنداعى الاڭ (دوستىق كوشەسى جاعىنان)