استانادا ەلەكتروندىق مەملەكەتتىك قىزمەت كورسەتۋ ۇلەسى 99,3 پايىزعا ارتتى, دەپ حابارلايدى astana-akshamy.kz
بيىلعى 5 ايدا استانا قالاسىنىڭ مەملەكەتتىك كىرىس ورگاندارى 923 236 مەملەكەتتىك قىزمەت كورسەتتى. سنىڭ ىشىندە 916 676, ياعني 99,3% قىزمەت ەلەكتروندىق تۇردە, ال 6 560 قىزمەت قاعاز تۇرىندە كورسەتىلگەن. جەكە تۇلعالارعا, سونىڭ ىشىندە جەكە كاسىپكەرلەرگە 510 397 قىزمەت, ال زاڭدى تۇلعالارعا 412 839 قىزمەت كورسەتىلدى. بۇل تۋرالى وكق الاڭىنداعى بريفينگتە استانا قالاسى بويىنشا مەملەكەتتىك كىرىستەر دەپارتامەنتى مەملەكەتتىك قىزمەتتەر باسقارماسى باسشىسىنىڭ مىندەتىن اتقارۋشى ايگۇل ءالىموۆا مالىمدەدى, دەپ حابارلايدى ەلوردا اكىمدىگىنىڭ رەسمي سايتى.
«ماڭىزدى جەتىستىكتەردىڭ ءبىرى – ەلەكتروندىق مەملەكەتتىك قىزمەتتەردىڭ ۇلەسىن 99,3 پايىزعا دەيىن ارتتىرۋ بولدى. 2013 جىلدىڭ 15 ساۋىرىندە قازاقستان رەسپۋبليكاسىندا «مەملەكەتتىك قىزمەتتەر تۋرالى» № 88-V زاڭى قابىلداندى. «مەملەكەتتىك كورسەتىلەتىن قىزمەتتەر تۋرالى» زاڭنىڭ 8-بابىنىڭ 2-تارماعىنىڭ 1-تارماقشاسىنا سايكەس, مەملەكەتتىك كورسەتىلەتىن قىزمەتتەر ءتىزىلىمى بەكىتىلدى. «مەملەكەتتىك كورسەتىلەتىن قىزمەتتەر تۋرالى» زاڭنىڭ 10-بابىنىڭ 1) تارماقشاسىنا سايكەس, 2020 جىلعى 10 شىلدەدە قازاقستان رەسپۋبليكاسى قارجى ءمينيسترىنىڭ مىندەتىن اتقارۋشىنىڭ بۇيرىعىمەن مەملەكەتتىك كىرىستەر ورگاندارىنىڭ مەملەكەتتىك قىزمەتتەر كورسەتۋ № 665 ەرەجەسى بەكىتىلدى. وسى قاعيدالارمەن مەملەكەتتىك كىرىستەر ورگاندارى مەملەكەتتىك قىزمەتتەر كورسەتۋ ستاندارتتارى, مەملەكەتتىك قىزمەت كورسەتۋ تاسىلدەرى, مەملەكەتتىك قىزمەت كورسەتۋ مەرزىمدەرى, مەملەكەتتىك قىزمەت كورسەتۋ نىسانى, مەملەكەتتىك قىزمەت كورسەتۋ ناتيجەسى, مەملەكەتتىك قىزمەت كورسەتۋ كەزىندە كورسەتىلەتىن قىزمەتتى الۋشىدان الىناتىن تولەم مولشەرى جانە ونى الۋ تاسىلدەرى ايقىندالعان. قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردا قاجەتتى قۇجاتتاردىڭ تىزبەسى, مەملەكەتتىك قىزمەت كورسەتۋ ءۇشىن, مەملەكەتتىك قىزمەتتى كورسەتۋدەن باس تارتۋ ءۇشىن نەگىزدەر جانە مەملەكەتتىك قىزمەتتى كورسەتۋ ەرەكشەلىكتەرىن ەسكەرە وتىرىپ, ونىڭ ىشىندە ەلەكتروندىق نىساندا جانە مەملەكەتتىك كورپوراتسيا ارقىلى كورسەتىلەتىن وزگە دە تالاپتار كورسەتىلگەن», – دەدى ايگۇل ءالىموۆا.
