ەلوردادا قارجىلىق مونيتورينگ اگەنتتىگىنىڭ قولداۋىمەن «افم online» كونفەرەنتسياسى ءوتتى, دەپ حابارلايدى astana-akshamy.kz.
اۋقىمدى ءىس-شارا قارجى پيراميدالارىن قالاي تانۋ, دروپتارعا قارسى تۇرۋ, حالىقتىڭ قارجىلىق ساۋاتتىلىعىن ارتتىرۋ جانە باسقا دا وزەكتى ماسەلەلەرگە ارنالدى. ماقسات: جاستاردىڭ قارجىلىق ساۋاتتىلىعىن ارتتىرۋ جانە بلوگوسفەرادا دۇرىس قۇقىقتىق اقپاراتتىق تسيفرلىق مادەنيەتتى قالىپتاستىرۋ. ونلاين رەجيمدەگى پىكىرتالاسقا ەلىمىزدىڭ 35 جوعارى وقۋ ورنىنان 20 مىڭنان استام ستۋدەنت قاتىستى. كەزدەسۋدە بارىسىندا سپيكەرلەر بلوگەرلەرمەن قىزىقتى كەيستارىمەن ءبولىستى, ءوز كەزەگىندە ولار اۋديتورياسىنا ءارى قاراي جەتكىزەتىن ماڭىزدى اقپارات الدى. مەديا تۇلعالار ءۇشىن الەۋمەتتىك جەلىلەردەگى مىنەز-قۇلىق ەرەجەلەرى جانە قانداي جارناما ءۇشىن زاڭمەن جازا قاراستىرىلعانى ءتۇسىندىرىلدى. پانەلدىك سەسسيالار بارىسىندا بەلگىلى بلوگەرلەر, قارجى اناليتيكتەرى, قوعام قايراتكەرلەرى, دەپۋتاتتار مەن مەملەكەتتىك ورگانداردىڭ وكىلدەرى ينتەرنەت-گيگيەنا, الاياقتىق جوبالاردى جارنامالاعانى ءۇشىن جاۋاپكەرشىلىك, الەۋمەتتىك جەلىلەردە قۇقىققا قارسى كونتەنتتى تاراتۋ, جاستاردى قۇقىققا قارسى قىزمەتكە تارتۋ تۋرالى پىكىر تالاستى. اگەنتتىك توراعاسى دميتري مالاحوۆ ءوزىنىڭ قۇتتىقتاۋ سوزىندە قما-نىڭ نەگىزگى مىندەتى – جاس ۇرپاققا قارجىلىق ساۋاتتىلىق نەگىزدەرىن ءتۇسىندىرۋ ەكەنىن اتاپ ءوتتى.
«2021 جىلدان باستاپ ءبىز قارجى پيراميدالارىنىڭ ومىرلىك تسيكلىن جانە ولاردىڭ سالىمشىلارىنىڭ سانىن قىسقارتۋعا باعىتتالعان ارنايى جوبا جۇرگىزىپ كەلەمىز. ياعني, ءبىز ولاردىڭ جۇمىسىن باستاپقى كەزەڭىندە, حالىق اراسىنا تاراماي تۇرىپ, توقتاتۋ ءۇشىن جۇمىس ىستەپ جاتىرمىز», – دەدى د.مالاحوۆ.
بۇگىنگى تاڭدا اگەنتتىك ينتەرنەتتە زاڭسىز مازمۇندى كونتەنتتى ىزدەۋدى جانە بۇعاتتاۋدى اۆتوماتتاندىردى. قازىردىڭ وزىندە 10 مىڭعا جۋىق سايتتار مەن قارجى پيراميدالارىنىڭ بەلگىلەرى بار اككاۋنتتار بۇعاتتالعان. بۇدان باسقا, اتاۋلى جۇمىستى جۇرگىزۋ ءۇشىن الەۋمەتتىك جەلىلەر ارقىلى الاياقتىق سحەمالارعا تارتىلعان سالىمشىلاردى ەرتە انىقتاۋ جۇيەسى جولعا قويىلعان. قابىلدانعان شارالاردىڭ ناتيجەسىندە بۇگىنگى تاڭدا 126 مىڭ جازىلۋشى الاياقتىق سحەمالاردى جارنامالايتىن اككاۋنتتاردان باس تارتتى. ءىس-شارا بارىسىندا جوو ستۋدەنتتەرى ءۇشىن ءارتۇرلى الاياقتىق سحەمالاردىڭ الدىن الۋعا باعىتتالعان ۇزدىك بەينەروليككە كونكۋرس جاريالاندى.
