ەلوردادا اۆتوبۋستاردىڭ جاڭا باعدارى ىسكە قوسىلادى

ەلوردادا 24 اقپاننان باستاپ «استاناينەرت» – «№ 4 ءورت ءسوندىرۋ ءبولىمى» قاتىناسىمەن جاڭا №42 باعىت ىسكە قوسىلادى. بۇل تۋرالى CTS ءباسپاسوز قىزمەتى مالىمدەدى, دەپ حابارلايدى astana-akshamy.kz.

قوعامدىق كولىكتىڭ باعىتى:

– «اگروقالاشىق» تۇرعىن الابىندا وقجەتپەس, قاربىشەۆ, مۇسا جالەل, اقان سەرى كوشەلەرىنە;
– قارامەندە بي شاكاۇلى, ش. ايتماتوۆ كوشەلەرىنە, «شارىن», «مادريد» تك;
– «جاعالاۋ» شاعىن اۋدانىندا ش.ايتماتوۆ, سىعاناق كوشەلەرى, «Brussels», «جاعالاۋ-3», «قۇلاگەر», «شىعىس», «Sat city», «زەلەنىي كۆارتال» تۇرعىن ءۇي كەشەندەرىنە كولىكتىك قىزمەت كورسەتۋدى جاقسارتادى.

سول سياقتى وسىعان دەيىن قوعامدىق كولىك جۇرمەگەن تۇران داڭعىلىنىڭ ۇلى دالا داڭعىلىنان حۋسەين بەن تالال كوشەسىنە دەيىنگى ارالىقتا قىزمەت كورسەتۋدى جۇزەگە اسىرادى.

سونداي-اق, باعىت «قر ءىىم ورتالىق گوسپيتالى», «№2 قالالىق كوپسالالى اۋرۋحانا», «№3 كوپسالالى قالالىق بالالار اۋرۋحاناسى», «قر ءپىب مەديتسينالىق ورتالىعىنىڭ اۋرۋحاناسى» اۋرۋحانالارىنا قىزمەت كورسەتۋدى جاقسارتۋعا مۇمكىندىك بەرەدى.

ايتا كەتەيىك, تۇران داڭعىلىنىڭ ورىنبور جانە ر.باعلانوۆا كوشەلەرىنىڭ اراسى ۋاقىتشا جابىلۋىنا بايلانىستى, باعدار قابانباي باتىر داڭعىلىمەن جۇرەدى.

باعداردىڭ قوزعالىس سىزباسىن الەۋمەتتىك جەلىدەگى cts_kz پاراقشاسىنداعى Taplink ارقىلى كورۋگە بولادى.