ەلىمىزدە 6 شىلدەدە استانا كۇنى اتالىپ وتىلەدى, دەپ حابارلايدى astana-akshamy.kz
وسى مەرەكەگە وراي استانادا 100-گە جۋىق ءتۇرلى ءىس-شارا وتكىزىلەدى. قالا تۇرعىندارى مەن قوناقتارىنا ارناپ كونتسەرتتىك باعدارلامالار, فەستيۆالدار, سپورتتىق تۋرنيرلەر جانە ت.ب. وتەدى.
31 تامىزعا دەيىن ءار سەنبى مەن جەكسەنبى كۇندەرى ساعات 14:00-دەن باستاپ قالالىق الاڭدا, ورتالىق جاعالاۋدا (ەسىل وزەنى), ورتالىق ساياباقتا (امفيتەاترعا قاراما-قارسى), «جەرۇيىق» ساياباعىندا, «جەتىسۋ» ساياباعىندا بالالارعا ارنالعان ويىن-ساۋىق باعدارلامالارى, شىعارماشىلىق ۇجىمداردىڭ قويىلىمدارى, فلەشموبتار قامتىلىپ,«Creative summer» جازعى جوباسى وتەدى.
3 شىلدە كۇنى ساعات 18:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا قازاقستاننىڭ ۇزدىك ءداستۇرلى انشىلەرى, كۇيشىلەرى, جىرلارىنا ارنالعان «اسىل مۇرا» مەرەكەلىك كونتسەرتى وتەدى. وعان ونەر قايراتكەرلەرى مەن ەلىمىزدىڭ تانىمال شىعارماشىلىق ۇجىمدارى قاتىسادى. اتاپ ايتقاندا, قازاقستاننىڭ حالىق ءارتىسى رامازان ستامعازيەۆ, قازاقستاننىڭ ەڭبەك سىڭىرگەن قايراتكەرلەرى ايگۇل ەلشىباەۆا, ەلمۇرا جاڭابەرگەن, ايگۇل قوسانوۆا, ارداق بالاجانوۆا, كلارا تولەنباەۆا جانە باسقا دا ارتىستەر بار.
5 شىلدەدە ساعات 19:00-دە امفيتەاتردا «ايالاعان استانا» گالا-كونتسەرتى وتەدى, بۇل جوبا دامۋعا ىقپال ەتەدى جانە قازاقستاندىق جاس تالانتتارعا ۇلكەن ساحناعا شىعۋعا مۇمكىندىك بەرەدى.
5 شىلدە كۇنى ساعات 15:00-دە «جاستار» تەاترىندا «بايراعى بيىك بايتاعىم» اقىندار اراسىنداعى رەسپۋبليكالىق ءمۇشايرا بايقاۋىنىڭ جەڭىمپازدارىن ماراپاتتاۋ ءراسىمى وتەدى.
5 شىلدەدە ساعات 11:00-دە جازۋشىلار اللەياسىندا «KITAPHANA FEST-2024» كىتاپ فەستيۆالى وتەدى. كىرۋ تەگىن. فەستيۆال ءۇش نەگىزگى بلوكتان تۇرادى – كىتاپ جارمەڭكەسى, ءبىلىم بەرۋ باعدارلاماسى جانە بالالار مەن وتباسىلارعا ارنالعان باعدارلاما.
5-7 شىلدە ارالىعىندا ەلوردادا «تەاترالنايا ەۋرازيا» I حالىقارالىق كوشە تەاترلارىنىڭ فەستيۆالى وتەدى. ءىس-شاراعا ەستونيا, پولشا, ماسكەۋ جانە قازاقستاندىق تەاتر ۇجىمدارى مەن ارتىستەرى قاتىسادى.
6-7 شىلدەدە ساعات 12:00-دە حالىقارالىق كوشە تەاترلارى فەستيۆالىنە قاتىسۋشىلاردىڭ شەرۋى وتەدى. ول قالا الاڭىنان باستالىپ, ورتالىق ساياباقتا شەرۋدى اياقتايدى.
6 شىلدەدە ساعات 18:00-دە ەكسپو الاڭىندا Open air اشىق اسپان استىنداعى مەرەكەلىك كونتسەرت وتەدى. ءىس-شارادا وتاندىق ەسترادا جۇلدىزدارى Ninety one, Orda, Raim, Sadraddin, Kalifarniya, Nazima, Alpha, T’OI, Imzi, قۇرماش ماحان, Jazzdauren جانە باسقا دا ارتىستەر ونەر كورسەتەدى.
