استانا قالاسىندا كوللەدجدەرگە قۇجاتتاردى قابىلداۋ 25 ماۋسىمنان باستالادى, دەپ حابارلايدى https://astana-akshamy.kz
قۇجاتتاردى قابىلداۋ قاعاز تۇرىندە تىكەلەي كوللەدجدە (25 ماۋسىمنان 1 شىلدەگە دەيىن) ۇيىمداستىرىلادى.
1 شىلدەدەن باستاپ قۇجاتتاردى قابىلداۋ ەلەكتروندىق ۇكىمەت پورتالى (egov.kz) ارقىلى جالعاسادى.
قۇجات تاپسىرۋ كەزىندە 4 كوللەدجگە دەيىن جانە 4 ماماندىققا دەيىن تاڭداۋ بەرىلەدى.
كونكۋرس ءبىلىم تۋرالى قۇجاتقا سايكەس مىندەتتى جانە بەيىندى پاندەردىڭ باعالارىن ورتاشا كونكۋرستىق بالل بويىنشا ءبولۋ جولىمەن اۆتوماتتاندىرىلعان تۇردە وتكىزىلەدى.
پەداگوگيكالىق ماماندىقتار, ونەر جانە مادەنيەت ماماندىقتارى بويىنشا ارنايى نەمەسە شىعارماشىلىق ەمتيحاندار, مەديتسينالىق ماماندىقتار بويىنشا پسيحومەتريالىق تەستىلەۋ جانە كونكۋرسقا رۇقسات الۋ قاراستىرىلعان.
كۆوتا ساناتى ءۇشىن راستايتىن قۇجاتتاردى ۇسىنۋ قاجەت (1, 2-توپتاعى مۇگەدەكتەر, مۇگەدەك بالالار جانە ولاردىڭ تاربيەلەنۋشى وتباسىلارى, اۋىل جاستارى, جەتىم بالالار, كوپبالالى, الەۋمەتتىك از قامتىلعان جانە تولىق ەمەس وتباسىلاردان شىققان بالالار جانە ت.ب.).
جۇمىسشى بىلىكتىلىكتەرىنە (اسپاز, كۇتۋشى, كونديتەر, تىگىنشى, دانەكەرلەۋشى, شاشتاراز جانە ت.ب.) جانە ماقساتتى مەملەكەتتىك تاپسىرىسقا كوللەدجگە اڭگىمەلەسۋ ناتيجەلەرى بويىنشا كونكۋرستان تىس 25 تامىزعا دەيىن قابىلدانادى.
