ەلوردادا جەڭىل اتلەتيكادان اۋەسقويلار اراسىنداعى Indوor Run Astana جارىسى ءوتتى. Qazaqstan سپورت كەشەنىندە جۇزدەگەن سپورتشى بىرنەشە قاشىقتىق بويىنشا باسەكەگە ءتۇستى. ال 27 قاڭتاردا ەلوردادا العاش رەت «گاۋھار ليگا» سەرياسىنداعى World Indoor Tour Gold – Astana Amoor meet for Amin Tuyakov Prizes حالىقارالىق ءتۋرنيرى وتەدى. بۇل جارىسقا 45 ەلدىڭ سپورتشىلارى قاتىسادى.
جەڭىل اتلەتيكادان اۋەسقويلار اراسىنداعى Indoor Run Astana-2024 جارىسى ۇيىمداستىرىلدى, دەپ حابارلايدى استانا اكىمدىگىنىڭ رەسمي سايتى.
Qazaqstan جەڭىل اتلەتيكا سپورت كەشەنىندە 100-دەن اسا اۋەسقوي سپورتشى باس قوسىپ, بىرنەشە قاشىقتىق بويىنشا جۇلدەگەرلەردى انىقتادى.
«ءدال وسى سپورت كەشەنىندە كەلەسى اپتادا العاش رەت World Athletics Indoor Tour Gold Label ءتۋرنيرى وتكىزىلەدى. ايتۋلى جارىستا وليمپيادا جۇلدەگەرلەرى, الەم چەمپيوندارى, اتاقتى سپورتشىلار ونەر كورسەتەدى.
مىنە, سىزدەر دە جەڭىل اتلەتيكالىق Qazaqstan سپورت كەشەنىندە ەكىنشى مارتە جارىسقا قاتىسىپ جاتىرسىزدار. سىزدەردىڭ دە كورسەتكىشتەرىڭىز جاقسارىپ, حالىقارالىق دەڭگەيگە كوتەرىلۋىڭىزدى تىلەيمىن!» دەدى استانا قالاسى دەنە شىنىقتىرۋ جانە سپورت باسقارماسى باسشىسىنىڭ مىندەتىن اتقارۋشى ەركەعالي كاربوزوۆ سايىستىڭ اشىلۋ سالتاناتىندا.
سايىسقا ەلىمىزدەن وزگە رەسەي, ۇلىبريتانيا سىندى مەملەكەتتەردەن اۋەسقوي سپورتشىلار قاتىستى.
«بۇعان دەيىن ترياتلون سپورتىمەن اينالىسىپ كەلدىم. ەندى اۋەسقويلار اراسىنداعى جەڭىل اتلەتيكا جارىستارىندا ونەر كورسەتىپ ءجۇرمىن. الماتى, استانا مارافوندارىنا تۇراقتى قاتىسامىن. بۇگىن العاش رەت جابىق كەشەندەگى مانەجدە جۇگىردىم. ارينە, وڭاي بولمادى. دەگەنمەن جەڭىل اتلەتيكادان سايىستاردىڭ كوبەيۋى بارلىعىمىزدىڭ ۋاقىت كورسەتكىشىمىزدى جاقسارتۋعا سەپتىگىن تيگىزەتىنى ءسوزسىز. كاسىبي جەلاياقتارعا ارنالعان سپورت كەشەنىندە جۇگىرىپ, كەرەمەت اسەر سىيلاعان ۇيىمداستىرۋشىلارعا العىسىم شەكسىز» دەدى ايتۋلى جارىستا 1000 مەتر قاشىقتىقتا جەڭىمپاز اتانعان اينۇر قۇماروۆا.
سونداي-اق تۋرنيردە اۋەسقويلاردان بولەك, ينتەللەكتۋالدىق دامۋى شەكتەلگەن 4 سپورتشى سايىسقا ءتۇسىپ, ءوزارا جەڭىمپازدى انىقتادى.
ۇيىمداستىرۋشىلاردىڭ ايتۋىنشا, 2022 جىلى Indoor Run Astana جارىسىندا 70 قاتىسۋشى بولسا, بيىل ولاردىڭ قاتارى 120-دان استى.
جارىس جەڭىمپازدارى مەن جۇلدەگەرلەرى استانا قالاسى اكىمدىگى تاعايىنداعان جۇلدەلەرمەن ماراپاتتالدى.