ونىڭ ايتۋىنشا, مەملەكەتتىك كىرىس ورگاندارى 42 مەملەكەتتىك قىزمەت كورسەتەدى, سونىڭ ىشىندە قىزمەت بەرۋشىنىڭ كەڭسەسى ارقىلى قاعاز جەتكىزگىشتە 1 قىزمەت كورسەتىلگەن, ەلەكتروندىق تۇردە – 5 قىزمەت جانە بالامالى نەگىزدە اقپاراتتىق جۇيەلەر ارقىلى, سونداي-اق «ازاماتتارعا ارنالعان ۇكىمەت» كوممەرتسيالىق ەمەس اكتسيونەرلىك قوعامى مەملەكەتتىك كورپوراتسياسى ارقىلى 36 قىزمەت كورسەتىلەدى.
«ەڭ كوپ سۇرانىسقا يە مەملەكەتتىك قىزمەتتەرگە توقتالاتىن بولسام, بۇل سالىق ەسەپتىلىگىن قابىلداۋ, سالىق ەسەپتىلىگىن كەرى قايتارىپ الۋ, سونداي-اق سالىقتاردى, بيۋدجەتكە تولەمدەردى, ءوسىمپۇلداردى, ايىپپۇلداردى ەسەپكە الۋ جانە قايتارۋ. ەڭ كوپ سۇرانىسقا يە مەملەكەتتىك قىزمەتتەردىڭ ءبىرى – سالىق ەسەپتىلىگىن قابىلداۋ. وسى جىلدىڭ 5 ايىندا بۇل قىزمەت 666 983 رەت كورسەتىلدى, سونىڭ ىشىندە ەلەكتروندى تۇردە 665 802, قاعاز تۇرىندە 1 181 قىزمەت كورسەتىلدى. وسى قىزمەتتىڭ ءتارتىبى مەملەكەتتىك كىرىستەر ورگاندارىنىڭ مەملەكەتتىك قىزمەتتەر كورسەتۋ قاعيدالارىنا 12-قوسىمشاسىندا ايقىندالعان. مەملەكەتتىك قىزمەت جەكە جانە زاڭدى تۇلعالارعا كورسەتىلەدى», – دەدى سپيكەر.
ءوتىنىشتى قابىلداۋ جانە مەملەكەتتىك قىزمەتتى كورسەتۋ ناتيجەسىن بەرۋ بالاما نەگىزدە جۇزەگە اسىرىلادى.
مەملەكەتتىك قىزمەتتى الۋ ءۇشىن كورسەتىلەتىن قىزمەتتى الۋشىلار 2017 جىلعى 25 جەلتوقسانداعى «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى (سالىق كودەكسى)» قازاقستان رەسپۋبليكاسى كودەكسىنىڭ 208-بابىنىڭ 3-تارماعىنا سايكەس, سالىق ەسەپتىلىگىن ۇسىنادى.
سالىق ءوتىنىشى مەن سالىق ەسەپتىلىگى تاڭداۋ ءادىسى بويىنشا, ءتيىستى سالىق ورگاندارىنا ۇسىنىلادى, ياعني:
1) كەلۋ تارتىبىمەن-قاعاز جەتكىزگىشتە, ونىڭ ىشىندە «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى (قوسىلعان قۇن سالىعى بويىنشا سالىق ەسەپتىلىگىن قوسپاعاندا);
2) پوشتا ارقىلى حابارلاماسى بار تاپسىرىس حاتپەن-قاعاز جەتكىزگىشتە;
3) ەلەكتروندىق نىساندا, سالىق تولەۋشىنىڭ كابينەتى ارقىلى (cabinet.salyk.kz).
