ەلوردادا شىۇ ەلدەرىنىڭ ەنەرگەتيكا مينيسترلەرى كەزدەسەدى
![](https://astana-akshamy.kz/wp-content/uploads/2024/06/proxy-image-4-2.jpg)
سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆونىڭ ءباسپاسوز ءماسليحاتىندا استانادا شانحاي ىنتىماقتاستىق ۇيىمىنا مۇشە ەلدەر مينيسترلەرىنىڭ بىرنەشە كەزدەسۋى وتەتىنىن ايتتى, دەپ حابارلايدى astana-akshamy.kz
«21 ماۋسىمدا استانادا شانحاي ىنتىماقتاستىق ۇيىمىنا مۇشە مەملەكەتتەرىنىڭ ەنەرگەتيكا مينيسترلەرىنىڭ كەزدەسۋى وتەدى. ەنەرگەتيكا ۆەدومستۆولارىنىڭ باسشىلارى قازاقستاننىڭ باستاماسىمەن ازىرلەنگەن شىۇ-عا مۇشە مەملەكەتتەردىڭ ىنتىماقتاستىعىن دامىتۋدىڭ 2030 جىلعا دەيىنگى كەزەڭگە ارنالعان ستراتەگياسىن قاراستىرىپ بەكىتەدى», – دەدى مينيسترلىكتىڭ رەسمي وكىلى.
ونىڭ ايتۋىنشا, كەزدەسۋ اياسىندا دەلەگاتسيا باسشىلارى ەنەرگەتيكالىق ىنتىماقتاستىقتى شىۇ فورماتىندا دامىتۋدىڭ ستراتەگيالىق تاسىلدەرىن تالقىلايدى.
سونداي-اق, ايبەك سمادياروۆ 20 ماۋسىمدا شىۇ-عا مۇشە مەملەكەتتەردىڭ عىلىم جانە تەحنيكا ۆەدومستۆولارى باسشىلارىنىڭ, كولىك مينيسترلەرىنىڭ ونلاين بەينەكونفەرەنتسيا فورماتىنداعى كەزدەسۋلەرى وتكىزىلەتىنىن ايتتى. بۇل ەكى ءىس-شارا دا قازاقستان باستاماسىمەن ۇيىمداستىرىلماق.