استانا قالاسىندا كوروناۆيرۋستىق ينفەكتسيا بويىنشا ەپيدەميولوگيالىق جاعداي تۇراقتى. قالا «جاسىل» ايماقتا, دەپ حابارلايدى astana-akshamy.kz.
بىراق, سوعان قاراماستان اۋرۋ جۇقتىرعانداردىڭ سالىستىرمالى تۇردە وسكەنى بايقالادى, ستاتيستيكاعا سايكەس 2023 جىلعى جەلتوقساندا 61 جاعداي, قاڭتاردا – 74 جاعداي, ال اقپاننىڭ ءبىرىنشى اپتاسىندا-25 جاعداي تىركەلدى. بۇل تۋرالى بۇگىن استانا كوممۋنيكاتسيالار قىزمەتىندە وتكەن بريفينگتە استانا قالاسىنىڭ باس سانيتاريالىق مەملەكەتتىك دارىگەرى سارحات بەيسەنوۆا ايتتى.
ونىڭ ايتۋىنشا, بۇگىنگى تاڭدا ستاتسيوناردا ءۇش پاتسيەنت بار, قالعاندارى امبۋلاتوريالىق ەمدەلۋدە. سوڭعى رەتتىلىك, شتاممداردى زەرتتەۋ 2023 جىلدىڭ جەلتوقسانىندا جۇرگىزىلدى, جاڭا شتاممنىڭ تۇرلەرى انىقتالمادى, بۇرىنعى وميكرون شتاممى اينالىمدا قالىپ وتىر.