سونداي-اق سالىق ورگانىنىڭ شەشىمى بويىنشا قوسىلعان قۇن سالىعى بويىنشا تىركەۋ ەسەبىنەن الىنعان سالىق تولەۋشىلەر بويىنشا قوسىلعان قۇن سالىعى بويىنشا سالىق ەسەپتىلىگى دە ەرەكشەلىك بولىپ سانالادى. بۇل جاعدايدا سالىق ەسەپتىلىگى كورسەتىلەتىن قىزمەتتى بەرۋشىگە كەلۋ تارتىبىمەن ۇسىنادى.
مەملەكەتتىك قىزمەت ەلەكتروندىق (تولىق اۆتوماتتاندىرىلعان) جانە قاعاز تۇرىندە تەگىن كورسەتىلەدى.
سالىق ءوتىنىشى مەن سالىق ەسەپتىلىگى سالىق ورگاندارىنا سالىق كودەكسىندە بەلگىلەنگەن تارتىپپەن جانە مەرزىمدەردە ۇسىنىلادى.
مەملەكەتتىك قىزمەت كورسەتۋ ناتيجەسى:
1) سالىق ەسەپتىلىگىنىڭ ەكىنشى داناسىندا كورسەتىلەتىن قىزمەتتى بەرۋشى قىزمەتكەرىنىڭ بەلگىسى;
2) پوشتا نەمەسە وزگە دە بايلانىس ۇيىمىن ياكي مەملەكەتتىك كورپوراتسيادا سالىق ەسەپتىلىگىن قابىلداۋ تۋرالى قابىلداۋ ۋاقىتى مەن كۇنىن بەلگىلەۋ;
3) كورسەتىلەتىن قىزمەتتى بەرۋشىنىڭ سالىق ەسەپتىلىگىن ەلەكتروندىق تۇردە قابىلداعانى نەمەسە قابىلداماعانى تۋرالى حابارلاما;
4) مەملەكەتتىك قىزمەتتى كورسەتۋدەن باس تارتۋ تۋرالى كورسەتىلەتىن قىزمەتتى بەرۋشىنىڭ دالەلدى جاۋابى;
5) مەملەكەتتىك كىرىستەر ورگاندارىنىڭ اقپاراتتىق جۇيەسىندە قالىپتاستىرىلعان پاتەنت.
«قوسىمشا تۇردە جاريا ەتىلەتىن مالىمەتتىڭ ءبىرى, 2024 جىلعى 1 شىلدەدەن باستاپ «شاعىن بيزنەس سۋبەكتىلەرى ءۇشىن وڭايلاتىلعان دەكلاراتسيا 910.00 سالىق ەسەپتىلىگى نىسانى بويىنشا 2024 جىلعى 1 جارتىجىلدىقتاعى سالىق ەسەپتىلىگىن تابىس ەتۋ مەرزىمى باستالاتىنىن اتاپ وتكىم كەلەدى. سونداي-اق 2024 جىلعى 2 توقساندا جەكە تابىس سالىعى جانە الەۋمەتتىك سالىق بويىنشا دەكلاراتسيالار بويىنشا (200.00-نىسان), قوسىلعان قۇن سالىعى بويىنشا (300.00-نىسان), قورشاعان ورتاعا تەرىس اسەر ەتكەنى ءۇشىن تولەم بويىنشا (870.00-نىسان) جانە بولشەك سالىقتىڭ ارنايى سالىق رەجيمىن قولداناتىن سالىق تولەۋشىلەر ءۇشىن (913.00-نىسان). كورسەتىلگەن كەزەڭ ءۇشىن سالىق ەسەپتىلىگىن تابىس ەتۋ مەرزىمى وسى جىلدىڭ 15 تامىزىندا اياقتالادى. مالىمەت ءۇشىن ۋاكىلەتتى ورگاننىڭ رەسمي ينتەرنەت-رەسۋرسىنىڭ www.kgd.gov.kz باستى بەتىندە, «مەملەكەتتىك قىزمەتتەر – سالىق تولەۋشىنىڭ اۋماعى» بولىمىندە تانىسۋ ءۇشىن سالىق ەسەپتىلىگىنىڭ وزەكتى نىساندارى, سونداي-اق ولاردى تولتىرۋ ەرەجەلەرى قولجەتىمدى», – دەدى ايگۇل ءالىموۆا.
