استانا قالاسىندا قازاق تىلىندە ونلاين-كونتەنت جاساۋشىلاردىڭ VII QAZAQFORUM-ى وتۋدە, دەپ حابارلايدى astana-akshamy.kz.
فورۋمنىڭ باستى تاقىرىبى: “بولاشاقتىڭ ديدارى. جاڭا تەحنولوگيالار جانە مەديا”.
قازاقستانداعى اقش ەلشىلىگىنىڭ قولداۋىمەن ءوتىپ جاتقان فورۋمنىڭ ماقساتى – قازاق تىلىندەگى كونتەنتتىڭ ساپاسىن ارتتىرۋ, جاڭا تەحنولوگيالاردى ءتيىمدى پايدالانۋ جانە مەديانىڭ بولاشاقتاعى دامۋ جولدارىن تالقىلاۋ.
بيىل جەتىنشى رەت وتەتىن قازاق تىلىندە ونلاين-كونتەنت جاساۋشىلار فورۋمى – تانىمال مەديا ساراپشىلار, جۋرناليستەر, باس رەداكتورلار, بلوگەرلەردىڭ باسىن قوسىپ, قازاقتىلدى ونلاين مەديانى دامىتۋ ماسەلەلەرىن تالقىلايتىن جالعىز الاڭ. فورۋمدا جاساندى ينتەللەكت ماسەلەسى, ونىڭ مەدياداعى ءرولى مەن ونىڭ قولدانىلۋى تالقىلانىپ, شەبەرلىك ساعاتتارى وتكىزىلەدى. جىل سايىن QazaqForum-دا تاقىرىپتارمەن قوسا, ساراپشىلار قاتارى وزگەرىپ تۇرادى. قاتىسۋشىلار «قازاق مەدياسىنىڭ تىنىس-تىرشىلىگى قالاي؟», «ەلدە قانداي ماسەلەلەر وزەكتى؟» دەگەن وزەكتى ساۋالدارعا جاۋاپ ىزدەيدى. فورۋم – اسىرەسە, قازاق تىلىندە كونتەنت جاسايتىن ادامدارعا وتە جاقسى مۇمكىندىك.
ءىس-شارا حالىقارالىق تəجىريبە نەگىزىندە قازاقستاندىق مەديا-نارىقتىڭ دامۋ كوكجيەكتەرىن ايقىندايتىن بىرىكتىرۋشى الاڭعا اينالدى. جيىن بارىسىندا سپيكەرلەر مەن قاتىسۋشىلار تالقىلايتىن تاقىرىپتار: «بولاشاقتىڭ تەحنولوگيالارى: تۇبەگەيلى ترانسفورماتسيا نەمەسە ۇيلەسىمدى دامۋ», Hype.Fake.Clickbait «جاڭالىقتار جاساۋ مەن تۇتىنۋدىڭ مادەنيەتى», «جي: قاۋىپسىزدىك جانە حالىقارالىق رەتتەۋ ستاندارتتارى», «كرەاتيۆتى يندۋستريا, مادەنيەت جانە تەحنولوگيا». سونداي-اق “كۇندەلىكتى ومىردە قولدانۋعا ارنالعان ۇزدىك نەيروجەلىلەر”, “جاساندى ينتەللەكت كومەگىمەن كونتەنت جاساۋ” تاقىرىبىندا ماستەر-كلاcستار ۇيىمداستىرىلۋدا. QAZAQFORUM تۋرالى تولىق اقپاراتتى http://www.qazforum.kz سايتىندا جانە @qazaqforum ينستاگرام پاراقشاسىندا تابا الاسىزدار.