6 شىلدەدە ساعات 11:00-دە جانە ساعات 15:00-دە قالا شەتىندە تۇرعىن الاپتارىندا ەلوردا تۇرعىندارى مەن قوناقتارىنا ارنالعان «استانا – جۇرەگىم» كونتسەرتتەرى وتەدى. مەرەكەلىك ءىس-شارادا ءمادي قادىروۆ, گۇلنۇر ورازىمبەتوۆا, دوسىمجان تاڭاتاروۆ, مەدەت جانە كلارا سالىقوۆتار, باۋىرجان يساەۆ جانە قازاقستاندىق ەسترادانىڭ باسقا دا جۇلدىزدارى ونەر كورسەتەدى.
6 شىلدە كۇنى ساعات 20:00-دە امفيتەاتردا ە.راحماديەۆ اتىنداعى مەملەكەتتىك اكادەميالىق فيلارمونيا ارتىستەرىنىڭ قاتىسۋىمەن «استانا – ارمان قالا» مەرەكەلىك كونتسەرتى وتەدى. ءىس-شاراعا بەلگىلى ونەر قايراتكەرلەرى مەن ەسترادا جۇلدىزدارى مايرا ءىلياسوۆا, قانات جانە سۆەتا ايتباەۆتار, ارايلىم راحىمقىزى, گۇلنۇر ورازىمبەتوۆا, زارينا وماروۆا, مۇراتبەك حايرولدا, فاريدا جولداسوۆا, اكىمحان ماجەنوۆ, التىنشاش مۇقاتاەۆا, سونداي-اق DJ Dake جانە «ALEM» زاماناۋي بي بالەتى قاتىسادى.
6, 7 جانە 8 شىلدەدە ساعات 12:00-دەن باستاپ قالا قوناقتارى مەن تۇرعىندارى ءۇشىن ورتالىق ساياباقتا «Mereke street» جازعى جوباسى جۇمىس ىستەيدى. بۇل شەبەرلىك سىنىپتارى مەن اشىق اسپان استىنداعى كينوتەاترى بار بارلىق جاستاعى ازاماتتارعا ارنالعان وتباسىلىق دەمالىس فەستيۆالى.
7 شىلدەدە ەكسپو الاڭىندا دومبىرا كۇنىنە ارنالعان مەرەكەلىك شوۋ-كونتسەرت وتەدى. كەش قوناقتارى: «قورقىت» ەتنو-فولكلورلىق ءانسامبلى, «Made in KZ» توبى, يبراگيم ەسكەندىر جانە «التىن دومبىرا» بالالار شىعارماشىلىق ورتالىعى, «Assyl» توبى, Qalifarniya, Qanay, اقتوتى بولشوۆا جانە باسقا دا ارتىستەر.
8 شىلدە كۇنى «جاستار» سارايىندا ساعات 19:00-دە استانا مەن نۋسانتارا باۋىرلاس قالالار كۇنىن مەرەكەلەۋ قۇرمەتىنە بىرلەسكەن مەرەكەلىك كونتسەرت وتەدى. ءىس-شارادا قازاقستان مەن يندونەزيانىڭ دارىندى ارتىستەرىنىڭ ءداستۇرلى مۋزىكاسى مەن بيلەرى ورىندالادى.
ەلوردا كۇنىنە اۋقىمدى سپورتتىق-بۇقارالىق ءىس-شارالار جوسپارلانعان. ولاردىڭ ىشىندە ەڭ ۇلكەنى: «جاسايبەر, جاينا استانام!», «تولاعاي» رەسپۋبليكالىق ءتۋرنيرى, ات جارىسى (كونكۋر), «ەلوردا كۋبوگى» بايگەسى, «ەل جۇرەگى – استانا!» بار.
ءىرى ءىس-شارالارمەن قاتار 2010-2011 جىلى تۋعان جاسوسپىرىمدەر اراسىندا بوكستان «Qazaq Arlany» by M. Toitov بوكس كلۋبىنىڭ اشىق رەسپۋبليكالىق ءتۋرنيرى, تىرەك-قيمىل اپپاراتى زاقىمدانعان ادامدار اراسىندا پاۋەرليفتينگتەن قالا كۋبوگى «بايقوڭىر» اۋدانىنىڭ تۇرعىندارى اراسىندا ۆولەيبولدان تۋرنير, اسىق اتۋدان «استانا ساقاسى» اشىق ءتۋرنيرى (ەرلەر, ايەلدەر), مۇمكىندىگى شەكتەۋلى سپورتشىلار اراسىنداعى «شوۋداۋن» ۇستەل تەننيسىنەن چەمپيونات. وسى ءىس-شارالاردىڭ بارلىعى استانا كۇنىن مەرەكەلەۋ قۇرمەتىنە ۇيىمداستىرىلادى.
