دۇنيەجۇزىلىك بانكتىڭ قازاقستان ەكونوميكاسى تۋرالى ەسەبىنىڭ تۇساۋكەسەرى ءوتتى
استاناداعى ەكونوميكالىق زەرتتەۋلەر ينستيتۋتىندا دۇنيەجۇزىلىك بانك «ەرتەڭگى كۇندى قالىپتاستىرۋ: ۇزاق مەرزىمدى وركەندەۋگە ارنالعان رەفورمالار» بايانداماسىن ۇسىندى. بۇل جارتىجىلدىق شولۋدا سوڭعى ەكونوميكالىق وزگەرىستەر مەن ەلدىڭ دامۋ پەرسپەكتيۆالارىنا تالداۋ جاسالعان, دەپ حابارلايدى astana-akshamy.kz.
شارا بارىسىندا ۇلتتىق ەكونوميكا ۆيتسە-ءمينيسترى ابزال ابدىكارىموۆ مينيسترلىكتىڭ الداعى 5 جىلدىق كەزەڭگە بولجامى جانە ۇكىمەتتىڭ تۇراقتى ەكونوميكالىق وسىمگە قول جەتكىزۋ نەگىزىن نىعايتۋ جونىندەگى جوسپارلارىمەن ءبولىستى.
دۇنيەجۇزىلىك بانكتىڭ ساراپشىلارى تۇراقتى وسىمگە باسا نازار اۋدارا وتىرىپ, قازاقستاننىڭ الداعى ەكى جىلعا ارنالعان ەكونوميكالىق پەرسپەكتيۆالارى تۋرالى پايىمداۋلارىن ۇسىندى. باياندامانىڭ ارنايى بولىمىندە قازاقستاننىڭ ەكونوميكالىق ءوسۋىنىڭ الدىندا تۇرعان سىن-قاتەرلەر, سونداي-اق ولاردىڭ نەگىزىندە جاتقان قۇرىلىمدىق پروبلەمالار قاراستىرىلىپ, ۇزاق مەرزىمدى دامۋدى قامتاماسىز ەتەتىن باسىم رەفورمالار ۇسىنىلعان.
قۇجات قازىرگى ەكونوميكالىق جاعدايدى ءتۇسىنۋ مەن قازاقستاننىڭ بولاشاقتاعى دامۋ ستراتەگياسىن انىقتاۋعا ماڭىزدى بولىپ تابىلادى.
كەزدەسۋ قورىتىندىسى بويىنشا تاراپتار ورتا مەرزىمدى پەرسپەكتيۆادا ەكونوميكانىڭ جاڭا ءوسۋ نۇكتەلەرىن تابۋ ءۇشىن بىرلەسىپ جۇمىس جاساۋعا كەلىستى.
