ەندى ەمحاناعا تىركەلۋ قىزمەتى تەك قر ازاماتتارى ءۇشىن عانا ەمەس, سونىمەن قاتار قانداستار مەن بەيرەزيدەنتتەر ءۇشىن دە قولجەتىمدى. ەندى مەديتسينالىق مەكەمەگە تىركەلۋ بارىسىندا پايدالانۋشىلار دارىگەردى تاڭداي الادى, سونىمەن قاتار مەديتسينالىق قىزمەت كورسەتۋ ۋچاسكەسىنىڭ ءنومىرى تۋرالى اقپاراتتى كورە الادى, دەپ حابارلايدى astana-akshamy.kz
العاشقى مەديتسينالىق-سانيتارلىق كومەك كورسەتەتىن مەديتسينالىق ۇيىمعا تىركەلۋ قىزمەتى eGov.kz.-تە ەڭ تانىمال قىزمەتتەردىڭ ءبىرى بولىپ قالا بەرەدى. 2024 جىلدىڭ 6 ايىندا عانا پورتالعا ەمحانالارعا تىركەلۋ بويىنشا 1,2 ملن-نان استام ءوتىنىم بەرىلدى.
قىزمەتتى تەك تۇرعىلىقتى جەرى وزگەرگەن جاعدايدا عانا ەمەس, سونىمەن قاتار مەديتسينالىق ۇيىمدى جىلىنا ءبىر رەتتەن ءجيى ەمەس (15 قىركۇيەكتەن 15 قاراشاعا دەيىنگى كەزەڭدە) اۋىستىرۋعا بولادى.
قىزمەت ءۇش قاداممەن جۇزەگە اسىرىلادى:
– eGov.kz پورتالىنا كىرىڭىز جانە «دەنساۋلىق ساقتاۋ» بولىمىنە ءوتىڭىز;
– قىزمەتتەر تىزىمىنەن «ەمحاناعا تىركەلۋ» تارماعىن تاڭداڭىز جانە بارلىق قاجەتتى جولداردى تولتىرىڭىز;
– ەتسق كومەگىمەن قىزمەتكە قول قويىڭىز;
ءوتىنىمىڭىزدى وڭدەلۋىنە قاراي جەكە كابينەتتە كورسەتىلگەن ۋاقىت ىشىندە كەلىپ تۇسەتىن ءسىزدىڭ قىزمەتتىڭ ناتيجەسىمەن تانىسۋ.
قىزمەتتىڭ جاڭا فۋنكتسيونالى قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك قىزمەتتەر كوميتەتى, قر دەنساۋلىق ساقتاۋ مينيسترلىگى مەن «ۇلتتىق اقپاراتتىق تەحنولوگيالار» اق بىرلەسكەن جۇمىسىنىڭ ارقاسىندا ىسكە قوسىلدى.
