ەلوردادا «استانا – ەسىرتكىسىز قالا!» جوسپارى قالاي جۇزەگە اسىرىلۋدا؟
بۇگىندە استانا قالاسى پوليتسيا دەپارتامەنتى ينتەرنەت-رەسۋرستار ارقىلى كونتاكتىسىز جەتكىزىلەتىن ەسىرتكىنىڭ سينتەتيكالىق تۇرلەرىن قوسا العاندا, وتكىزۋ جانە جەتكىزۋ ارنالارى فاكتىلەرىن انىقتاۋعا ەرەكشە كوڭىل ءبولىپ كەلەدى. وسى جۇمىستار تۋرالى بۇگىن استانا كوممۋنيكاتسيالار ورتالىعىندا استانا قالاسى پد ەسىرتكى قىلمىسىنا قارسى ءىس-قيمىل باسقارماسىنىڭ اسا ماڭىزدى ىستەر جونىندەگى اعا جەدەل ۋاكىلى, پوليتسيا مايورى اليا قيباتقىزى باياندادى, دەپ حابارلايدى astana-akshamy.kz.
اعىمداعى جىلدىڭ بەس ايىندا ەسىرتكىنىڭ زاڭسىز اينالىمىنا قاتىستى 528 دەرەك انىقتالعان, ونىڭ ىشىندە ەسىرتكى ساتۋ بويىنشا 132 دەرەك تىركەلگەن. زاڭسىز اينالىمنان 62 كگ. ءتۇرلى ەسىرتكى زاتتارى تاركىلەندى.
2022-2024 جىلدار ارالىعىندا ەلوردادا 9 ەسىرتكى زەرتحاناسىنىڭ قىزمەتى انىقتالىپ, جولى كەسىلدى. بۇگىنگى تاڭدا قازاقستاندا ەسىرتكى نارىعىندا وسىمدىك تەكتەس ءداستۇرلى پرەپاراتتاردى (ماريحۋانا, گاشيش جانە ت.ب.) «سينتەتيكالىق» دەپ اتالاتىن «ديزاينەرلىك پرەپاراتتارمەن» قارقىندى اۋىستىرۋ بەلسەندى ۇدەرىسى ءجۇرىپ جاتىر.
ەلوردادا سينتەتيكالىق ەسىرتكىگە قاتىستى 206 فاكتىسى انىقتالدى. بۇل جۇمىستا ازاماتتار بەلسەندىلىك تانىتۋدا. ولاردىڭ حابارلاۋى بويىنشا بيىلعى جىلى ءدارى-دارمەك ساتاتىن 50 ۆەب-سايت بۇعاتتالدى, سونىمەن قاتار, گراففيتيدى جارنامالايتىن ونلاين ءدارىحانا دۇكەندەرى جويىلدى. ەسىرتكى تۇتىنۋشىلاردىڭ سانىن ازايتۋ ماقساتىندا جاسوسپىرىمدەر مەن جاستار اراسىندا پروفيلاكتيكالىق جۇمىستارى كۇشەيتىلۋدە. پوليتسيا دەپارتامەنتى اكىمدىكپەن, باسقا دا مۇددەلى ورگاندارمەن جانە ۇەۇ-مەن بىرلەسىپ 214 پروفيلاكتيكالىق ءىس-شارا (اكتسيالار, سەمينارلار, دارىستەر, دوڭگەلەك ۇستەلدەر, كەزدەسۋلەر, سپورتتىق ءىس-شارالار, كونكۋرستار) وتكىزگەن.
استانا قالاسى پوليتسيا دەپارتامەنتىنىڭ پد-ءنىڭ ەسىرتكى قىلمىسىنا قارسى ءىس-قيمىل باسقارماسىنىڭ پروفيلاكتيكالىق جانە ۆەدومستۆوارالىق ۇيلەستىرۋ توبىنىڭ قىزمەتكەرلەرى ەسىرتكى قىلمىستارىنىڭ الدىن الۋ مەن ناشاقورلىقتى بولدىرماۋ بويىنشا بۇقارالىق اقپارات قۇرالدارىندا 160 ماتەريال جاريالاعان. قالا مەكتەپتەرىنىڭ جوعارى سىنىپ وقۋشىلارى اراسىندا سۋرەتتەر, لوگوتيپتەر مەن بەينەروليكتەر كونكۋرستارى, فلەشموبتار وتكەن. «ەسىرتكىگە جول جوق» تاقىرىبىندا قالالىق جانە اۋداندىق پروكۋراتۋرا وكىلدەرىمەن, استانا قالاسىنىڭ «استانا جاستارى» قوعامدىق بىرلەستىگىنىڭ ەرىكتىلىەرىمەن كەزدەسۋلەر مەن اڭگىمەلەر ۇيىمداستىرىلعان. سونىمەن قاتار ەلوردانىڭ جوعارى وقۋ ورىندارىنىڭ ستۋدەنتتەرىمەن پروفيلاكتيكالىق ءىس-شارالارى مەن قۇقىقتىق ءتۇسىندىرۋ جۇمىستارى جۇرگىزىلىپ كەلەدى. «Astana IT University», ەاگي, كازگيۋ, استانا مەديتسينا ۋنيۆەرسيتەتى ستۋدەنتتەرىمەن ەسىرتكى قىلمىسى ءۇشىن قىلمىستىق جاۋاپكەرشىلىك جانە پسيحواكتيۆتى زاتتاردى قولدانۋدىڭ سالدارى تۋرالى اقپاراتپەن تانىستىرۋ ماقساتىندا 10-عا جۋىق كەزدەسۋ وتكەن.
ەسكە سالا كەتەيىك, «قازاقستان رەسپۋبليكاسىندا ناشاقورلىققا قارسى كۇرەس جونىندەگى كەشەندى ءىس-شارالار جوسپارى» اياسىندا 2023 جىلعى قاراشادا استانا قالاسىنىڭ اكىمىمەن 2023-2025 جىلدارعا ارنالعان «استانا – ەسىرتكىسىز قالا!» اتتى جوسپار بەكىتىلگەن بولاتىن.
