بۇگىنگى تاڭدا رەسپۋبليكانىڭ تۇرعىن ءۇي قورىندا 56 مىڭنان استام كوپپاتەرلى تۇرعىن ءۇي بار. ولاردىڭ ىشىندە, 3,5 مىڭ ەسكى جانە اپاتتى جاعدايداعى ۇيلەر; 17 مىڭ كتك كۇردەلى جوندەۋدى قاجەت ەتەدى; 35 مىڭ كتك قاناعاتتانارلىق جاعدايدا. بۇل تۋرالى قر ونەركاسىپ جانە قۇرىلىس مينيسترلىگى مالىمدەدى, دەپ حابارلايدى astana-akshamy.kz.
وسىعان بايلانىستى, كوندومينيۋم وبەكتىسىنىڭ ورتاق مۇلكىنە كۇردەلى جوندەۋ جۇرگىزۋ قاعيدالارىنا سايكەس تۇرعىن ءۇي قورىنىڭ جاي-كۇيىن قولداۋ ءۇشىن وڭىرلەرگە رەسپۋبليكالىق بيۋدجەت قاراجاتىنان كپتۇ كۇردەلى جوندەۋ جۇرگىزۋ ءۇشىن 7 جىلعا 0,1% – بەن بيۋدجەتتىك كرەديتتەر بەرىلەدى.
ورتاق مۇلىكتى كۇردەلى جوندەۋ بويىنشا جۇمىستىڭ 2 ءتۇرىن كوزدەيدى: ەڭ از (جىلۋ تۇتىنۋدى رەتتەۋدىڭ اۆتوماتتاندىرىلعان جۇيەسىن جانە جىلۋ ەنەرگياسىن ەسەپكە الۋدىڭ جالپىۇيلىك اسپاپتارىن مىندەتتى تۇردە ورناتا وتىرىپ, تۇرعىن ءۇيدىڭ شاتىرىن, كىرەبەرىسىن جانە جەرتولەسىن جوندەۋ) جانە ەڭ جوعارى (شاتىردى, كىرەبەرىستى, جەرتولەنى, قاسبەتتى جوندەۋ, مىندەتتى تۇردە ورناتا وتىرىپ, ليفت جابدىعىن جوندەۋ (اۋىستىرۋ) (بار بولسا) جىلۋ تۇتىنۋدى رەتتەۋدىڭ اۆتوماتتاندىرىلعان جۇيەسى جانە جىلۋ ەنەرگياسىن ەسەپكە الۋدىڭ جالپى ءۇي اسپاپتارى).
2022-2023 جىلدارى 11 وڭىردە 13,3 ملرد تەڭگە سوماسىنا 288 كوپپاتەرلى تۇرعىن ۇيگە كۇردەلى جوندەۋ جۇرگىزىلدى.
قابىلدانعان شارالار كۇردەلى جوندەۋدى قاجەت ەتەتىن كوندومينيۋم وبەكتىلەرىنىڭ ۇلەسىن 31,1%-عا دەيىن تومەندەتۋگە مۇمكىندىك بەردى.
2024 جىلى 7 وڭىردە جالپى سوماسى 13,8 ملرد تەڭگەگە 234 كوپپاتەرلى تۇرعىن ءۇيدى كۇردەلى جوندەۋ جۇمىستارىمەن قامتۋ جوسپارلانعان.
