بيىل ۇكىمەتتىڭ قولداۋىمەن 7-14 شىلدە ارالىعىندا استانا قالاسىندا ەڭ بەدەلدى 35-ءشى حالىقارالىق بيولوگيالىق وليمپيادا (IBO) وتەدى, دەپ حابارلايدى astana-akshamy.kz.
بۇل تۋرالى بۇگىن ورتالىق كوممۋنيكاتسيادار قىزمەتىندە وتكەن بريفينگتە قر وام ورتا ءبىلىم كوميتەتىنىڭ توراعاسى قانىبەك جۇماشەۆ ايتتى. سول ءىس-شارا اياسىندا ەلورداعا الەمنىڭ 80 ەلىنەن 350-گە جۋىق تالانتتى وقۋشى كەلەدى. ق. جۇماشەۆ قازاقستاننىڭ مۇنداي بەدەلدى وليمپيادانى وتكىزۋ ورنى رەتىندە تاڭدالۋى كەزدەيسوق ەمەستىگىن اتاپ ءوتتى. بۇعان وتاندىق وقۋشىلاردىڭ حالىقارالىق ءبىلىم سايىستارىندا جوعارى ناتيجە كورسەتۋىنىڭ ارقاسىندا ەلىمىزدىڭ زور بەدەلگە يە بولۋى سەبەپ.
«وليمپيادانى ۇيىمداستىرۋعا جانە وتكىزۋگە دايىندىق وتكەن جىلدان بەرى باستالدى. وليمپيادانى ۇيىمداستىرۋ مەن وتكىزۋدە سالالىق مينيسترلىكتەرمەن بىرلەسكەن جۇمىستار جۇرگىزىلەدى. وسى ورايدا بىرلەسكەن بۇيرىق دايىندالدى», – دەدى سپيكەر وكق الاڭىندا وتكەن ءباسپاسوز كونفەرەنتسياسىندا.
بۇگىنگى تاڭدا الەمدە حالىقارالىق دەڭگەيدەگى ەرەكشە تانىمال جانە بەدەلدى 7 وليمپيادا بار. سونىڭ ءبىرى – حالىقارالىق بيولوگيا وليمپياداسى (IBO).
