استانا سوتى ەكس-ديپلومات ساكەن ماماشتىڭ اپەللياتسيالىق شاعىمى بويىنشا شەشىم شىعاردى, دەپ حابارلايدى astana-akshamy.kz
استانا قالالىق سوتى ايەلىنىڭ اپكەسىن ۇرىپ-سوققانى ءۇشىن قاماۋعا الىنعان ساكەن ماماشقا قاتىستى ءبىرىنشى ساتىداعى سوتتىڭ شەشىمىن وزگەرىسسىز قالدىردى.
جوعارعى سوت پورتالىنداعى سوت كابينەتىندە جاريالانعان ءىس ماتەريالدارىنداعى اپەللياتسيالىق شاعىمدا قورعاۋشىلار ءبىرىنشى ساتىداعى سوت شەشىمىنىڭ كۇشىن جويۋدى, ساكەن ماماشتىڭ ارەكەتىندە قىلمىس قۇرامىنىڭ جوقتىعىنا بايلانىستى ءىستى توقتاتۋدى سۇراعانى كورسەتىلگەن.
ال ەلوردالىق سوت قاۋلىسىندا اپەللياتسيالىق ساتى سوت اكتىسىن وزگەرتۋگە نەمەسە ونىڭ كۇشىن جويۋعا زاڭدى نەگىز تاپپاعانى ايتىلعان.
«استانا قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىنىڭ 2024 جىلعى 28 ماۋسىمداعى قاۋلىسى وزگەرىسسىز قالدىرىلدى, شاعىمدار قاناعاتتاندىرىلعان جوق, قاۋلى جاريالانعان كۇنىنەن باستاپ زاڭدى كۇشىنە ەنەدى. اكىمشىلىك قۇقىق بۇزۋشىلىق تۋرالى كودەكستىڭ 46-تاراۋى بويىنشا قايتا قارالۋى مۇمكىن», – دەلىنگەن قاۋلىدا.
ايتا كەتەيىك, ساكەن ماماشانىڭ ءىسى بويىنشا استانا قالالىق سوتىنا اپەللياتسيالىق شاعىم تۇسكەن ەدى.
ەسكە سالايىق, بۇعان دەيىن قازاقستاننىڭ ءباا-دەگى ەلشىسىنىڭ ەكس-كەڭەسشىسى ساكەن ماماش ايەلىن ۇرعانى ءۇشىن 15 تاۋلىككە قامالعانى بەلگىلى بولعان ەدى. سونىمەن قاتار استانا سوتى ءباا-دەگى قازاقستاننىڭ ەلشىسىنىڭ بۇرىنعى كەڭەسشىسىنە قاتىستى قوسىمشا مالىمدەمە جاساپ, بۇل ءىس ايەلىنىڭ اپكەسىن ۇرىپ-سوققان شاعىم بويىنشا قارالىپ جاتقانىن, كارينا ماماشقا قاتىس بولەك ءىس قوزعالعانسىن مالىمدەگەن ەدى.
سۋرەت: seb_ra / Getty Images
