«ەسىرتكىسىز بولاشاق» قورىنىڭ باسشىسى جاندوس اقتاەۆ ءىىم بىرلەسە وتىرىپ, قوعام بەلسەندىلەرى ەسىرتكى ساتۋ جانە جاستاردى ەسىرتكى بيزنەسىنە تارتۋ بويىنشا 3 مىڭنان استام تەلەگرام-ارنانى بۇعاتتاعانىن اتاپ ءوتتى, دەپ حابارلايدى astana-akshamy.kz.
«ەسىرتكى سالۋشى رەتىندە 13 جاستاعى بالالاردى تارتۋ ارەكەتتەرى جاسالىپ, بالالار بۇعان كەلىسۋگە دايىن بولعان. ءبىزدىڭ قوردا ينتەرنەت-كەڭىستىكتى باقىلاۋ جانە وسى كونتەنتتى بۇعاتتاۋ بويىنشا «مەرگەن» الگوريتمى بار. ءبىز قارقىندى جۇمىس ىستەۋدى جوسپارلاپ وتىرمىز. عىلىم جانە جوعارى ءبىلىم مينيسترلىگىمەن – 1800-دەن استام ستۋدەنت ەسىرتكى تاراتۋمەن كۇرەسۋگە ءوتىنىش بەردى. دەنساۋلىق ساقتاۋ مينيسترلىگىمەن – ناشاقورلىقتىڭ العاشقى پروفيلاكتيكاسى بويىنشا تۇجىرىمداما ازىرلەنۋدە», – دەدى سپيكەر وكق الاڭىندا وتكەن دوڭگەلەك ۇستەل بارىسىندا.
قوعام بەلسەندىلەرى جاقىن ارادا ەل اۋماعىندا پيلوتتىق رەجيمدە ىسكە قوسىلعالى وتىرعان ءۇش جوبا دايىنداۋدا: كيبەر توپتار قوسىمشاسى, كاسىبي پسيحولوگتاردى تارتا وتىرىپ, ادامدارعا پسيحولوگيالىق كومەك كورسەتۋ جونىندەگى جاساندى ينتەللەكت قوسىمشاسى.
«ەلىمىزدە ايماقتاعى ەسىرتكى قىلمىسى بويىنشا العاشقى digital-كارتا جاسالادى, ونى ازاماتتاردىڭ وزدەرى قالىپتاستىرادى. مۇنداي كارتالار بار, بىراق ولار رەسمي ستاتيستيكادان قۇرىلعان. ءاربىر تۇرعىن وسى كارتاعا ناقتى ۋاقىت رەجيمىندە ەسىرتكى جاعدايى تۋرالى اقپاراتتى قوسا الادى», – دەدى جاندوس اقتاەۆ.
قر ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ م.ا. باقىتجان ءامىرحانوۆتىڭ ايتۋىنشا, قوعام بەلسەندىلەرىمەن ىنتىماقتاستىق قورمەن بۇرىن قول قويىلعان مەموراندۋم اياسىندا جۇزەگە اسىرىلۋدا.
