ەلوردانىڭ حالىقارالىق اۋەجايى جولاۋشىلارعا قىزمەت كورسەتۋ ساپاسىن جاقسارتۋ اياسىندا جۇمىستاردى جالعاستىرۋدا, دەپ حابارلايدى astana-akshamy.kz.
ەلوردالىق اۋەجايدا الەمنىڭ 160-تان استام ەلىندە اۆتوكولىكتەردى جالعا بەرۋ پۋنكتتەرى بار Avis حالىقارالىق كومپانياسىنىڭ اۆتوكولىكتەردى جالعا بەرۋ قىزمەتى ىسكە قوسىلدى.
سونىمەن قاتار رarqour كومپانياسىمەن بىرلەسىپ, ەلوردالىق اۋە ايلاعى Valet Service جاڭا قىزمەتىن ىسكە قوسۋدى جوسپارلاپ وتىر. بۇل جولاۋشىلارعا ءوز كولىگىن تەرمينال اۋماعىنداعى ىڭعايلى جەردە قالدىرۋعا جانە بىردەن تىركەۋ ۇردىستەرىن باستاپ كەتۋگە مۇمكىندىك بەرەدى.
سونىمەن قاتار ەلوردالىق اۋەجاي اۋماعىندا جوندەۋ-قۇرىلىس جۇمىستارى جالعاسۋدا. جازعى كەزەڭدە ءتيىستى ميكروكليماتتى قامتاماسىز ەتۋ جانە سانيتارلىق-ەپيدەميولوگيالىق تالاپتاردى ساقتاۋ ءۇشىن اۋەجاي كليماتتىق جابدىقتار جانە تەرمينالداردىڭ جەلدەتۋ جۇيەلەرىندە جوندەۋ-قالپىنا كەلتىرۋ جۇمىستارى جۇرگىزىلۋدە.
ىشكى ۇشۋ تەرمينالىندا ورنالاسقان ناماز وقۋعا ارنالعان ارنايى بولمەلەرى قايتا قۇرۋدان ءوتتى. سونداي-اق استانا حالىقارالىق اۋەجايىنىڭ ەكىنشى قاباتىنداعى ت2 ستەريلدى ايماعىندا قوسىمشا جاسالعان ناماز بولمەسى قولجەتىمدى.
جالپى جولاۋشىلارعا كورسەتىلەتىن قىزمەت ساپاسىن ارتتىرۋ — اۋەجاي ءۇشىن باسىمدىق بەرىلەتىن تۇراقتى باقىلاۋداعى ماسەلە.
