ەلوردانىڭ كوممۋنالدىق قىزمەتتەرى كوشەلەردى, اۋلالاردى, الاڭدار مەن جولداردى قار مەن مۇزدان تازارتۋ ءۇشىن تاۋلىك بويى ۇزدىكسىز جۇمىس جۇرگىزىپ جاتىر. كۇن سايىن بۇعان 2,5 مىڭعا جۋىق جول جۇمىسشى جۇمىلدىرىلادى, دەپ حابارلايدى astana-akshamy.kz استانا قالاسى اكىمدىگىنىڭ رەسمي سايتىنا سىلتەمە جاساپ.
8 اقپان كۇنى تاڭەرتەڭ قار تازالاۋ جۇمىسىنا 2,4 مىڭنان استام جول جۇمىسشى جانە 1,6 مىڭنان استام ارنايى تەحنيكا جۇمىلدىرىلدى.
وتكەن تۇندە قالادان ءتورت مىڭعا جۋىق رەيس ارقىلى 55 مىڭ تەكشە مەتردەن استام قار شىعارىلدى.
قىس باستالعالى پوليگوندارعا ءتورت ملن تەكشە مەتردەن استام قار شىعارىلدى, بۇل شامامەن 300 مىڭ اۋىر جۇك كولەمىنە تەڭ.
«قازگيدرومەت» رمك مالىمەتىنشە, 8-9 اقپان كۇندەرى استانادا قارلى بوران, كوكتايعاق بولادى. وڭتۇستىك-باتىسقا اۋىساتىن وڭتۇستىك-شىعىستان سوعاتىن جەلدىڭ ەكپىنى – 15-20 م/س, كەيدە – 23-28 م/س.
داۋىلدى ەسكەرتۋگە بايلانىستى استانا قالاسىنىڭ توتەنشە جاعدايلار دەپارتامەنتى ەلوردا تۇرعىندارى مەن قوناقتارىن مامانداردىڭ ۇسىنىمدارىن ەسكەرۋگە, ساق بولۋعا, اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى قاداعالاۋعا شاقىرادى.
