استاناداعى «Beeline ارەنا» سپورت كەشەنىندە دزيۋدودان دانيار ماكيشەۆتى ەسكە الۋعا ارنالعان حالىقارالىق تۋرنير وتۋدە, دەپ حابارلايدى astana-akshamy.kz
ەڭ اۋەلى جارىستىڭ سالتاناتتى اشىلۋى «BN» بي ءانسامبلىنىڭ قويىلىمىمەن باستالىپ, لەد ەكراندا دانيار ماكيشەۆتىڭ ءومىربايانى جايىندا بەينەروليك قويىلدى.
ال, ءتۋرنيردىڭ اشىلۋ سالتاناتىندا ءسوز سويلەگەن قر تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسىنىڭ ورىنباسارى ازامات يماشەۆ بارلىق قاتىسۋشىلارعا ساتتىلىك تىلەپ, جارىستىڭ باستالۋىمەن قۇتتىقتادى. سونىمەن قاتار قازاقستان دزيۋدو فەدەراتسياسىنىڭ اتقارۋشى ديرەكتورى ايبەك يماشەۆ, استانا قالاسىنىڭ دەنە شىنىقتىرۋ جانە سپورت باسقارماسى باسشىسىنىڭ ورىنباسارى يسلامبەك بايمانوۆ جانە دانيار ماكيشەۆتىڭ جاتتىقتىرۋشىسى احات اشيروۆ ءسوز سويلەپ اتالعان ءتۋرنيردىڭ ورىنى ەرەكشە ەكەندىگىن ايىرىقشا اتاپ ءوتتى.
جارىستىڭ باستالۋىندا بالاسىن ەسكە الا سويلەگەن دانياردىڭ اكەسى اباي ماكيشەۆ بولسا, جارىستى ۇيىمداستىرۋشىلارعا ءوز العىسىن جەتكىزدى.
-دانيار ءتىرى كەزىندە وسىنداي ءبىر جارىس وتكىزسسەم دەگەندى قاتتى ارمانداۋشى ەدى. ەندى مىنە دوستارىنىڭ ارقاسىندا سول ارمانى ورىندالىپ جاتىر. بۇگىن ءار مەملەكەتتەن كەلگەن جاس سپورتشىلاردى كورىپ كوڭىلىم تولقىپ تۇر. بۇدان مەن دانياردىڭ مەنىڭ ۇلىم عانا ەمەس حالىقتىڭ ۇلى بولعانىن اڭعارىپ وتىرمىن. بۇگىنگىدەي جارىستىڭ ۇيىمداستىرىلۋى دانياردىڭ ارتىنان ەرگەن ىنىلەرىن جانە باسقا دا جاس سپورتشىلاردى جىگەرلەندىرەتىنىنە مەن سەنىمدىمىن. بارلىق قاتىسۋشى سپورتشىلاردىڭ جەڭىس تۇعىرىنان كورىنۋىنە تىلەكتەسپىن,-دەدى ول.
سونداي-اق, جارىس بارىسىندا قازاقستان دزيۋدو فەدەراتسياسىنىڭ اتقارۋشى ديرەكتورى ايبەك اسەتۇلى ەلىمىزدە دزيۋدو سپورتىنىڭ دامۋىنا ۇلەس قوسىپ, تالانتتى دزيۋدوشىلاردى تاربيەلەگەنى ءۇشىن دانيار
ماكيشەۆتىڭ جاتتىقتىرۋشىسى احات اشيروۆكە قازاقستان دزيۋدو فەدەراتسياسىنىڭ اتىنان العىس حات
تابىستادى. سونىمەن قاتار اتالعان جارىستى ۇيىمداستىرۋ كوميتەتىنىڭ اتىنان دانياردىڭ اكەسى مەن جاتتىقتىرۋشىسىنا ەستەلىك سىيلىقتار بەرىلدى.
جالپى قازاقستان, قىرعىزستان, بەلورۋس, رەسەي, وزبەكستان قاتارلى 5 ەلدەن 150-گە جۋىق دزيۋدوشى كەلگەن ءدۇبىرلى دودا 7 سالماق دارەجەسى بويىنشا 20 جاسقا دەيىنگى جاستار اراسىندا ءوتىپ جاتىر. قاتىسۋشىلار 60, 66, 73, 81, 90, 100 كەلىگە دەيىنگى جانە 100 كەلىدەن جوعارى سالماق دارەجەلەرىندە باق سىناسادى.
-ەلىمىزدە دزيۋدو كۇرەسىنىڭ وركەندەۋىنە ۇلەسىن قوسقان دانيار ماكيشەۆتى كوپشىلىك جاقسى بىلەدى. ول كوزى تىرىسىندە كوپتەگەن شاكىرت تاربيەلەپ, ەلىمىزدىڭ سپورت جانە دەنە شىنىقتىرۋ سالاسىنىڭ دامۋىنا وزىندىك ۇلەس قوسا بىلگەن جان. وسىنداي ارداقتى باپكەردى ەسكە الىپ, استانامىز دا حالقارالىق ءتۋرنيردىڭ ءوتىپ جاتۋى ءبىز ءۇشىن دە باقىت,-دەيدى تۋرنير قاتىسۋشىسى ءمادي سەرىك.
قازاقستان جاستار ۇلتتىق قۇراما كومانداسىنىڭ الەم چەمپيوناتى الدىنداعى دايىندىق دوداسى بولىپ سانالاتىن بۇل جارىس ەكى كۇنگە جالعاسپاق.
جۇلدە قورى 9000 اقش دوللارىن قۇراعاعان دودادا ءى ورىن العان سپورتشىعا – 500$, ەكىنشى ورىنعا يە بولعان سپورتشىعا – 350$, ال ءۇشىنشى ورىنعا يە بولعان جۇلدەگەرگە 200$ اقش دوللارى كولەمىندە سىياقى بەرىلمەك.
شاپاعات ءابدىر
