ەلىمىزدە ءۇش شەتەلدىك مىقتى ۋنيۆەرسيتەتتىڭ تولىققاندى كامپۋستارى اشىلادى, دەپ حابارلايدى astana-akshamy.kz.
قر عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا, شەتەلدىك ۋنيۆەرسيتەتتەر قازاقستانعا ينۆەستيتسيا سالىپ, عيمارات سالادى نەمەسە ونى ساتىپ الادى جانە بريتاندىق فورماتپەن نەمەسە شەتەلدىك فورماتىمەن وقىتۋدى باستايدى.
«مىسالى, الماتىداعى De Montfort University-ءنىڭ العاشقى تۇلەكتەرى كەلەسى جىلى بىتىرەدى. سونداي-اق, 16 قىركۇيەكتە استانادا بريتاندىق Coventry University-ءنىڭ ۇلكەن كامپۋسى اشىلادى. بۇدان بولەك, تۇركىستان قالاسىندا وڭتۇستىك كورەيالىق ۆۋسونگ ۋنيۆەرسيتەتىنىڭ كامپۋسى اشىلادى. وسى ءۇش شەتەلدىك ۋنيۆەرسيتەتتىڭ ەرەكشەلىكتەرى – ونى بتىرگەن تۇلەكتەر بريتاندىق, كارىس ديپلومىن الىپ, سول ەلدەردە تولىققاندى جۇمىس ىستەي الادى», – دەدى سپيكەر وكق الاڭىندا وتكەن ءباسپاسوز كونفەرەنتسياسىندا.
