اتالعان مارافون اياسىندا استانالىق كوللەدج ستۋدەنتتەرى قارت كىسىلەرگە كومەكتەستى, دەپ حابارلايدى astana-akshamy.kz
استانادا قالىڭ قار جاۋىپ, كوممۋنالدىق قىزمەتتەر كۇشەيتىلگەن رەجيمدە جۇمىس ىستەپ جاتىر. وسىعان بايلانىستى كوللەدج ستۋدەنتتەرى قارت كىسىلەرگە اۋلالارىنىڭ قارىن كۇرەۋگە كومەكتەسىپ, «يگى ىستەر مارافونى» ءداستۇرلى اكتسياسىنا وتكىزۋدە. قايىرىمدىلىق اكتسياسىنىڭ ماقساتى – قارتتارعا, زەينەتكەرلەرگە جانە مۇقتاج جاندارعا كومەك كورسەتۋ.
ەلوردالىق جاستار وقجەتپەس, 94 جانە بولاشاق, 39 مەكەنجايلارىنا بارىپ, اۋلالارىن تازارتۋعا كومەكتەستى. اكتسياعا 50 كوللەدج ستۋدەنتتەرى قاتىستى.
«بۇگىن ءبىز قارت كىسىلەرگە اۋلالارىنىڭ قارىن كۇرەۋگە كومەكتەستىك. اكتسيا جىل سايىن وتكىزىلەدى. سونداي-اق, ءبىز اۋا رايىنىڭ قولايسىزدىعىنا قاراماستان كوممۋنالدىق قىزمەتشىلەرگە ءجيى كومەكتەسەمىز, سول سياقتى ىستىق شايمەن تاتتىلەر تاراتامىز. ەلوردالىق جاستار ۇيىمدارىن «يگى ىستەر مارافونىنا» قاتىسۋعا شاقىرامىز, – دەدى «كوللەدج ستۋدەنتتەرى مەن تۇلەكتەرى قاۋىمداستىعىنىڭ زاڭدى تۇلعالار بىرلەستىگىنىڭ» توراعاسى اڭسار قايىرجانوۆ.
