استانا قالاسىنىڭ اكىمى جەڭىس قاسىمبەك Instagram پاراقشاسىندا اۋا رايىنا بايلانىستى قالا تۇرعىندارىنا ۇندەۋ جاسادى, دەپ حابارلايدى astana-akshamy.kz
«قۇرمەتتى ەلوردا تۇرعىندارى مەن قوناقتارى!
بوران مەن قاتتى جەلگە بايلانىستى قالانىڭ بارلىق قىزمەتى كۇشەيتىلگەن رەجيمدە جۇمىس ىستەپ جاتىر. كوممۋنالدىق قىزمەتتەر تاۋلىك بويى قالا كوشەلەرىن قاردان تازارتىپ, قاجەت جاعدايدا جولدار مەن تروتۋارلارعا قۇم-تۇز قوسپاسىن سەبۋدى جالعاستىرۋدا.
قارت كىسىلەر مەن بالالار جاراقات الماس ءۇشىن سىرتقا شىقپاعانى ءجون.
جۇرگىزۋشىلەر مەن جاياۋ جۇرگىنشىلەر جولدا وتە مۇقيات بولۋى, اراقاشىقتىقتى جانە جول قوزعالىسىنىڭ بارلىق ەرەجەسىن ساقتاۋى كەرەك. سول سياقتى اۋا رايىنىڭ وزگەرۋى جانە ەنگىزىلگەن شەكتەۋلەر, ونىڭ ىشىندە قالانىڭ تاس جولدارىنا قاتىستى اقپاراتتى نازاردا ۇستاۋدى سۇرايمىن», – دەپ جازدى جەڭىس قاسىمبەك.
