بيىل 26 اقپاندا استاناداعى ە.راحماديەۆ اتىنداعى مەملەكەتتىك اكادەميالىق فيلارمونياسى «The Nomads’ Fire» كوشپەندىلەر اۋەندەرى اتتى كونتسەرتىن ۇسىنادى, دەپ حابارلايدى astana-akshamy.kz.
“The Nomads’ Fire” كونتسەرتتىك باعدارلامادا ءار نوتادا, ءار اككوردتا ەتنيكالىق جاندى شابىتتاندىراتىن, ءارى قۋاتتاندىراتىن مۋزىكالىق وزگەرتۋلەرمەن ۇيلەستىرىلگەن. كونتسەرتكە قاتىسۋشىلار ءوز حالقىنىڭ رۋحىن ساقتاۋشى رەتىندە ۋاقىت شەگىنەن ءوتىپ, ەتنو-فانك, ەتنو-روكتىڭ زاماناۋي دىبىستارىن قوسا وتىرىپ, كوشپەندىلەردىڭ مۋزىكالىق مۇراسىن اسپاپتاردا جانە ءان تۋىندىلارىندا كورسەتەدى.
ەجەلگى زامان قازىرگى زامانمەن توعىساتىن, مۋزىكاعا دەگەن قۇشتارلىق كوشپەندىلەردىڭ ناعىز وتىنا اينالاتىن مۋزىكالىق كەڭىستىكتەر ارقىلى وسى قىزىقتى ساياحاتقا قالا قوناقتارى مەن تۇرعىندارى قوسىلا الادى.
باعدارلاماعا «ALEM» زاماناۋي بي توبى, «سارىارقا» حالىق مۋزىكا ءانسامبلى, كامەرالىق حور, ەسترادالىق, كلاسسيكالىق ۆوكال جانە حالىق ءانى بولىمدەرىنىڭ ورىنداۋشىلارى, ەتنو-ەسترادالىق سيمفونيالىق وركەستر قاتىسىپ, ونەر كورسەتەدى.
