«تازا قازاقستان. استانا – تازالىق پەن ءتارتىپتىڭ ۇلگىسى» ەتولوگيالىق اكتسيا اياسىندا 300-دەن استام ادام قار پوليگونى ماڭايىندا تازالىق جۇمىسىن ۇيىمداستىردى, دەپ حابارلايدى astana-akshamy.kz.
ءىس-شارا مەردىگەر ۇيىمداردىڭ, جەرگىلىكتى بەلسەندىلەردىڭ, اۋداندىق اكىمدىك قىزمەتكەرلەرىنىڭ جانە قورعانىس مينيسترلىگىنىڭ «68665 اسكەري ءبولىمى» رەسپۋبليكالىق مەملەكەتتىك مەكەمەسى ساربازدارىنىڭ بەلسەندى قاتىسۋىمەن ءوتتى.
سونىمەن قاتار, تازالىق جۇمىسىنا 15 بىرلىك مامانداندىرىلعان تەحنيكا جۇمىلدىرىلدى.
بىرلەسكەن كۇش-جىگەردىڭ ناتيجەسىندە 500 توننادان استام قوقىس شىعارىلدى.
استانادا اپتا سايىن ەكو ءىس-شارالار ءوتىپ جاتىر.
ايتا كەتۋ كەرەك, اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كارىزى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىسى جۇرگىزىلىپ جاتىر.
سونداي-اق, جاسىل جەلەكتەردى كۇتىپ-ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جۇمىستارى جۇرگىزىلىپ جاتىر.
